Një shembull nga Londra kur shqiptarët arrijnë maja të larta të sipërmarrjes

Nga Lavdrim Krashi*

Tashmë, e kjo ka një kohë që ndodh kështu, në Britaninë e Madhe, konstatojmë që kemi gjithnjë e më shumë raste të bashkëatdhetarëve tanë këtu, që janë shembull pozitiv dhe të rëndësishëm, që ndihmojnë në rritjen e imazhit të shqiptarëeve.

Në misionin tim si anëtar i Parlamentit të Shqipërisë, do të përfaqësoj sa të jetë e mundur pjesën e shqiptarëve të diasporës, natyrisht edhe duke qenë zëri por edhe njeriu i afërt i tyre.

Në këtë shhënim timin, do të doja të ndalesha në shembullin tepër domethënës dhe pozitiv të një bashkëatdhetari në Mbretërinë e Bashkuar, i cili është kthyer në një model suksesi në sipërmarrjen dhe marrëdhëniet me institucionet e larta qeveritare të këtij vendi.

Elson Bajrakurtaj, është një nga shembujt pozitivë të arritjeve me forcat e vete drejt majave të sipërmarrjes me kompaninë e tij Elysium Construction Ltd, të cilin e vizitova në Slough, në perëndim të Londrës.

Elson më priti në kantierin më të ri të grupit të tij, duke më prezantuar projektin madhështor me të cilin po punon ai dhe ekipi i tij drejtues.

Në fillim të vitit kaluar, firma mori një kontratë gjigande për të rinovuar centralin e madh elektrik të zonës, Slough Power Plant.

Ky rinovim do të prodhjë energji për më shumë se 100,000 shtëpi duke djegur 500,000 ton mbetje në vit, duke ndihmuar kështu edhë me një tjetër problem, atë të mbetjeve dhe ricklimit.

Ky projekt është më rëndësi kombëtare (Tier 1) dhe zinxhiri i administratës ka varësi të drejtpërdrejtë direkte nga kryeministri Britanik.

Elsoni ka një përvojë veçanërisht të vyer në një industri që shihet me shumë interes në Shqipëri. Një numër investimesh të rëndësishme kanë ardhur me dëshirën për të zgjidhur problemet e energjitikës, infrastrukturës, por edhe atë të ndotjes së ambientit dhe promovimin e ricklimit si nga individët, e veçanërisht nga bizneset dhe investitorët të cilët mund ti zhvillojnë këto sektor në mënyrë të përshpejtuar nëse gjejnë në Shqipëri jo vetëm interes, por dhe burimet e duhura njerëzore, mjetet dhe eksperiencën e nevojshme.

Gjatë qëndrimit tim aty, firma morri pjesë në një garë tjetër, duke treguar me vendosmëri se suksesi i arritur deri më tani, thjesht u ka rritur më tej dëshirën për të marrë përsipër nisma edhe më të mëdha. Të bie në sy energjia e madhe që Elsoni dhe skuadra e tij kanë, te ambicja e tyre për të arritur sa më shumë por mbi të gjitha, ambienti pozitiv mes stafit të tij, ku ndihet shpirti i skuadrës dhe mbështetja që i japin njëri-tjetrit.

Një frymë pune për të patur zili e për t’u marrë shembull nga ato sipërmarrje që janë të përqëndruara te fitimet e shpejta dhe lënë pas dore mirqënien e stafit dhe puntorëve. Këtu, ata punojnë të gjithë në sinkron dhe me përkushtim të etikës profesionale.

Është bukur të shohësh djem dhe vajza që janë rritur dhe edukuar në Shqipëri, kanë arritur tashmë jo vetëm të përshtaten me ekonominë dhe konkurrencën e tregut ne një vend perëndimor, por janë edhe në ballë të ideve të reja dhe zhvillimit në vendet ku jetojnë duke kombinuar kështu anët më positive të dy kulturave të ndryshme.

Uroj shumë që gjithë kësaj force pozitive të krijuar në diasporën shqiptare, shumë shpejt t’i jepet mundësia që të kontribuojnë edhe në projektet më të mëdha të ndërmarra në Shqipëri si në sektorin e energjitikës, atë të teknologjisë, ndërtimin e veprave madhore kombëtare ku tashmë jo vetëm puntorët, por edhe specialistët e drejtuesit të mund të jenë shqiptarë.

*Autori është deputet i Parlamentit të Shqipërisë i zgjedhur më 25 prill në qarkun Dibër, si kreu i listës së Partisë Socialiste.

“Tirana, Kryeqyteti Europian i Rinisë 2022”, Veliaj: Do të jetë viti më fantastik për të rinjtë shqiptarë, krenar për çfarë kemi arritur

13:01 Sociale

Konfirmohet varianti Delta i Covid në qarkun Gjirokastër

12:08 Sociale

BBC: Bimët në malet shqiptare që na mbajnë të rinj. Çfarë fshihet pas reklamave të kremrave mrekullibërës

10:32 Sociale

Vendet ku shqiptarët mund të udhëtojnë gjatë verës pa kufizime

09:21 Sociale

Ilaçi eksperimental për zemrën mund të kurojë Covid-in e zgjatur?

18:39 Sociale

Frika nga uji, flasin ekspertët: Ja pse shkaktohet dhe si trajtohet

18:11 Sociale

A duhet të përdoren pemët dhe të korrat për furnizim me energji të rinovueshme?

18:00 Sociale

Koronavirusi në Shqipëri, vetëm 7 të infektuar nga 2907 testime

16:45 Sociale

Veliaj takon komunitetin shqiptar në Budapest: Sa frymëzim të rinjtë të organizuar, të aftë e plot energji pozitive

12:22 Sociale

Kushi u uron pushime të mbara nxënësve, por ka edhe një këshillë...

11:23 Sociale