Ambasadori i OSBE: Kuvendi i Shqipërisë, ndër parlamentet e para në rajon dhe në Europë që reagoi shpejt ndaj Covid

Kryetari i Prezencës së OSBE-së në Shqipëri, ambasadori Vincenzo Del Monaco, vlerësoi Kuvendin e Shqipërisë si një ndër parlamentet e para në Europë dhe rajon që reagoi shpejt ndaj nevojave të COVID.

Del Monaco tha se OSBE ka bashkëpunuar me Kuvendin duke i dhënë mbështetje teknike, që mundësoi organizimin e takimeve të komisioneve parlamentare përmes mjeteve të komunikimit elektronik.

“Më 2020, pandemia Covid-19 vështirësoi shumë sfera të jetës e të punës në mbarë globin. Por Kuvendi i Shqipërisë ishte një ndër parlamentet e para në Evropë dhe në rajon që reagoi shpejt dhe iu përshtat nevojave dhe sfidave të reja.

Me krenari, ne punuam së bashku me Kuvendin duke i dhënë mbështetje teknike, gjë që mundësoi organizimin e takimeve të komisioneve parlamentare dhe strukturave të tjera përmes mjeteve të komunikimit elektronik.

Kjo përshtatje e shpejtë me teknologjinë dixhitale u vlerësua si praktikë e mirë edhe nga Komisioni Evropian në Raportin Vjetor 2020, si dhe në Raportin e Zyrës së OSBE-së për Institucione Demokratike dhe të Drejtat e Njeriut (ODIHR). Sfidat e 2020-s u shndërruan në mundësi, duke shtuar transparencën dhe pjesëmarrjen e qytetarëve”, tha Del Monaco.

Ambasadori Del Monaco tha se Prezenca e OSBE-së dhe Kuvendi kanë lidhje të forta dhe se jeta parlamentare e Shqipërisë është e një përparësie kyçe për Prezencën e OSBE-së. Ai kujtoi se Prezenca filloi të bashkëpunojë me Kuvendin që në vitin 2003 për hartimin e rregullores së Kuvendit, e cila është ende në fuqi që prej 2004-s, me ndryshimet e nevojshme përgjatë viteve.

Ambasadori i OSBE i bëri këto deklarata në hapje të konferencës shkencore ndërkombëtare “Roli i parlamenteve në vendimmarrjen publike në të shkuarën dhe të tashmen në Shqipëri”.

Konferenca u organizua nga Kuvendi, në bashkëpunim me Prezencën e Shqipërisë dhe ambasadën e Zvicrës, me rastin e 101-vjetorit të miratimit të Rregullores së Parë të Kuvendit të Shqipërisë.

Vogëlushja 7-vjeçare në SHBA shet limonada për të përballuar operacionin në tru

21:15 Sociale

Rama merr pjesë në përurimin e ekspozitës së eksodit 1991: Një moment përkujtimi tre dekada pas nisjes së emigracionit shqiptar drejt Puljas

21:05 Sociale

Najada Çomo do të vijojë punën në spital, zëvendësimi pas zgjedhjeve. Pipero e Harxhi, kandidatët për vendin e saj

20:01 Sociale

Mjeku shqiptar në Gjermani: Ndryshoni urgjentisht protokollet anti-COVID! Kujdes këto ilaçe, mund të jenë vdekjeprurëse

19:47 Sociale

30 vite nga eksodi drejt Italisë, Rama: Faleminderit që hapët dyer për shqiptarët

19:00 Sociale

Rama i kërkon ministrit të Jashtëm të Italisë të zgjidhë problemin e patentave të shqiptarëve

18:54 Sociale

Impiant fotovoltaik lundrues në HEC-in e Vaut të Dejës! Beci: Në bashkëpunim me BERZH po ndërtojmë parkun me kapacitet më të lartë në rajon

18:22 Sociale

Tërmeti në Greqi nuk lidhet me Shqipërinë

18:11 Sociale

Covid-19 në 24 orët e fundit: 21 humbje jetë, 780 raste të reja dhe 1440 të vaksinuar

18:08 Sociale

Nëna Lule 80-vjeçare komenton të rinjtë e sotëm: Edhe unë eksitohem kur shoh femra lakuriq! Djemtë nuk janë hallakatur si vajzat

15:06 Sociale