Te fundit
Modeli anglez që do të menaxhohet parku i Butrintit rrezikon UNESCO-n: Po me qytetin e lashtë çfarë do të ndodhë?
26 Korrik 2021, 20:45Kulturë
TEMA
Një artikull i botuar në gazetën britanike “The Guardian” se një nga ikonat e Trashëgimisë Britanike “Stonehenge” mund të humbasë statusin e trashëgimisë botërore, rikthen edhe njëherë në vëmendje Planin e Integruar të Menaxhimit të Butrintit në Shqipëri.
Kjo pasi “Stonehenge” u përmend në vitin 2019 edhe në vendin tonë, kur ministrja e Kulturës, Elva Margariti deklaroi se Plani i Menaxhimit të Butrintit ishte bërë sipas modelit të “Stonehenge” në Britaninë e Madhe.
Në një kohë që rrethi i njohur me gurë në Wiltshire mund të humbasë statusin e pasurisë botërore të UNESCO-s, studiuesi dhe ish-drejtori i Parkut Kombëtar të Butrintit, Auron Tare ka ngritur shqetësimin se çfarë do të ndodhë me qytetin e lashtë të Butrintit.
“Ministrja Margariti dhe drejtori i fondit shqiptaro-amerikan, Michael Granof deklaruan se Plani i Menaxhimit të Butrintit ishte bërë sipas modelit të ‘Stonehenge’ në Britaninë e Madhe. Zonja Margariti me kënaqësi e reklamoi Modelin e ‘Stonhenge’ si modelin e duhur për Butrintin megjithëse jam i sigurt që nuk e ka parë ndonjë herë këtë qendër dhe nuk ka pasur mundësi ta studiojë problematiken e kësaj qendre që i është shitur nga hartuesit e Planit si një histori suksesi”, thotë ish-drejtori i Parkut Kombëtar të Butrintit, Auron Tare.
I pyetur nga Gazetasi, studiuesi Tare duke bërë dhe një paralelizëm mes planeve të menaxhimit, thotë se ato nuk mund të merren shabllon.
“Plani i Menaxhimit nuk mund të merret shabllon pa u konsultuar me specialistët vendës dhe pa parë problematikën vendëse. Nëse Margariti na tha që ky qenka më i mirë, bazuar ku është më i mirë?”, thotë ai.
Lidhur me Planin e Menaxhimit të Integruar të Butrintit, kritik është edhe arkeologu Neritan Ceka.
“Bëhet fjalë për trashëgiminë kulturore shqiptare, por nuk merren parasysh ekspertët shqiptarë. Po humbet tradita, duhej të pyetej brezi i tanishëm i arkeologëve”, thotë arkeologu Ceka ndërsa nuk bën një paralelizëm me modelin “Stonehenge”.
Ndër të tjera, studiuesi Tare thotë se menaxhimi i parkut të Butrintit nga një fond i huaj është i gabuar.
Ai shton se Butrinti duhet të jetë modeli, ku Shqipëria të tregojë suksesin në ruajtjen dhe menaxhimin e kësaj trashëgimie.
“Me kënaqësi do të shtoja se ky mendim imi publik u mbështet nga vizita private e disa personaliteteve të larta amerikane dhe britanike javën e shkuar në Butrint, ku ideja se Butrinti duhet të ishte patjetër “modeli Shqiptar” ne hapësirën europiane të Trashëgimisë Kulturore dhe Historike ishte modeli i duhur”, vijon më tej studiuesi Tare.
Plani i Integruar i Menaxhimit për Parkun Arkeologjik të Butrintit
Plani 10-vjeçar për Menaxhimin e Integruar të sitit të Butrintit u bë publik nga Ministria e Kulturës në vitin 2019. Dokumenti i hartuar nga Fondi Shqiptaro-Amerikan i Zhvillimit në bashkëpunim me Ministrinë e Kulturës i njohur si “Plani i menaxhimit të integruar për Parkun Kombëtar të Butrintit”, është miratuar nga Këshilli i Ministrave në korrik të vitit 2020.
“Plani i menaxhimit të integruar për Parkun Kombëtar të Butrintit”, parashikon se një nga sitet më të rëndësishme të trashëgimisë kulturore të vendit në dhjetë vite do të menaxhohet nga një fondacion i ri.
Procesi i menaxhimit të Butrintit u hap në tetor të vitit 2018 kur u nënshkrua një tjetër marrëveshje për bashkëpunim midis Ministrisë së Kulturës dhe Fondacionit Shqiptaro-Amerikan për Zhvillim me një financim prej 250 mijë dollarësh prej këtij të fundit.
Marrëveshja pasoi miratimin e Ligjit të ri për Trashëgiminë Kulturore dhe Muzetë, ku parashikohej edhe administrimi indirekt i pasurive kulturore shqiptare në pronësi publike.
Plani i ri synon, që të prodhojë, krahas planit të përgjithshëm të menaxhimit, një plan biznesi të ri për zonën UNESCO të Butrintit, si dhe përgatitjen e një harte të përditësuar GIS për gjithë territorin e Parkut Kombëtar të Butrintit 9 000 ha.
Qyteti antik i Butrintit për herë të parë u shpall monument kulture më 1948; më 1999 u regjistrua në listën e Trashëgimisë Botërore të UNESCO-s.
5 komente në “Modeli anglez që do të menaxhohet parku i Butrintit rrezikon UNESCO-n: Po me qytetin e lashtë çfarë do të ndodhë?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
sa te jet edi rama asgje sdo i ngelet popullit shqiptar , kur te iki edi rama populli shqiptar do kuptoj me cfar agjenti sorosian ka pase te beje. edi rama esht bastardi me i madh i historise se shqiperise
Lend-i i ke pire ilaçet? Pasi ta kesh bere kete shko dhe merr byrekun e rradhes tek PD-ja. He xhan, shko e ha ndonje byrek dhe shiko punen tende sepse keto punet e tjera jane shume te renda per ty. Kthehu ne shkolle dhe meso se si te shkruash, pastaj ndoshta mund te lejohet qe te shkruash.
Si mund te katandiset nje Shtet (state) si Shqiperia kaq poshte te menaxhoje nje vend tjeter nje pasuri Kombetare e nje Kombi te Lashte Greko Ilyre ne Vorio Epir?
Me rastin e menagimit nga te huajt shume Vepra historike qe i takojne Kombit Greko Iltre do perfundojne ne Israel dhe do thone qe keto jane “Israelite te Lashta”.
Nuk e shikoni qe cdo jave “zbulohen” vepra te lashta ne Israel?
Ne qofte se Shqiptaret pretendojne se jane pooull i Lashte dhe me Kulture dhe Periudha shekullore Helenistike duhet ti bashkohet Greqise kunder Veprave tona te perbashketa qe Evropianet dhe Amerikanet ikane mbushur Museumet e tyre te grabitura.
Ata nxjerrin miliarda dhe na flasin per “demokracivdhe te drejtat e Njeriut”!
Si mund te katandiset nje Shtet (state) si Shqiperia kaq poshte te menaxhoje nje vend tjeter nje pasuri Kombetare e nje Kombi te Lashte Greko Ilyre ne Vorio Epir?
Me rastin e menagimit nga te huajt shume Vepra historike qe i takojne Kombit Greko Iltre do perfundojne ne Israel dhe do thone qe keto jane “Israelite te Lashta”.
Nuk e shikoni qe cdo jave “zbulohen” vepra te lashta ne Israel?
Ne qofte se Shqiptaret pretendojne se jane pooull i Lashte dhe me Kulture dhe Periudha shekullore Helenistike duhet ti bashkohet Greqise kunder Veprave tona te perbashketa qe Evropianet dhe Amerikanet ikane mbushur Museumet e tyre te grabitura.
Ata nxjerrin miliarda dhe na flasin per “demokracivdhe te drejtat e Njeriut”!
Auron tare bente mire te na shpjegonte çfare ceni a huqi ka projekti i Stonhenxhit qe bie ndesh me Uneskom. Po ashtu dhe Neritan Ceka kur flwt per arkeologe shqiptare kur shumica e tyre s dine te mbajne ne dore as mjetet e punes.
Jshkruajne nga nje artikull copypaste plot gabime dhe kaqe. Arkeologjia ke ne eshte ne nivel parahistorik