Te fundit
Ruani fëmijën 7 vjeç
20 Dhjetor 2020, 17:50Politika
TEMA
Nga Frrok Çupi
E keqja u bë, djali 7 vjeç e vrau babanë, Rolandin, bash kur ishte në kulmin e dashurisë për të atin. Po tash?
Tash, ‘ndale të keqen para se të shembet nga mali’- do të thoshte një malësor a një shqiptar tjetër tradicional që ka mësuar në jetë të jetëve si gjuajnë malet me shkëmbinj. Roland Bicerrin dhe familjen e tij i gjuajti zoti, por nuk është bërë akoma e keqja më e madhe. ‘ Mos të rëntë me e harrrue!’, kështu përshëndoshen burrat pas vdekjeve të mëdha.
E keqja më e madhe për familjen do të ishte nëse nuk do të ruhej djali 7 vjeç. Nuk kam asnjë informacion dhe madje asnjë të drejtë të hyj në mes të kësaj pune, sepse mamaja dhe gjyshërit mund ta kenë rrethuar Rolandin me mëndafshin e dashurisë prindërore.
Por kushdo të jetë, çdo fëmijë, duhet ruajtur, edhe sikur…
Sikur të ketë kryer një gabim të madh, ose edhe ‘krim’- siç mund të quhet kjo që ndodhi. Fëmija kishte vërejtur se ku e ruante pistoletën babai i tij oficer policie; e pa të atin që po gëzonte, edhe vetë fëmija donte të luante me lodrat e babait. Kaq ishte. Por edhe sikur të ishte ndryshe, fëmija nuk gabon kurrë.
Gabojnë prindërit dhe shteti; të tjerët nuk kanë asnjë përgjegjësi.
Tregimi i fundit që më vjen nga një ngjarje në Spanjë: Babai e kishte vrarë dhe varrosur fëmijën e vet, por nuk i tregonte të ëmës. Pas 9 vjet kërkime, dikush bëhet si ‘vajza e zhdukur’ e prindërve të pasur. Prezenca e saj u kthye në gjithçka, gëzim, përkujdesje, dashuri… Por ajo nuk ishte Laura e vërtetë. Prindërit e morën vesh të vërtetën.
E çfarë do të thoshte kjo për mamanë dhe gjyshin? Njëra anë- tërmet; ana tjetër- kishin para syve një fëmijë. Me atë ‘mashtrim’ jetuan deri në vdekje.
A lëndohet një fëmijë?…
Askush nuk është pronar i fëmijës, as prindi. Ngjarjet që kanë ndodhur mes nesh kohët e fundit janë ngjarje që kanë gjuajtur me shkëmbinj mbi fëmijët. Fëmijët u mashtruan dhe u nxorën në betejën politike të rrugës për të thyer qytetin, mbi llambadarët dhe semaforët, mbi pemën e Krishtlindjeve dhe shenjtërinë e paqes njerëzore. Me nga dymijë lek u gënjyen; u paguan nga paritë dhe liderët që na kishin grabitur nëpër xhepa prej kaq shumë vite. Fëmijët e bënë punën e tyre, thyen çfarë gjetën, dogjën edhe Krishtlindjet…
Por fëmijët nuk bënë krim. Krimin e bënë prindërit dhe partitë që përdorën fëmijët. Nuk po shikoj as prokurorinë as qeverinë që të hyjë menjëherë në fushë dhe të kujdeset për fëmijët.
Mos i shkoni dëm fëmijët!, kjo është çështja. Të tjerat vijnë në radhë, edhe kreu i shtetit vjen në gjyq, edhe kreu i opozitës do të dëshmojë, edhe qeveria do të provohet… Po fëmijët. Ata nuk janë pronë e askujt. Ata janë pjesa në rritje e shoqërisë njerëzore…
Kjo na ka tronditur kaq shumë sot, kur djali i vogël vrau të atin, Rolandin. Me siguri, në këtë moment Rolandi po gëzohet me të birin që luan, por i biri po mbytet në lot.
Ruani djalin, do të thoshte edhe babai i kthyer në engjëll.
9 komente në “Ruani fëmijën 7 vjeç”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Djalin duhet ta ruante vete babai i ndjere. Plaga do te mbetet hapur perjete. Dhe djali nuk ka per tu sheruar kurre nga plagosja e sotme.
Por ceshtja eshte e thelle.
Nuk behet instruktim rrenjesor ne repartet e policise. Ose behet por me metidoligjine amerikane.
Instruktazhi duhet bere me metodologjine russe. Sepse ne jemi me psikologji lindure.
Dhe metodologjia ruse ka instruktazh te perditshem per mbajtjen dhe perdorimin e armes.
Cjane keta police qe e mbajne armen me fisheke ne goje?
Cjane keta police qe ja lene armen dikuje tjeter , aq me keq nje femije te vogel?
Cjane keta police qe ne kohen e lire e mbajne armen me vete?
Arma lihet ne sigurese dhe pa fisheke ne goje. I hiqet kreheri me fisheke dhe lihet vec.
Po keto mesime nuk behen ne reparte, o ministri Cuci.
Beni mesim dhe stervitje ne efektivat se ju eshte rritur shume mendja. Kam frike se policet nuk e dine se e mbush shejtani dhe plumbi te vret.
Sa i shkrim i mençur. Veçanerisht kur e politizon. Frrok, ke mend edhe per dy kembe te tjera.
Kur prostituta si ty hiqet si virgjereshe.
Bravo
Bravo.Respekt zoti Cupi.Partit fashiste shqipetare nxoren ne proteste femijet per te bere shume shume.Turp per Lsi she pd qe paguajn femijet duke u dhen edukate te keqe terririste.
Frruk je plere perfundimisht….kushedi sa te kane paguar se Sala te beri drejtor Atsh dhei fondeve re ojf……o zot dhe ktu e lidhe me Politiker…sa i peshtire….ky ju mbron o sufllaqexhinj
Murtaja qe mbolli Saliu ne 9o ten do breza qe te largohet. Ketu jane rrenjet….jepni mendime sa te doni.
Ky shkrim.eshte nje hartim i kl.5-te. Mjafton t’i themi ngushellime familjes dhe jo.t’i jepen mesime. Eshte 100 faji i te ndierit qe nuk.e kishte siguruar armatimin personal, pistoleten. A-ja qe duhet te dije nje profesionist eshte fakti se arma luftarake nuk eshte loder, por nje rrezik e kercenim, qe sjell ngjarje tragjike kur perdoret pa njohur dhe zbatuar rregullat e shkuara me gjak.
Se kush eshte Froku nuk e di dhe nuk dua ta di. Shkrimi eshte shkruar bukur. Bravo!