“Nuk ka virus të ri, janë variacione gjenetike”, Aurora Dollenberg: Vaksinat, funksionale për të gjitha nënllojet e Covid-19

“Nuk ka virus të ri, janë variacione gjenetike. Vaksinat janë funksionale për të gjitha nënllojet”. Kështu është shprehur në studion e Dita Jonë mjekja Aurora Dollenberg në një lidhje direkte nga Gjermania. Sipas saj mutacioni i virusit i shfaqur në Angli ëhstë pjesë e evolucionit gjenetik të pandemisë.

“Është pjesë e evolucionit gjenetik të një pandemie që i njëjti virus të ketë ndryshime të vogla brenda të njëjtin lloj. Mutacioni është pjesë e natyrshme e një infeksioni pandemik, është variant i të njëjti lloj. Duke qenë se cdo popull ka bankën e vet gjenetike çdo popull reagon në mënyra të ndryshme ndaj infeksionit.

Strategjitë janë një aspekt për ta kontrolluar por edhe ndjeshmëria gjenetike është e pavarur dhe pakontrollueshme nga njeriu. Shumë individë kanë ndërvepruar me këtë gjen dhe ky virus shfaqi një variant tjetër të tij. E njëjta vaksinë po jepet edhe për këtë variant të ri të Covid. Për biologët është një evolucion i koronavirusit”- theksoi mjekja.

E pyetur për situatën nga pandemia në Gjermani, ajo tha se vendimi për t’u mbyllur është për të mbrojtur rezervat spitalore.

“Prej javësh kemi pasur numër stabël të të infektuarve edhe pse në total kemi rritje të infeksioneve të reja krahasuar me vjeshtën. Numri i vdekjeve spitalore ka qenë më i rritur. Ky vendim i Gjermanisë për ta mbyllur është profilaktik, se nuk duhet të kalojmë te rezervat spitalore që kemi.

Është ndaluar që më shumë se një familje të festojë së bashku dhe revolta e popullatës ndaj këtyre masave ka qenë e vogël”.

Mjekja Dollenberg konfirmoi se nga 1 janari do të nisë edhe fushata e vaksinimit në Gjermani, për 30 % të popullatës, ku përparësi do të kenë më të rrezikuarit nga Covid-19.

“Që prej 1 janarit 2021 do të nisë vaksinimi masiv në Gjermani, Gjermania disponon 30 mln doza mund të arrijmë të vaksinojmë 30% të popullatës. Qëllimi është që të vaksinohen ata pacientë që kanë nevojë urgjente për mbrojtje. Ky është plani që të fillojmë që nga 1 janari”.

Ajo apeloi qytetarët që më mirë të sakrifikojnë festat, pasi është  mënyra më e shëndetshme për të treguar dashurinë tonë.

Mutacioni i Covid-19, Tomini: Ka shumë të panjohura, e rëndësishme të mësojnë nëse riinfekton

21:01 Sociale

Pas injorimit në festimin e ditëlindjes me Metën e Kryemadhin, Bes Kallaku reagon për versionin e ri të Covid-19: Tallje b*the me njerëzit

19:43 Sociale

Covid-19, tre kategoritë e njerëzve që nuk mund ta marrin dot vaksinën

18:20 Sociale

Veliaj: Do ecim përpara me Teatrin Kombëtar, askush nuk duhet t’i përputhë axhendat e qytetit me axhendat e dështuara politike

17:34 Sociale

Këshilli Bashkiak miraton kreditë e buta për 850 familje

17:03 Sociale

Manastirliu: Po punojmë që procesi i vaksinimit të fillojë në muajt e parë të vitit. Kemi kontaktuar me kompaninë Pfizer

15:18 Sociale

VENDIMI: Forcohet "shtetrrethimi", njoftohen fashat e lëvizjes dhe masat e reja anti-Covid

14:52 Sociale

Covid-19, Manastirliu: Pezullohen fluturimet me Britaninë e Madhe

14:48 Sociale

Moderatorja Elona Duro i bashkohet nismës për mbjellen e pemëve, Veliaj: Qytetet bëhen për njerëzit, jo për makinat

13:51 Sociale

Banka e Bashkimit Evropian jep 40mln euro për Kosovën dhe 80mln euro për Bashkinë e Tiranës

11:22 Sociale