Te fundit
Operacioni te 'Varri i Bamit', arrestohen 5 persona, një i shpallur në kërkim
28 Korrik 2021, 09:40Kronika
TEMA
Policia ka dhënë detaje lidhur me operacion anti-drogë që u zhvillua një ditë më parë në zonën e Xhamllikut, ku u arrestuan 5 persona dhe u shpall në kërkim një tjetër.
Në pranga kanë rënë Gentian Kore, 47 vjeç, Taulant Çoku, 34 vjeç, Altin Gega, 28 vjeç, Erjon Prengaj,32 vjeç, Gazmir Cani, 26 vjeç, ky i fundi tentoi t’i ikte Policisë një ditë më parë, duke i dhënë gaz automjetit tip ‘Benz’ që drejtonte, duke rrezikuar edhe jetën e efektivëve.
Ndërkohë është shpallur në kërkim personi me inicialet E(E) 33 vjeç.
Nga ky operacion janë sekuestruar 1 kilogram e 128 gramë lëndë narkotike kokainë, 3 automjete dhe 7 aparate celular.
Njoftimi i plotë i policisë:
Finalizohet operacioni policor i koduar “Xhamlliku”, për goditjen e veprimtarisë kriminale në fushën e shpërndarjes së drogave të forta.
Operacioni i zhvilluar nga Seksioni për Hetimin e Narkotikëve, në bashkëpunim me Sektorin e Forcës së Posaçme Operacionale në DVP Tiranë
Sekuestrohen 1 kilogram e 128 gramë lëndë narkotike kokainë, 3 automjete dhe 7 aparate celular.
Vihen në pranga 5 shtetas dhe shpallet në kërkim një tjetër shtetas.
Specialistët për Hetimin e Narkotikëve, në bashkëpunim me Sektorin e Forcës së Posaçme Operacionale, në bazë të informacioneve të marra se disa shtetas, në bashkëpunim me njëri-tjetrin merreshin me shpërndarjen e lëndëve narkotike kokainë në zonën e Xhamllikut, kanë zhvilluar operacionin e koduar “Xhamlliku”, në kuadër të të cilit bënë arrestimin në flagrancë të shtetasve:
Si dhe u shpall në kërkim shtetasi E(E). P(S)., 33 vjeç, i dyshuar si bashkëpuntor në ngjarje. Vijon puna intensive për kapjen e tij.
Shtetasit e lartpërmendur janë konstatuar nga shërbimet e Policisë, në rrugën “Kujtim Laro”, në biznesin e shtetasit G. K., ku dyshohet se kryenin veprimtarinë e kundërligjshme të shpërndarjes së lëndëve narkotike.
Të katërt këta shtetas, sapo kanë parë shërbimet e Policisë kanë tentuar të largohen me vrap, por janë neutralizuar dhe prangosur nga Policia. Gjatë largimit, ata kanë fshehur lëndë narkotike kokainë, e cila u sekuestrua në cilësinë e provës materiale.
Në vijim të veprimeve u bë arrestimi në flagrancë për veprën penale “Kundërshtimi i punonjësve të policisë”, i shtetasit G. C., 26 vjeç, pasi ka kundërshtuar urdhrin e punonjësve të Policisë për të ndaluar për verifikim e tij dhe është larguar me shpejtësi duke rrezikuar jetën e punonjësve të Policisë.
Vijon puna, nën drejtimin e Prokurorisë, për identifikimin dhe kapjen e personave të tjerë të përfshirë në këtë veprimtari kriminale.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore , për veprën penale “Prodhimi dhe shitja e narkotikëve”, kryer në bashkëpunim, në ngarkim të shtetasve G. K., T. Ç., A. G. dhe E. P., dhe për veprën penale “Kundërshtimi i punonjësit të policisë së rendit publik”, në ngarkim të shtetasit G. C.
2 komente në “Operacioni te ‘Varri i Bamit’, arrestohen 5 persona, një i shpallur në kërkim”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
PO KLODIANE LALEN KALIN PSE NUK E ARRESTUAT SEPSE ESHTE NE GRUP KRIMINEL PER SHPERNDARES DROGE
PRANIA E SAJ GJATE AKSION IT E TREGON QARTE POR EDHE PASURIA E SAJ GJIGANDE E TREGON QARTE.
AJO ESHTE ME GRUPIN TJETER QE KA PAGUAR PER TE KAPUR KETE GRUP