Te fundit
Vetëm me Edi Ramën e PS. Nuk mund të jemi lojcakë me historinë
20 Prill 2021, 16:26Blog
TEMA
Nga Albert Nikolla
Trokllorja e zgjedhjeve të së djelës ka filluar tiktakun e saj dhe pret secilin prej nesh të ballafaqohet me një moment historik që urojmë të jetë orëmirë dhe vazhdim i një shprese të konsoliduar tashmë për çdo zelltar ndërtues që do të mirën e përbashkët. Në përmbledhjen e tij “Sette discorsi sull’ebraismo” M. Buber shkruan për një legjendë të vjetër romake: “Përballë portave të Romës ishte ulur një lypës i sëmurë me lebër e po priste dikë. Shkova tek një plak i urtë dhe e pyeta «çfarë po pret lypësi i sëmurë?» dhe plaku më dha një përgjigje që unë e kam kuptuar pas shumë vitesh. Plaku më tha: «Po të pret ty»”! Këto zgjedhje presin përgjegjesinë tonë të plotë e pa asnjë dyzim mbi detyrimin qytetar për të votuar.
Jam krejt i bindur se e vetmja zgjedhje e drejtë në këtë takim me historinë është votimi për Edi Ramën e PS-në. Çdo alternativë, e ligjshme demokratikisht, nuk është e pranueshme historikisht në këtë fazë kaq delikate të historisë sonë moderne. Ne nuk mund të harrojmë valishtën dhe kulturën e dhunës, mishëruar kjo tek Partia Demokratike, që haptazi kërcënon ecjen tonë demokratike.
PD-ja nuk e ka bërë asnjëherë, me vetëdije të plotë, pendesën e detyruar të një partie që ka sjellë pështjellime dramatike në jetën tonë. Jo pa qëllim ajo ka krijuar një mpirje te elektorati i saj tradicional duke iu shmangur pendesës e duke theksuar luftën, tashmë qesharake, kundër komunizmit si çelësi ideologjik i saj. Të luftosh sot komunizmin në Shqipëri është rropatje me mullinjtë e erës.
E tha bukur Edi Rama para tri ditësh: «trashëgimia më dramatike që E. Hoxha u ka lënë shkodranëve është PD-ja, akoma sot e kësaj dite brohorasin kundër fantazmës së Enverit»! Kur një popull nuk e ka më gjallnike ndjenjën e sfidave të së ardhmes, mbetet skllav i fantazmave të së kaluarës. Elektorati i PD-së duhet të kuptojë rëndësinë e posaçme që kanë këto zgjedhje e të bëjë kapërcimin e fortë kulturor e politik duke braktisur një parti që ka lindur dhe ka mbetur sinonim i dhunës në mbamendjen kolektive shqiptare.
Partia Socialiste, mes shumë sfidash e vështirësish, është në mesin e rrugës së një misioni madhor e nuk mund ta ndërpresë shpresën që ka krijuar me rimëkëmbjen pas tërmetit, kapërcimin e pandemisë që tashmë po jep rezultatet e saj, përmbylljen me sukses të reformës në drejtësi që është bash çelësi e premisa gati magjike e ndërtimit të një shteti serioz. Vetëm me këtë frymë e më këtë qasje ndaj sfidave ne denjësisht mund t’i themi vetes europianë.
A ka vend për kritika për qeverisjen socialiste? Sigurisht që po, disa gjera mund të ishin bërë më mirë, por mos të harrojmë edhe kushtet në të cilat qeveria ka punuar: ka mbi dy vjet që është braktisur Kuvendi dhe janë sulmuar për disa muaj me radhë institucionet kryesore të shtetit. Ndaj, kur bëhet gjykimi për të votuar, nuk duhet të ndalemi vetëm tek një detaj i caktuar i qeverisjes apo vetem te gjërat që mund të ishin bërë më mirë, por duhet një gjykim i plotë i gjithë detajeve të punës së bërë dhe gjykimi i përplotësuar na dëshmon se PS-ja është zgjedhja më e mirë, është përmbushja e detyrës historike për ta votuar.
Këto zgjedhje e vënë në sprovë ndërgjegjen tonë pasi sensi i shtetit dhe i së mirës së përbashkët kalon nëpërmjet secilit prej nesh me një përgjegjësi të shkallëzuar, sipas detyrës që ushtrojmë. Sigurisht, kush mbulon detyra shtetërore ka përgjegjësi më të madhe, por pa përgjegjësi nuk është askush, as fshesaxhiu dhe as ai që kërkon lëmoshë gjithë ditën.
Por përgjegjësisë personale, sado të vogël në dukje, nuk mund t’i shmangemi dhe, për më tepër, as gjykimit të historisë për secilin prej nesh.
Një politikë serioze dhe një impenjim autentik për të mirën e përbashkët kërkon prej nesh reflektim serioz para kutisë së votimit dhe mbrojtjen e rrugës së drejtë drejt ndërtimit të shtetit. Nuk mund t’u besojmë shtetin atyre që e urrejnë atë, nuk mund t’u besojmë shtetin atyre që e shkatërruan atë në 97-n, nuk mund t’u besojmë shtetin atyre që nuk e kanë idenë se çfarë është e mira e përbashkët, nuk mund t’u besojmë shtetin atyre që mbjellin urrejtje, nuk mund t’u besojmë shtetin atyre që gjatë gjithë kësaj fushate bëjnë thirrje për dhunë.
Faqja e parë e programtit të PS-së në fitoren e 2013-s është hapur me trinomin: “liri – përgjegjësi – solidaritet”. Bash zemra e trinomit është “përgjegjësia” dhe është ajo që sot na kërkohet më shumë se kurrë. Nuk mund të jemi të lirë pa ushtruar përgjegjësinë dhe nuk mund të gjejmë askund solidaritetin që dallon qartësisht qeverisjen socialiste nëse kësaj përjegjësie nuk i dëshmojmë pasionin e impenjimin e duhur për të votuar e për të zgjedhur saktë në fletë. Liria, për vetë natyrën e saj, është e shoqëruar me mundësinë për të gabuar dhe bash aty qëndron përgjegjësia e takimit me historinë. Jo më kot në fillim shkrova: nuk mund të jemi lojcakë me historinë sepse ajo është e pamëshirshme në gjykimin e saj.
4 komente në “Vetëm me Edi Ramën e PS. Nuk mund të jemi lojcakë me historinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Au, te pelqen te jesh Z/v Minister o N’koll ? Rroge, maqine, djeta etj etj. Nuk e ke keq. Po me Milon je pare? Nese e sheh puthe.
SHKRIM SHUME I SAKTE BRAVO ndoshta te degjojne ata pak ne PD qe nuk jane te inkriminuar.
Vertete shkrim i persosur.Ne shkrim thuhet pse nuk duhet te vijn ne pushtet ata qe therrasin “Rama ik”. PD-ke, eshte partia me e zeze qe sjell vetem te zeza dhe nga kjo parti kemie pare vetem te zeza. Shkaterrimet,djegiet,vrasjet,kane qene dhe jane lejtmotivi saj pa te cilat nuk ka jete.MOS E BEFT ZOTI TE VIJN EDHE NJE HERE KETA NE PUSHTET,SE PASTAJ MJER KY POPULL E MJER KY VEND. Do shkaterrohen ato qe jane bere deri sot nga qeveria Rama per inat te Rames,siç ndodhi me zogun e zi ne Tirane qe, Sali Berisha me shpirtin e tij te zi katran,shkaterroi e hodhi posht gjithe ate ndertim prej nje miljard e dyqind miljon leke,vetem se kishte bere Rama. Po u votua edhe njehere PD,do jete fatkeqesia me e madhe per vendin tone.Zoti na ruajt.
E keni filluar shume mire shkrimin , dhe e keni mbaruar po kaq mir , me fjaline ; — Nuk mund te jemi lojacak me historine etj — . Historite i pershtaten ngjarjeve te koheve te caktuara , prandaj ne populli nuk duhet te humbasim asnje moment nga levizjet tona , per ti sherbier vet–vetes si dhe per te bere historine tone , por duke shmangur gjithe pseudohistorianet , ketu e 75 vjet te shkuara . Sipas zoterise , ne s’duhet te humbasim shancin e te humbasim , mundesine per te larguar gjithe te rinjt nga vendi per mungese pune , s’duhet te humbasim mundesine per ata qe mund te jen ne pune te paguhen 20,000 lek dhe pensionistet s’mund te humbasin shansin te vazhdojne te marrin 12,000 lek pension ne muaj . Zoteria na premton te vazhdojme Triaden ; “Liri – pergjegjesi — solidaritet “..
Po zoteri i nderuar ; Liria s’na mungon , — Morem dinjane nga varferia –, Cuditem dinjane me sjelljet tona te ideologjise moniste , ne vazhdim ; Pergjegjesine nga qeverisjet e radhes , per ekonomine dhe shendetin e popullit , as qe u kercet trapi fare ; SA pe solidaritetin , kemi dashuri ie madhe ne mes nesh , te gjitha bisedat per halle e probleme behen me fjalorin e arte ; te q….a robt , Nenat Grate e vajzat i kini p….a , jeni shkerdhata , e plot e ploe fjale dashurie e solidariteti te pa ndar . Ky zhargon perdoret qysh nga lideret e me radhe . A do me per Triaden .
Edhe ti Nikolla , i di shume mir keto , po helbete , keshtu ta do halli , sidoqoft , pune per ty .