Te fundit
Shkretëtirëzimi i Tokës prek jetën e dy miliardë njerëzve
17 Qershor 2021, 16:44Lifestyle
TEMA
Sipas drejtueses së një grupi mjedisor jofitimprurës, shkretëtirëzimi i Tokës prek jetën e afërsisht dy miliardë njerëzve në të gjithë botën dhe i kthen njerëzit në “migrantë ekologjikë”.
Duke folur me rastin e Ditës Botërore për Luftimin e Shkretëtirëzimit dhe Thatësirës, shefja ekzekutive e Fondacionit Turk për Luftimin e Erozionit të Tokës, Ripyllëzimin dhe Mbrojtjen e Habitateve Natyrore (TEMA), Deniz Ataç, tha se degradimi i Tokës shkakton 11% ulje të prodhimit të ushqimit.
17 qershori, Dita Botërore për Luftimin e Shkretëtirëzimit dhe Thatësirës, është një ditë e shënuar nga Kombet e Bashkuara (OKB) që përqendrohet në ndryshimin e qëndrimeve të opinionit ndaj shkaktarëve kryesor të shkretëtirëzimit dhe degradimit të Tokës.
“Degradimi i Tokës është zvogëlimi i produktivitetit të tokës, biodiversitetit, potencialit të sekuestrimit të karbonit dhe të gjitha shërbimeve të ekosistemit të natyrës, duke përfshirë ligatinat. Shkurtimisht, (shkretëtirëzimi) do të thotë varfërim, mungesë ushqimi, më shumë thatësirë dhe etje”, tha Ataç.
“12 milionë hektarë tokë bujqësore degradohen çdo vit për shkak të erozionit, menaxhimit jo të duhur të tokës, përdorimit të tepruar të plehrave kimikë, përdorimit të pesticideve për qëllime bujqësore, ujitjes së tepruar dhe jo korrekte dhe ndotjes”, shtoi ajo.
“Me shkatërrimin e pyjeve të shiut, rajonet tropikale me një klimë të lagësht kanë filluar të përballen me rrezikun e shkretëtirëzimit edhe në këtë klimë të lagësht. Shkretëtirëzimi prek jetën e afërsisht dy miliardë njerëzve, zvogëlon mirëqenien e tyre, shkakton mungesa të ushqimit dhe i kthen njerëzit në migrantë ekologjikë”, theksoi ajo.
2 komente në “Shkretëtirëzimi i Tokës prek jetën e dy miliardë njerëzve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
mosss na dhjeu
Filip, nuk është për tu tallur dhe nuk është për tu marrë aq lehtë sa mund të mendosh ti dhe unë bashk me ty.
Mendo për një moment një krizë rajonale dhe përse jo edhe botërore, atëhere çfar do të ndodhte me sigurimin e ushqimit të popullatës?
Nuk priten pyjet si në Pukë, Lurë e kudo tjetër në Shqipëri, mbasi ato veç pastrimit të ajrit lozin edhe rolin kryesor të mbathjes dhe mbrojtjes së tokës nga erozioni.
Mendo tokat bujwësore me parcela vogla dhe në çdo parcelë nva një banese pa kanalizime dhe me nga një gropë septike. Mendo ndotjen.