Te fundit
"Dy vëllezërit në sherr për pronat pajtohen dhe shkojnë rrahin drejtorin e Hipotekes", Artan Lame: Historia e një meme që më tronditi
31 Korrik 2021, 17:55Blog
TEMA
Nga Artan Lame
Sot në mëngjes më vjen një meme me tekst: “Elbasan. Dy vellezerit ne sherr per pronat pajtohen. Pastaj shkojne rrahin drejtorin e Hipotekes qe i kishte ngaterruar”.
O Zot! I ngrysur, urgjent bëra verifikimet se mos kishte gjë të vërtetë. Jo, s’kishte.
Pastaj buzëqesha. Si meme ishte vërtet e bukur, madje edhe sikur të kishte të vërtetë brenda, për në Elbasan, në Tiranë, Durrës a Vlorë qoftë. Madje edhe sikur ata dy vëllezërit të kishin ardhur të më rrihnin mua në Tiranë.
Me ç’kanë hequr njerëzit me pronat në këtë vend, qysh na lenë gjallë, që nga punonjësin e fundit e deri tek i pari i vendit, që nga ai i ‘91-shit e deri tek ne të ‘21-shit. Me pronat politika ka lozur si ka dashur e sa ka dashur në 3 dekada.
Ka premtuar, ka gënjyer, ka provuar, ka eksperimentuar, ka shtyrë ditën, ka bërë e ç’nuk ka bërë. Pastaj, atë që e linte pa bërë politika, e bënin vetë punonjësit e hipotekave, në shumë raste thjesht myteberë injorantë, ushtarë partie, hajdutë të rëndomtë, matufë të paaftë, përfitues të momentit, e plot e plot të tjerë. Nuk them aspak që nuk ka patur politikanë që ju dhimbej gjëja apo specialistë të nderuar, por rezultati tregon pa fjalë që peshën dërmuese e kanë mbajtur ata të parët.
Më në fund, politika ja doli që ti japë vendit një ligj që i kaloi të gjitha barierat e mundshme, debatet parlamentare, hetimin e Komisionit të Venecias, dyshimet e fqinjëve, pengesën presidenciale dhe së fundi para një jave, edhe komentin pozitiv të DASH-it. Të atij DASH-it përtej oqeanit, se të qe për këta deshtë tanë, aha s’ja nxë goja asnjërit ta thojë një fjalë të mirë.
Po nejse. Ky ligj (ligji 20/20) bëri dy gjëra, thjeshtoi dhe përmblodhi nja 40 ligje, e nënligje, e VKM-ra në një të vetmë dhe të gjitha kakofonitë e zyrave që mereshin me pronat i mblodhi në një stan të vetëm që i vumë emrin “Kadastra Shqiptare”.
Me këtë ligj, politika e bëri punën e saj, ndaj jo më kot thashë s’ka ca ditë që politika duhet të mos përzuhet më tek ky gardh.
Të vijojmë te gardhi tani. Brenda tij janë ende shumica dërmuese e atyre që kanë bërë shumë nga hyneret e pronave ndër këto vite, ndaj s’duhet të çuditet askush që kohë pas kohe ndonjë prej tyre o do bjerë në rrjetën time, o do bjerë në rrjetën e SPAK-ut, madje mund të bjerë edhe në duart e ndonjë qytetari që i ka ardhur në majë të hundës.
Ja t’ua them unë se sa mund të jenë këta qyyetarët e nervozuar. Kur mbyllëm hesapet e vitit 2020, bëmë edhe llogaritë e shërbimeve të dhëna përgjatë vitit. Ndër rreth 1,1 milion shërbime të dhëna publikut, rezultuan nja 4000 shërbime të pa lëvruara. Pra i bie që për vitin 2020 të jenë rreth 4000 qytetarë që nuk e morën shërbimin dhe, pavarësisht arësyes, mund të jenë të nxehur aq sa të shkojnë të zihen me punonjësin a drejtorin përkatës në Lezhë, Fier a Sarandë qoftë.
Mirëpo po të shkojmë ca më mbrapa, kur Kadastra quhej Hipotekë, na del se psh për të njëjtin numër total shërbimesh, në vitin 2017 kanë qenë 124.000 shërbime të palëvruara, pra 30 herë më shumë !!!
Apo që, kohëzgjatja mesatare e dhënies së shërbimit në vitin 2017 ishte 103 ditë, ndërsa në vitin 2020 u ul në 24 ditë. Në këto kushte, kushdo e kupton që këto dy vjetët e fundit në këtë institucion nuk ka ndryshuar vetëm emri, por edhe ca gjëra të tjera, paçka se askujt prej atyre 4000 vetave që nuk morën shërbimin vjet, nuk u intereson milioni i të kënaqurve, por halli i tyre i pazgjidhur.
Fundi i historisë. Rruga ku kemi hyrë për trajtimin e çështjes së pronës është pa kthim, qoftë edhe për një arsye Mërfiane: në 30 vjet i kemi bërë gjithë gafat e mundshme dhe nuk ka mbetur mundësi për gafë tjetër.
Ato që duhet të bëjmë dhe po bëjmë janë: të vijojmë zbatimin e Ligjit të ri, të përmbyllim procesin e Legalizimeve, të shpejtojmë me Regjistrimin e tokës në fshat, të nxisim reformën e brendshme vetëpastruese të Institucionit dhe të vijojmë të marrim punonjës të rinj punëdashës.
Këta të rinjtë të mundësisht edhe me lëkurë të trashë, që të durojnë edhe shpërthimet e zemërimit të atij qytetarit që, pasi ka 10 apo 20 vjet që priste shpresë’shuar, bëhet i gjallë tani se sheh që gjërat po lëvizin për mirë, dhe pastaj në një moment i del vetja nga kontrolli dhe i vjen që inatin e 20 vjetëve ta nxjerrë në një moment.
ARTAN LAME
Sa për material për meme, ehu mund të jap edhe unë vetë sabah – aksham sa të duash, si ajo e para ca kohëve, kur nga Inspektoriati i Ndërtimit na erdhi kërkesa për verifikimin e dokumentacionit të një objekti dykatësh në bregdet.
U verifikua dhe rezultoi që kati i dytë ishte legalizuar diku në vitin 2012, ndërsa kati i parë rezultonte i paregjistruar. Inspektoriati me të drejtë na kërkoi t’i gjenim zgjidhje, sepse i binte që ata të shkonin të prishnin katin e parë dhe të linin në vend katin e dytë!
4 komente në ““Dy vëllezërit në sherr për pronat pajtohen dhe shkojnë rrahin drejtorin e Hipotekes”, Artan Lame: Historia e një meme që më tronditi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O ARTAN…..SHQIPERIA PO PLASE NGA KORRUPSIONI DHE PIKERISHTE DHE ZYRAT E LEG. TI NA BEN LLOGJE…ORE JE NË VETE!!! Po na bëni budallenjë…e kupton apo jo!!! Ore kë po mbronë …thuaje!! Ja po ta them une ,kam 22 vjet me dosjen në Fier qytet,në rregull dhe se kap njeri me dorë(duan tu gjej ndërmjetesin)….????
Lame mos jep statististikat e sherbimeve qe ke dhene,apo te memeve apo mail qe te arrijne.
Xhaxhi Lame jep pak te lutem statistiken e pasurise dhe parave qe ke marre ne menyre te paligjshme si drejtor. Kush te vuri atje dihet por pak rendesi ka. I lepive bythen Edi Rames dhe partise dhe ai si qen besnik qe je te shperbleu,te dha nje kocke te majme. Andej nga ke vene pasurine nje dite do te dale dhe e mira do te ishte te shkoje vete ne qeli. Le te presim. Koha dale nga dale i zgjidh te gjitha. Pasuri te mbare Lame……
O ZOTI LAME !
NDOSHTA, ASHTU ËSHTË SI THUA ZOTROTE, POR QË QYTETARI FJALA VJEN, APLIKON DHE PAGUAN PËR HARTËN TREGUESE TË APARTAMENTIT (POZICIONIT TË TIJ NË HARTËN TREGUESE), DHE KADASTRA I DHURON VETËM PALLATIN QË KA KATËR SHKALLË DHE NUK KE TË LIGJERUAR SE NGA FILLON NUMIRIMI I SHKALLVE DHE HYRJEVE NË KATE ?
KËTË TA THEM, SEPSE E KAM DËGJUAR EDHE NË GJYKATA, KU EKSPERTËT TOPOGRAFË NË GJYKATA NUK DINË SE NGA FILLON NUMURIMI (SI ËSHTË SENSI I NUMURIMIT).
PO A DI TI, QË EDHE HIPOTEKA KA BËRË GABIME DHE NË NJË PALLAT FILLON NUMURIMI I SHKALLËVE APO APARTAMENTEVE NGA E MAJTA NË TË DJATHTË DHE NË NJË TJETËR NË TË KUNDËRT ?
PO ATJE KU KANË BËRË MANIPULIME NË HARTË, QË SI I LËSHOHET NJËHERË, NUK I LËSHOHET HERËN TJETËR QYTETARIT ?
PO KADASTRA, PËRSE LËSHON AKOMA HARTA TRGUESE PA KORDINATA NË KULME, PA RRJET KUADATIK PËR TI KTHYER NË SHKALLË (DOMETHËNË SI SKICA DORE), KU EDHE KUFIZIMET E PASURIVE SHËNOHEN GABIM OSE NUK SHËNOHEN FARE DUKE BËRË LËMSH DYNJANË NËPËR GJYKATA ?
KA SHUMË GJËRA O LAME, POR PO E LEMË ME KAQ SEPSE U LODHA DUKE SHKRUAR, PRANDAJ KUR PROPOZON DHE BËN PROJEKT-VENDIME DHE UDHËZIME, DUHET TË MBËSHTETESH SHUMË TEK SPECIALISTË GJEODETË, MARKSHAJDERA DHE JURISTË TË ZOT, QË NË TO TË MOS LIHET SHTEG PËR ABUZIME.
Shkrim i mire per t’i thene shefit mos te te beje deputet?! S’te iket qe andej edhe pas 8 vitesh mor qerrata!