Te fundit
”Srebrenica 1995-2020” kujtesë e përhershme e njollës së errët në historinë e njerëzimit
11 Korrik 2021, 10:33Rajoni
TEMA
Pasqyrimin profesional të përvjetorëve të krimit më të rëndë të kryer në tokën evropiane pas Luftës së Dytë Botërore – gjenocidin në Srebrenicë më 11 korrik 1995, agjencia federale boshnjake e lajmeve, FENA e shënoi me botimin e monografisë “Srebrenica 1995-2020″.
Kjo monografi është një dedikim për punën e gazetarëve dhe fotoreporterëve të FENA-s për disa vite në transmetimin e informacionit dhe mbulimin e ngjarjeve të shumta të organizuara në kujtim të 8 372 viktimave të gjenocidit.
Kjo monografi hapi rrugën për të vërtetën dhe dokumentimin e kësaj njolle të errët në historinë e njerëzimit.
Monografia përqendrohet në 25-vjetorin e gjenocidit, që u përkujtua vitin e kaluar, i cili u shënua nga një seri ngjarjesh dhe fjalimesh nga zyrtarë të lartë nga Bosnje-Hercegovina dhe e gjithë bota.
Vetëm atë vit, FENA publikoi dhe u dha përdoruesve të saj mbi 350 lajme në lidhje me gjenocidin e Srebrenicës duke përfshirë qindra fotografi dhe pjesë video.
Kjo monografi është plot me fotografi me ngjyra dhe bardh e zi, dhe shumë prej tyre i kushtohen ekspozitës me titull ”Eksodi”, nga piktori me famë botërore, Safet Zec.
Autori ishte duke punuar në kanavacë përgjatë 20 viteve të fundit, i frymëzuar nga nderimi për tragjeditë njerëzore, dhe mbi të gjitha, tragjedia e Srebrenicës.
FENA ishte sponsori mediatik i ekspozitës.
Fotografitë në monografi shoqërohen me fragmente fjalimesh nga një numër zyrtarësh vendas kushtuar 25-vjetorit të gjenocidit.
Në parathënien e monografisë, drejtori i përgjithshëm i FENA-s, Elmir Huremoviç kujtoi se jo të gjitha viktimat janë gjetur dhe as të gjithë autorët dhe komandantët e këtij krimi monstruoz, të vështirë për tu kuptuar nga një mendje dhe zemër normale e njeriut, janë ndëshkuar deri më sot.
”Fatkeqësisht, ka ende nga ata që e mohojnë gjenocidin, pavarësisht nga fakti se ai është provuar para disa gjykatave ndërkombëtare, duke tallur kështu viktimat dhe drejtësinë”, thekson Huremoviç.
“Kjo është arsyeja pse është e rëndësishme të flasësh, të shkruash, të dokumentosh dhe të kujtosh shkallën e gjenocidit të Srebrenicës dhe pasojat e tij, ku roli i mediave luan një pjesë thelbësore. Prandaj, FENA, media më e cituar dhe më e besueshme në Bosnje- Hercegovinë, ka një detyrim të përhershëm për të raportuar mbi të vërtetën mbi gjenocidin me ndjeshmëri dhe profesionalizëm të veçantë”, tha Huremoviç.
Deri më tani 6 652 mbetje pas vdekjes së viktimave të gjenocidit janë varrosur në Qendrën Përkujtimore të Potoçarit.
Të paktën 6 900 viktima janë identifikuar nga rreth 570 lokalitete të ndryshme dhe varre të shumta masive.
Vetëm në Srebrenicë dhe komunat përreth janë gjetur 94 varre masive.
Kjo monografi përfaqëson një kujtesë të përhershme të gjenocidit të kryer në Srebrenicë dhe paralajmërimin për të mos lejuar kurrë që ky krim t’i ndodhë kujt.
1 komente në “”Srebrenica 1995-2020” kujtesë e përhershme e njollës së errët në historinë e njerëzimit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Gerdeci?
Vapori mbytyr me shqiptare nga Italianet?
=
ku eshte shteti bastard antishqiptar?