Rregullorja e re për sigurimin e detyrueshëm, si do të bëhet përllogaritja e dëmeve në raste aksidentesh

Rregullorja e re e trajtimit të dëmeve në sigurimin e detyrueshëm, rriten vlerat e dëmshpërblimit dhe saktësohen procedurat e trajtimit dhe llogaritjes

Autoriteti i Mbikëqyrjes Financiare ka hartuar një draft të ri për rregulloren e sigurimit të detyrueshëm për automjetet në raste aksidentesh.

Në këtë draft-propozim, që është publikuar për konsultim publik, ka ndryshuar edhe përllogaritja e dëmeve që mbulohet nga kontrata e sigurimit të detyrueshëm. Sipas këtyre ndryshimeve, është rritur shkalla e dëmshpërblimit në raste aksidentesh.

Në rregullore janë reflektuar gjithashtu disa nga ndryshimet kryesore të Ligjit të ri “Për sigurimin e detyrueshëm në sektorin e transportit”, që kanë të bëjnë me rritjen e limiteve të përgjegjësisë për pagesën e dëmeve, si edhe mundësinë e të siguruarit për t’iu drejtuar direkt shoqërisë së tij të sigurimit, në rastet kur pëson aksident nga një mjet i pasiguruar, ose i paidentifikuar.

Në rastin e dëmeve me pasojë humbje jete, dëmi pasuror përllogaritet si produkt i të ardhurave vjetore neto me koeficientin e shumës së kapitalizuar dhe moshës së daljes në pension, ndërsa në rastin e paaftësisë së përhershme përllogaritjes i shtohet dhe koeficienti i humbjes së aftësisë për punë.

Risitë kryesore të rregullores janë:

-Ka ndryshuar kategorizimi i personave të dëmtuar, për efekt të llogaritjes së koeficientit të moshës së daljes në pension, duke rritur vlerën e dëmit pasuror;

-Është rritur masa e dëmshpërblimit për dëmin pasuror ndaj të miturit;

-Është rritur masa e mbulimit të shpenzimeve funerale;

-Është rritur masa e dëmshpërblimit për dëmin jopasuror në rastet e paaftësisë së përhershme, i cili përfshin dëmin biologjik, moral dhe ekzistencial;

-Është përmirësuar dhe zgjeruar metodologjia e përllogaritjes së dëmit jopasuror ku përfshihet dëmi biologjik, i ndarë sipas grupmoshave dhe shkallës së paaftësisë. Gjithashtu edhe dëmi moral dhe ekzistencial përllogaritet në funksion të shkallës së paaftësisë për punë;

-Llogaritja e dëmit jopasuror është parashikuar e ndarë për çdo figurë dëmi si dhe e drejta për ta përfituar është individuale dhe nuk varet nga kërkesat e të dëmtuarve/përfituesve të tjerë për dëme nga kjo ngjarje. Në këtë mënyrë  rregullorja synon t’i individualizojë përfitimet për secilin të dëmtuar dhe familjarët e tij.

-Janë saktësuar afatet e trajtimit të kërkesës për dëmshpërblim, si edhe është qartësuar procedura për kërkesën e shoqërisë së sigurimit për plotësim dokumentacioni;

-Është parashikuar procedura për rastet e dëmeve që trajtohen me Raportin Evropian të Aksidenteve.

FOTOT: Vjosa “shkon” në Milano

22:40 Sociale

Studentët e Universitetit Europian të Tiranës kremtuan përfundimin e studimeve, Selami Xhepa: Ja plani i zhvillimit të UET 2025

19:26 Sociale

Emigrimi shton diferencimin gjinor në arsim, në shkollat shqiptare ka më shumë femra se meshkuj

17:44 Sociale

FOTOT/ Rama nxjerr pamjet nga Unaza e Tiranës: 90% e projektit e realizuar në Lotin 2 dhe 3

17:38 Sociale

Gjykata e Lartë vendos pezullimin e punës për ndërtimin e HEC-eve në Valbonë

17:14 Sociale

1 muaj pas rastit të parë, gripi i shpendëve vijon të jetë prezent në qarkun e Elbasanit

16:33 Sociale

Inovacioni në transport dhe mundësitë industriale në rajonin e Adriatikut: Zhvillohet workshopi i parë i projektit SKEYE

16:31 Sociale

PROFIL: Misionarja e postës shqiptare që prej 20 vitesh mban gjallë letërkëmbimet e kryeqytetit

15:43 Sociale

Veliaj tregon investimet e reja në Tiranë: 10 shkolla të reja hapen në shtator, së shpejti përfundon lagjja e re në Vaqarr

15:24 Sociale

U rindërton shtëpinë familjarëve të Havzi Nelës, Veliaj: Puna nuk ka ngjyra partiake dhe ndasi politike

15:23 Sociale