Te fundit
Pse jemi vite dritë larg Kosovës për zgjedhjet?
16 Shkurt 2021, 13:16Blog
TEMA
Nga Astrit Patozi
Meqë jemi ende në ditët e entusiazmit, që ka shërthyer anembanë Shqipërisë, për zgjedhjet në Kosovë. Në fakt, jemi vite dritë larg tyre dhe nuk ka asnjë shenjë se Kosova mund të na shërbejë si shembull më 25 prill, edhe pse modelin e kemi kaq të afërt në të gjitha kuptimet.
Sepse ka kaluar si pa u vënë re, por këta mjeshtrat tanë të trafikimit dhe vjedhjes së votës, nuk po qëndrojnë duarkryq që asgjë të mos ndryshojë për mirë në Shqipëri edhe në këto zgjedhje.
Vetë e kishin caktuar në marrëveshjen e famshme të 5 qershorit, madje e kishin shkruar edhe në Kod, që votimi dhe numurimi elektronik do të aplikohej deri në 20 përqind të territorit.
Dhe po vetë e kanë vendosur këto ditë me një akt qesharak që kjo lloj teknologjie të zbatohet vetëm në 50 qendra të qarkut të Tiranës, që do të thotë se e kanë katandisur kaposhin në një thellë. Mjafton kaq për të kuptuar se janë të tre në një linjë që gjithçka të mbetet si më parë.
Janë të njëjtët personazhe që dje po shtyheshin me njëri-tjetrin për të uruar fitoren e Albin Kurtit, a thua se atë do ta përdornin si hajmali për vete në zgjedhjet e 25 prillit. Ndërkohë, që ne dimë të gjithë njësoj se kjo përralla e votimit dhe numurimit elektronik ka gati 15 vjet që tregohet nga anët tona, por gjithmonë shtyhet për më vonë, sepse asnjëherë nuk gjendet kohë.
Dhe kjo ka vetëm një shpjegim. Ngaqë e vetmja shpresë që ata kanë për ta ruajtur të paprekur sistemin e mbyllur dhe të korruptuar politik në Shqipëri është që numuruesit dhe komisionerët e tyre t’i kenë duart brenda kutive të votimit.
Ndaj mos prisni hajër prej tyre, e aq më tepër që të frymëzohen nga Kosova, e cila vetëm dy orë pas votimit kishte gati, jo vetëm rezultatin e zgjedhjeve, por edhe deklaratat e qarta të garuesve kryesorë, që pranonin humbjen.
7 komente në “Pse jemi vite dritë larg Kosovës për zgjedhjet?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sepse ata nuk kishin per 25 vjet nje dobic serb ne krye. Kaq e thjeshte eshte z. Patosi.
O debil ka 8 vjet Rama ne pushtet.
Zgjedhjet i organizon qeveria.
Por ne opozite vazhdon te jete Sali Shpellari, qe e ka bere lemsh kete vend ndac ne pushtet ndac ne opozite!!!
Kur Salihale Serbi te largohet nga kjo bote, do jete nje dite clirimi per kombin tone!
More zoterinj : kush eshte ky Patozi! Mos eshte ai sherbetori i Saliut qe ishte nenkryetar i PD!
hahah sa budallah
Te gjithe keta langot shpellare injorante te Sali qenit, po pergatisin terrenin e njohur per te justifikuar humbjen qe i pret dhe per te krijuar trazira, te vetmen gje qe dine te bejne…!!!
Avash, avash Astrit se dardha e ka bishtin mbrapa, ashtu tha ky Albini dhe radhen e pare por iku si kove pusi…. Me ke do bej qeveri me Ramush gomarin apo me lopen Vjosa…..