Presidenti Ilir Meta shprehet i trishtuar pas tërmetit të rëndë që goditi Kroacinë.
Ai thotë se vendi ynë do t’i gjendet pranë këtij shteti me të gjitha kapacitetet e mundshme.
“I trishtuar nga tërmeti i rëndë, që goditi sot Kroacinë mike!
Solidaritet njerëzor me popullin dhe autoritetet kroate, me urimin për ta përballuar me të gjithë forcën këtë situatë të vështirë dhe lehtësuar dhimbjen e familjeve, që kanë humbur të dashurit e tyre.
Pranë Kroacisë, me të gjithë kapacitetet tona të mundshme, si partnerë strategjikë, krah për krah në çdo sfidë”- shkruan Meta.