Nard Ndoka: Opozita e re edhe na dëmton edhe nuk na dëmton. Edhe e vetme PD-ja fiton, ne thjesht do maksimalizojmë. Shkodra do ta ndëshkojë me votë Topallin se s'ka moral sa kemi ne

Nard Ndoka thotë se PD-ja pa diskutim që del forcë e parë politike, me epërsi të dukshme ndaj mazhorancës aktuale.

Sipas tij, harmonizimi dhe ndërtimi i harkut opozitar me dy grupime, e bën fitoren të padiskutueshme dhe garanton një qeverisje të qëndrueshme dhe të sigurt për nesër.

Ndoka shprehet i bindur se opozita është e qartë, për problematikën e qeverisjes së vendit dhe e gatshme të marrë përgjegjësi konkrete, me programe dhe premtime reale dhe të realizueshme nesër në qeverisje.

PS-ja hyn në garë e vetme, ndërkohë që PD-ja ende nuk ka përmbyllur marrëveshjet me aleatët e saj. Sipas jush, cilat janë avantazhet dhe disavantazhet e opozitës më 25 qershor?
Edhe e vetme PD-ja është forcë politike e parë. Kodi Zgjedhor na jep mundësinë që të garojmë të gjithë më vete, por kjo skemë nuk maksimalizon votën opozitare dhe nuk krijon epërsi për një mazhorancë solide qeverisëse. Ndaj jemi të kushtëzuar që të dalim në një koalicion së bashku, duke siguruar fitore të thellë dhe përfaqësim dinjitoz. Të gjithë kemi vetëm një qëllim kryesor, largimin e Edi Ramës dhe “Rilindjes” nga pushteti, si një pengesë serioze për vendin, qeverisjen dhe integrimin europian.

Si e konsideroni deklaratën e Kryeministrit Edi Rama se “demokratët ngrohen në diell, kurse memexhinjtë i zunë vendet”?
Rama është një demagog, një model i keq në një demokraci funksionale, që suksesin e tij e mbështet te lufta ndaj kundërshtarit politik. Rama është kthyer në një meme të madhe, është kthyer në “lolo” të rrjeteve sociale dhe një gogol për qytetarët shqiptarë.
Opozita e bashkuar ka muaj që është në fushatë, në kontakte me qytetarët, grupet e interesit, ish-të persekutuarit, ish-pronarët, biznesin, shoqatat e ndryshme etj. Opozita është e qartë se cila është problematika e qeverisjes së vendit dhe e gatshme të marrë përgjegjësi konkrete, me programe dhe premtime reale dhe të realizueshme nesër në qeverisje. Të japë zgjidhje, për ekonominë, uljen e taksave në 9%, përcaktimin e pagës minimale, rritjen e pagës bazë për të gjitha kategoritë, për pensionet, uljen e çmimit të karburantit, të energjisë elektrike e ujit të pijshëm. Forcimin e institucioneve të drejtësisë, zhbërjen e koncesioneve dhe PPP-ve korruptive, duke kthyer në normalitet edhe financat shqiptare, të goditura me rritjen galopante të borxhit publik.

A duhet ta shqetësojnë opozitën partitë e reja si ajo e Topallit, Hajdarit apo më herët e Patozit? A besoni se ato do të rreshtohen përkrah opozitës para dhe pas zgjedhjeve të 25 qershorit?
Opozita duhet të shqetësohet, se të gjitha këto parti e kryetarë partish, kanë dalë nga PD-ja, për fat të keq, asnjëri prej tyre si zë ndryshe apo si reformator. Thjesht kemi disa personazhe, që nuk pranojnë as njëri-tjetrin për kryetar, se kanë krijuar 4-5 parti, pra nuk po kërkojnë liri e standarde, por mbijetesë politike për të gjetur një rrugë për të hyrë në Kuvend. Disa prej tyre kanë si qëllim për t’i shërbyer edhe Ramës. Nuk besoj se ato rreshtohen përkrah opozitës, se qëllimi i tyre është tjetër gjë, dhe kjo po vërehet dukshëm edhe nga qytetarët. Por jam i sigurt se me Kodin Zgjedhor që ato vetë e kanë mbështetur, asnjëra prej këtyre partive nuk do të përfaqësohet në Kuvend. Dëmi i tyre me vota, besoj dhe shpresoj do jetë i papërfillshëm për opozitën, se në fakt ato mund të marrin vetëm vota të majta dhe të rrethit të tyre.

Demokratët në 25 prill, krahas socialistëve do kenë përballë Jozefina Topallin, e cila ka vendosur të kandidojë në qarkun i cili historikisht i ka dhënë mandatin e deputetes, por këtë herë ajo do garojë me siglën e forcës së saj politike. Si e shikoni kandidimin e saj në Shkodër? A do ta dëmtojë të djathtën në këtë qark?
Fryma politike në qarkun e Shkodrës është në anën e rotacionit, në krahun e PD-së dhe opozitës, e për këtë arsye, por edhe për shumë të tjera, Shkodra do ta ndëshkojë me votë Topallin. Topalli ka qenë figura nr.2 e pushtetit për 8 vite dhe e PD-së për shumë vite të tjera, ndaj do të përballet me një realitet qytetar të trishtueshëm dhe të papranueshëm për të. Lëvizja e Topallit nuk ka kauzë, as moral politik, por vetëm mllef, inate e xhelozi patologjike për Lulzim Bashën, të demonstruara në një linjë me Edi Ramën, madje duke u keqpërdorur publikisht e politikisht prej tij.

Monika Kryemadhi premton: Do të ofroj 1 mijë dollarë për çdo bebe që do lindë

12:55 Politika

Basha: Do shkëpusim lidhjet e mafies me shtetin! Rama nuk e ka mendjen te puna, do ta largojmë

11:12 Politika

Kujt i ankohet Meta për shkollimin e fëmijëve të tij në Londër?! Presidenti: Ndal largimit të trurit

10:55 Politika

Balla zbardh takimin e Ramës me drejtuesit politik të PS: Po punojmë për zgjedhje me standarde, shpresojmë që rezultati të jetë i gjithëpranuar

10:44 Politika

Vajzës sime që la Shqipërinë, për Amerikën

10:36 Politika

Përgjimet e anti-mafias italiane për “Ndrangheta”, Balla: Ato që janë përmendur me emër i keni në presidencë dhe miq të Lulzim Bashës

10:28 Politika

Dëshmia: E kam parë pallatin super luksoz të Putinit, nga brenda

09:50 Politika

LSI prezanton programin për 25 prillin me efekt mbi çerekshekulli, Kryemadhi: Do ofrojmë garanci 1.000 dollarë për bebet, kur të jenë 25 vjeç do kenë 25.000 dollarë. E zbatojmë në 5 muaj

09:50 Politika

Zgjedhjet e 25 prillit e përgatitjet për fushatën: Rama mbledh drejtuesit e qarqeve në selinë e PS

08:41 Politika

U shfaq duke i lexuar të bijës para gjumit, Mero Baze ironizon Bashën: Vajza 10 vjeçe gjithë ditën me iPad në dorë duhet të dëgjojë një libër për fëmijë 3 vjeç

23:10 Politika