Te fundit
Së shpejti FBI “zbarkon” në Durrës, hetuesit e BKH, 1 javë trajnim në itali
8 Qershor 2021, 20:07Kronika
TEMA
Grupi i parë i hetuesve të Byrosë Kombëtare të Hetimit ka nisur trajnimin në Itali. Në pamjet e publikuara nga mediat italiane shfaqet drejtoresha e BKH-së, Aida Hajnaj dhe kreu i SPAK, Arben Kraja, të cilët priten nga drejtues të lartë të DIA-s, antimafias italiane që organizon këtë trajnim.
Gjithashtu edhe Ambasada italiane ka publikuar foto, ku shpjegon se 27 hetuesit shqiptarë do të qëndrojnë për një javë atje dhe përpos trajnimit përspecifikat e hetimit, do të vizitojnë edhe disa ambiente, ku punojnë hetuesit italianë.
Në raportimin e fund majit pranë Këshillit të Lartë të Prokurorisë, kreu i SPAK, Arben Kraja dha detaje për strukturën e Byrosë Kombëtare të Hetimit.
Ndërkaq, burime të sigurta pranë SPAK konfirmuan për A2CNN se sapo 27 hetuesit e BKH-së të kthehen nga Italia, do të nisë edhe procesi i madh i trajnimit nga vetë Byroja Federale e Hetimit.
Mësohet se përgjatë një muaji ekspertët e FBI-së do të mbërrijnë në Durrës, ku do të trajnojnë për njëmuaj hetuesit shqiptarë të BKH-së.
Referuar edhe fjalës së Krajës, rezulton se pas këtij trajnimi, hetuesit e parë të Byrosë Kombëtare të Hetimit do të jenë gati për të nisur punën në gusht, nën drejtimin e prokurorëve të SPAK, ku priten edhe rezultate konkrete në luftën kundër krimit të organizuar,korrupsionit dhe veprave të tjera penale, për të cilat janë ngarkuar këto struktura të reja të drejtësisë.
2 komente në “Së shpejti FBI “zbarkon” në Durrës, hetuesit e BKH, 1 javë trajnim në itali”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Dakort. Mesojuni shume gjera, por mesojini se pari te mendojne ndryshe nga sa kane menduar ne Bilisht, Rrogozhine, Tepelene, Tropoje…apo andej nga jane sepse Menyra e mendimit eshte thelbesore per njeriun. Shqiptaret e suksesshem ne bote e kane arritur objektivin sepse ne radhe te pare kane kuptuar mentalitetin e ndryshem, jane pajtuar me te dhe kane vendosur ta aplikojne. Pas ketij operacioni njeriu shnderrohet ne nje person tjeter dhe vendlindja e tij eshte vetem nje shenim ne pasaporte.
Prokuroret tane u shqepen ne trainime , shko ne USA , shko ne Itali , shko ne Gjermani e gjetke ……cfare ??? Bejne te paditurin dhe shtyjne kohen ??? Sekreti nuk eshte trainimi , por vendosmeria te punosh ……prokuroret kroate skishin ndonje trainim te vecante, dhe nuk shkuan per trainim , por ishin te vendosur deri ne fund …..keta taneve u kaloi jeta ne trainim ………nuk duan te punojne larot …..