Te fundit
Për hir të këtij qyteti
23 Prill 2021, 18:11Blog
TEMA
Nga Ilir Metaj
Motra dhe vëllezër vlonjatë!
Kam kuptuar se paskam qenë me shumë fat që kandidoj sot për PS, dhe jo më parë. Sepse kam kuptuar sa të vështirë e kanë patur të gjithë kandidatët që në këto 30 vjet kanë kërkuar votën në Vlorë. Sa në hall kanë qenë kur kanë kërkuar mbështetjen e vlonjatëve që investimin e fundit për këtë qytet kishin akoma “Plazhin i Nedinit”.
Ndaj kur kërkonin votën e vlonjatit, i kërkonin ndihmë traditës, i kërkonin ndihmë zemrës që rreh majtas. Ndaj unë sot jam me fat. Sepse ngado hedh sytë, gjej arsye pse të kërkoj votën per Partinë Socialiste pa m’u dridhur syri. Sepse Edi Rama e mori popullin e Vlorës dhe e vendosi në një Vlorë krejtësisht të re.
Edi Rama i hapi Vlorës pamjen nga deti, atë pamje që kishte qenë e mbyllur me xhama gri historikisht. Të gjitha qeveritë e kishin parë Vlorën vetëm si libër historie, jo si album të një bukurie që Zoti na e kishte falë. Dhe Zoti vonon, por nuk harron.
Zoti nuk na harroi, se na solli ne Vlorë kryedeputetin. Edi Rama nuk është Mesia. Por është shqiptari i mirë që DO dhe DI, është vlonjati i mirë që DI dhe BËN.
Një si ai i kishte munguar këtyre trojeve, i kishte munguar këtij qyteti. Ndaj unë jam me fat sot. Sepse nuk kam nevojë t’ju kujtoj traditën e majtë për t’ju kërkuar votën.
Nuk kam nevojë t’ju kujtoj se zemra rreh majtas. Unë ju kërkoj votën për hir te këtij qyteti të dalë nga hiri, për hir të fëmijëve tanë, që kanë mundësinë ta kenë Vloren jo thjesht vendlindje, por edhe vendin ku mund të ndërtojnë një jetë të mirë.
Ne vlonjatët jemi mesuar të shkruajmë faqe në librin e historisë, ndaj, nesër ne kemi në dorë të shkruajmë edhe një faqe tjetër në histori. Nesër ne vlonjatët kemi shansin të tregojmë për herë të parë se si demokracia e vërtetë funksionon.
Sepse demokracia e vërtetë është kur vota i shkon atij që ka punuar më mirë. Dhe kush ka sy e sheh sot Vlorën e ëndrrave, Vlorën që po i therret edhe të ikurit të kthehen, edhe të zemëruarit të paqetohen, edhe më dembelët të vijnë e të punojnë.
Dita e nesërme duhet të zërë vend në librin tonë të historisë. Motra dhe vëllezër! Historia i ka caktuar gjithmonë punë të mëdha Vlorës.
Edhe këtë herë i ka caktuar prapë punë të madhe për të bërë. Vlorës këtë herë i kërkohet t’i mësojë Shqipërisë se si bëhet demokracia. T’i mësojë Shqiperisë se si votohet! T’i tregojë politikes se si meritohet vota! Dhe t’i tregojë brezave që do të vijnë se Vlora i bën mirë punët! Vlora voton vetëm numrin 12!!!
4 komente në “Për hir të këtij qyteti”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
me emocionove or djal. Si ty pacim shum.
Ti o Ilir bën shumë mirë me këtë mesazh.
Por thjesht, je i papërshtatshëm ti për këtë.
Si një prodhim i nepotizmit rilindës po të kujtoj këtu që në nivel lokal ke pas mundësi të rrisje turizmin lokal si drejtor edhe pse me Shpetim Gjikën…
Aty u trampolove pa asnjë background ose merit. (Për hatër të Natashës qe e kishe drejtore)
Tipike rilindëse.
Dole bëre ca shkrime të përgjithshme revolte të tipit kritikë brenda llojit.
Mqs Rama po të bën deputet…
Suksese nesër dhe shiko të jesh vigjilent për t’ju lëpirë shefit të rradhës. (Post Rama)
Sa për Vlorën…
Ti nuk përfaqëson Vlorën por thjeshtë një klan..
Kështu që leri keto elozhetë dhe artificiet demagoge alla Edi. (Nuk po ju thotë njeri për ato që keni bërë, por për ato që jo, dhe jo vetëm VL por dhe SH, SR. BR, KO, DR e kudo..
Gjithësesi suksese nesër dhe mos i bini shumë gjoksit juve nga VL se helbete s’keni më as fabrikë çimentoje që t’jua mbushi..
Uroj shumë që mandatin e nesërm ta lexoni mirë se ndryshe shumë të shkurtra i keni ditët në pushtet…(dhe ti mos paç fatin e adashit)…
Ilir ti e meriton dhe te uroj sukse si deputet!
Ilir ti e meriton dhe te uroj suksese si deputet!