Te fundit
Bilushi i Metës zbulon se mandatet e Parlamentit i dogji Rama me Bashën
17 Mars 2021, 20:21Antena
TEMA
Në LSI ka shpërthyer një debat i madh dhe reflektim për djegien e mandateve, duke kërkuar fillimin e hetimeve se kush i dogji mandatet.
Në krye të këtij grupi hetimor është vetë Bilushi.
Në fillim ai thirri në pyetje Tit Vasilin.
-Si e mban mend atë ditë që u muar vendimi?
-Po mirë. Po rrinim para LSI-së. Isha me Luanin.
Përtonim të shkonim der tek kafja .
U ulëm tek bordura e po hanim fara, kur me ërdhi sms nga Monika:
-Eja pak në zyrë.
Shkova në zyrë.
-Do djegim mandatet, tha ajo. Është vendosur. Nuk dua diskutim.
Mos më filloni tani si shkërdhata të qani, jo rroga, jo dietat, jo tollonat, se nuk ua mban atyre të na i djegin.
Thjesht do t’i trembim.
-Patjetër, i thashë. Mua më ke gati.
Pas dëshmisë së Titit, thirri Haxhinaston.
-Si të njoftuan ty për vendimin?
-Mua më mori Nasipi. Më tha eja më jep ndonjë drekë sot, sa kemi këto rrogat akoma.
-Pse, çfarë ka ndodhur, e pyeta?
-S’ka më rrogë muajin tjetër, do djegim mandatet, më tha.
Pastaj mori në pyetje Tavon.
-Si e mësove djegien e mandatave?
-Nga televizori e dëgjova. Pastaj pyeta Monikën.
Ajo më tha e kemi gjasme.
Unë për të qenë brenda plotësova kërkesën, por vura gabim emrin e babait, ta kisha për siguri, për të thënë që nuk jam unë, në rast se ktheheshim.
Por ata nuk pyetën fare. Ma dogjën me emër babai tjetër.
-Ah, e kuptova, tha Bilushi.
D.m.th ju po nxirrni një element të ri, që mandatet ua dogji Edi Rama.
-Ai na i dogji. Po të kishte duruar pak ai, dhe po të ulej për bisedime, gjërat do ishin ndryshe.
Ai nuk na dha pazar. Veproi menjëherë.
Bilushi, pasi analizoi dhe deklaratën e Tit Vasilit, i rezultoi që LSI e ka pas “me gjasme” djegien e mandateve.
D.m.th nuk ka dashur t’i djegë. Edi Rama i ka djegur me dhunë.
Për këtë ai përgatiti një relacion për Ilir Metën, ku shkruan:
“Nga hetimet e mija, më rezulton se ka një bashkëpunim mes Edi Ramës dhe Lulzim Bashës për djegien e mandateve.
Në LSI, askush nuk ka dashur t’i djegë mandatet, por Lul Basha u ka mbushur mendjen se kjo është lëvizje fallco.
Këtë e ka besuar dhe Monika, pra as ajo nuk ka faj, se është njeri i sinqertë dhe naiv.
Pasi i ka futur në kurth, Basha i ka shkruar Ramës: “Tani digji menjëherë se do më ikin”.
Rama ka vepruar menjëherë. Kjo tregon se ata të dy do bëjnë aleancë pas zgjedhjeve.
Duhen marrë masa”.
Lini një Përgjigje
Më të lexuarat
24 oret e fundit
Javen e fundit
Blog Tema
