Te fundit
Sa më luksoze makina, aq më arrogant shoferi e aq më i pafuqishëm shteti
26 Qershor 2021, 09:23Blog
TEMA
Nga Çapajev Gjokutaj
Një familje me 4 antarë: babë, nënë dhe dy bija,7 dhe 14 vjeç, u shua në autostradën Fier – Vlorë. Kishin ardhur nga Greqia ku prindrit punonin si emigrantë dhe, pasi kishin vizituar të afërmit në Patos, qenë nisur për pushime. Por fati e deshi që të bënin pushimin e përjetshëm. Aksident automobilistik, thoshte lajmi.
Në fakt nuk ishte aksident automobilistik, madje nuk qe as fati që solli fundin e tyre të dhimbshëm. Ishte një 22 vjeçar, me një Audi 100 mijë euroshe, që po e ngiste me 200 km në orë dhe erdhi e u përplas nga prapa me Nisanin e emigrantit.
Parë kështu kjo është vrasje e jo aksident. Madje nuk ishte rastësi që rioshi kishte tejkaluar gati dy herë limitin e shpejtësisë dhe grahte si të ishte në pistë aeroporti.
Policia thotë se nuk e kishte për herë të parë, ishte gjobitur dy herë për tejkalim shpejtësie dhe një herë tjetër për kalim të gabuar semafori.
Dhe s’di të thuash nëse këto shkelje i bënte nga që ishte i ri e me natyrë të papërmbajtur apo ngaqë komoditeti që i kishte krijuar i ati biznesmen, përfshi dhe Audin 100 mijësh, i kishin mbushur mendjen se ishte i veçantë, tejet e zoti dhe mbi të tjerët.
Po mbase shkeljet i bënte në harmoni me aforizmin ala shqiptar: sa më luksoze makina, aq më arrogant i zoti dhe aq më … servil polici.
Problemi është se harxhet si rregull i paguan fukaraja dhe, kur zullumi trashet, paguan në përmasa tragjike. Të kamurit e ‘të fortët’ shumë shumë paguajnë nën dorë…
5 komente në “Sa më luksoze makina, aq më arrogant shoferi e aq më i pafuqishëm shteti”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Aspak meshire per Kriminelin.Denimi maksimal eshte i dosdoshem per ate herif te Papergjegjshem.
Shteti keta bij biznesmenesh ,i kap dhe i liron perseri.Kurse te varferit i denon per nje cigare hashash.
Akoma besoni se ka shtet ne shqiperi?
Sa me e shtrenjte makina aq me e shrenjte gjoba.
Ne Zvicer ka ne rruge Ferrari, Bently, Rolls, Jaguar, Tesla, Lamborgini etj por asnje shofer nuk shet pordhe si katunaret derra ne Shqiperi qe nuk dine te shkruajne e te flasin, lere me te njohin rregullat e edukates dhe te qarkullimit!