Te fundit
Manjani: Politikanët shkojnë derë më derë për kodoshllëqe politike, të ndalohet me ligj
25 Maj 2021, 09:53Politika
TEMA
Ish-ministri i Drejtësisë Ylli Manjani ka bërë tre propozime, në lidhje me partitë politike, për të cilat thotë se duhet të ndajnë një herë e mirë privaten nga publikja.
Në një postim në rrjetet sociale, Manjani shkruan se çfarë duhet të ndalohet me ligj!
Postimi i plotë i Manjanit:
Për mendimin tim ligji duhet të ndalojë:
1.Cdo politikan, kandidat apo partiak që të shkojë në mjedise private për të lypur vota.
2.Vendosjen e partive politike në godina private.
3.Përfshirjen e partive në jetën private të njerëzve.
Politika është një e mirë publike ndaj duhet zhvilluar në agora, sheshin publik.
Në kohët e sotme në hapësirat publike fizike, elektronike e mediatike.
Aty shpalosen idetë e pikpamjet dhe idetë.
Politikani derë më derë shkon vetëm për kodoshllëqe politike, jo për politikë. Mjedisi publik është vendi i shpalosjes së ideve. Në njedisin privat ka vetëm dallavere, shitje e blerje.
Partia në mjedise private është pronë private, jo aset publik.
Le pastaj ndërhyrja e partive në jetën private, të dhënat apo telefoninë private. Kriminale fare.
Në ka gjë që ne kemi nevojë ta ndajmë njëherë e mirë kjo është ndarja e publikes nga privatja. Kemi nevojë që politika të jetë e mirë publike, jo vetëm e mirë private e atyre që e bëjnë.
Njerizit duhet të jenë të lirë të arsyetojnë e të vendosin. Kjo liri nuk garantohet nëse politikani apo “ustai i votave” të vijnë në shtëpi, në telefon apo në vendin ku punon për të të intimiduar.
Çdokush duhet të jetë mjaftueshmërisht i lirë të formojë një opinion nga informacioni që merr në sheshin publik të ideve, jo nga trokitja e derës apo zilja e celularit.
Arsyetimi se kështu apo ashtu e ka edhe bota, nuk pi ujë fare. Sepse ajo botë ku referohemi e ka të ndarë publiken nga privatja. Neve jo.
Ndaj duhet një ligj i rreptë që politika të bëhet ekskluzivisht në mjedis publik.
Politikani gjendet në mjedis privat vetëm në shtëpinë e tij ose në një mjedis familjar apo shoqëror në kohën e tij/saj jo politike.
2 komente në “Manjani: Politikanët shkojnë derë më derë për kodoshllëqe politike, të ndalohet me ligj”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nese ka ndonje gje qe duhet ndaluar me ligj eshte ndalimi i ketij sociopatit nga hapesira publike ne media!
Yllı kohen e pluralızmıt e kame kaluar ne Lezhe dhe ne Tırane Per 11 vjet qe qendrova ne Lezhe nukme trokıtı asnje kandıdate per deputet ne dere per te kerkuar voten e famıljes sıme Po keshtu edhe ne Tırane Tashe 21 vjet askush nuk me kerkoj vote tek dera e shtepıse e aq meteper kundrejt lekeve Keshtu qe nuk jame dakort me mendımın tend Tek ndonje shtepı te lekunder edhe mundet te jete e vertet