Te fundit
Zamira Durdaj: Im bir ra në koma, sepse spitali nuk kishte një bombol oksigjeni për ta shoqëruar në ambulancë!
6 Maj 2021, 20:17Sociale
TEMA
Zamira Durda me portretin e të birit, që vdiq në Gërdec
Familja Durdaj që humbi djalin 9-vjeçar në tragjedinë e Gërdecit kanë kallëzuar në SPAK Fatmir Mediun, i cili në atë kohë ka qenë ministër i Mbrojtjes, në qeverinë Berisha.
Zamira Durdaj e ëma e Erit që është mes 26 viktimave të Gërdecit, e ftuar në Shqip në Dritare Tv rrëfeu betejën e saj 13-vjeçare për të vënë në vend drejtësinë për të birin, që sot do të ishte 21-vjeç.
Në bisedë me gazetaren Rudina Xhunga zonja Durdaj tha se një nga arsyet që djali i saj përfundoi në koma, ishte sepse në spital nuk kishte bombola oksigjeni.
“Me Erin kam folur për herë të fundit në spital. Kam komunikuar gjithë natës sepse kështu ishte edhe këshilla e mjekë që të rrinte zgjuar.
Fjala e para që më tha ishte më fal, që lëviza pa leje. Kjo më ka mbetur peng, se si mund të më kërkojë falje një fëmijë.
Atë natë nuk e besoja që do ishte e fundit herë që do e shihja, që do flisja me të. Kisha besim që do të jetonte, sepse nuk kishte plagë në trup. Trupin e kishte të rregullt, të padjegur por kishte një plagë të madhe në kokë. Kur në listën e ilaçeve pashë që kishte morfinë, u tremba.
Ai duhej të nisej për në Itali për t’u trajtuar. Nga dhoma në ambulancë i duhej bombol oksigjeni, por nuk kishte për të gjithë. Ai aty kaloi në koma.
Plaga u thellua dhe helmi shkoi deri në mushkëri. Në Itali bëri 3 operacione dhe nuk ia doli. Nuk i humba shpresat asokohe, sepse e dija që do të shkonte për një trajtim të specializuar. Zotit ia fal, njeriut jo”, tha Durdaj në Dritare Tv.
2 komente në “Zamira Durdaj: Im bir ra në koma, sepse spitali nuk kishte një bombol oksigjeni për ta shoqëruar në ambulancë!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nene mos u ndal kurre. Shkelzen Berisha me parate gjakut te djalit tend ben jete sheikesh ne vendet me luksoze te botes.
Vetem per kete nene dhe per birin e saj te vetem qe nuk kishte asnje faj ne kete bote, ata ndyresira duhet te futen vet ne burg nje e nga nje deri sa vdesin atje.
Nese nuk ka drejtesi zoti tju jap vuajtiet atyre ndyresirave te kesaj nene 10 fish, tek femijet, tek niper e mbesa.
Respekte pa fund per kete nene, te vjen te ulurasesh por ishalla denohen siç ajo gura po kerkon prej 13 vitesh.