Te fundit
KESH ul sërish shkarkimet nga Hec Vau Dejës në 300 m3/s, Beci: Qëllim, mos impakti në zonën e nën Shkodrës
12 Shkurt 2021, 17:19Ekonomia
TEMA
Kreu i Kesh, Benet Beci mblodhi ditën e sotme Sekretariatin Teknik të Komisionit të Posaçëm të Trajtimit të Plotave, ku u mor dhe vendimi për uljen përsëri të shkarkimeve nga Hec Vau Dejës.
“Morëm vendim të ulim sërish shkarkimet nga 500 në 300 m3/s nga Hec Vau Dejës. Qëllimi është që të mos ketë impakt në zonën e nën Shkodrës”, u shpreh Beci.
Zona më problematike nga përmbytjet është Shkodra, ku është përmbytur një sipërfaqe totale toke prej 5370 Ha.
Lajmin e ka bërë publik edhe vetë dretori i KESH, Benet Beci, përmes një postimi në facebook ku bën me dije se situata është drejt normalizimit. Ulja e shkarkimeve sipas Becit i jep kohë lumit të Bunës dhe liqenit të Shkodrës të shkojnë drejt kuotave normale, pasi në datat 12-20 Shkurt nuk parashikohen më rreshje shiu.
“Së bashku me anëtarët e Sekretariatit Teknik të Komisionit të Posaçëm të Trajtimit të Plotave në një mbledhje ndryshe nga çdo herë tjetër, ku përtej analizës së menaxhimit të prodhimit dhe sigurinë e digave diskutuam se si KESH mund të ndihmojë në reduktimin e impaktit në zonën e nën Shkodrës.
Sipas raporteve meteorologjike për periudhën 12- 20 Shkurt 2021 nuk priten rreshje shiu dhe për këtë arsye së bashku me anëtarët vendosëm që të ulim sërish shkarkimet në Hec Vau Dejës nga 500 m3/ në 300m3/s. Kjo me qëllimin për ti dhënë kohë lumit të Bunës dhe liqenit të shkojnë drejt kuotave normale.
Falenderova të gjithë antarët e këtij Sekretariati për punën e palodhur dhe për bashkëpunimin perfekt që kemi pasur në këtë periudhë të vështirë me reshje intensive dhe prurje historike mbi lumin Drin”, shkruan Beci në facebook.
Lini një Përgjigje
Më të lexuarat
24 oret e fundit
Javen e fundit
Blog Tema
