Berisha dhe një problem me fotografitë e Bush që po poston në rrjetet sociale

Nga Ardit Rada

Teksa Shtetet e Bashkuara ia kanë mbyllur derën familjarisht, Sali Berisha ka nisur një luftë në dy fronte. Një me Uashingtonin zyrtar përmes padive e kërcënimeve dhe të dytën me historinë. Thuajse çdo ditë, Facebook i tij kombinohet përmes një meme-je, një denoncimi nga shoku i tij imagjinar me emrin ‘Qytetari Dixhital’ dhe një postimi herë me Bushin e vjetër e herë me të riun. Është trishtuese sa edhe qesharake që në kohën kur të gjithë kanë akses në arkiva dhe në internet, Sali Berisha përpiqet t’i bëjë shqiptarët, dhe jo vetëm, për budallenj.

Ai u referohet dy takimeve me Bushët ish-presidentë, me të parin në SHBA dhe të dytin në Tiranë duke ia veshur vetes si meritë. E thënë ndryshe: Sikur presidentët amerikanë mezi prisnin të takoheshin me Sali Berishën, këtë mik të madh të Uashingtonit!? Arsyet pse Sali Berisha u thirr në Shtëpinë e Bardhë nga George H.W. Bush në vitin 1992 sigurisht që lidheshin me procesin demokratik që sapo kishte nisur në Shqipëri. Madje Berisha shoqërohej në vizitë nga Alfred Serreqi dhe Eduard Selami dhe biseda me Bushin e vjetër u bë pikërisht në prezencë të tyre. Pra asnjë bisedë apo porosi personale për të nga Shtëpia e Bardhë.

Duhet theksuar se George H.W Bush në vitin 1992 ishte një vit para largimit nga detyra e lartë e Presidentit të SHBA-ve, ku shërbeu për vetëm një mandate 4-vjeçar. Ishte 69 vjeç kur e la Zyrën Ovale.

Reklama e dytë që paraqet sot Berisha është ardhja e George W. Bush në Shqipëri. Nuk ka lënë foto pa postuar në këto ditë të vështira të marrëdhënieve të tij personale me Uashingtonin, por “harron” sërish arsyet e vizitës. Në 10 qershor të vitit 2007, pra 14 vite më parë presidenti amerikan i kohës nga Tirana shprehu qartë mbështetjen e SHBA për pavarësinë e pashpallur ende të Kosovës. Përveç Berishës, ai u takua me homologun e tij Alfred Moisiu i cili i dorëzoi edhe “Urdhrin e flamurit” për kontributin e dhënë në çështjen shqiptare. Në konferencë, Bush nuk foli për Sali Berishën, por për planin e të dërguarit të posaçëm të OKB-së në Kosovë, Marti Ahtisari. Njësoj si në rastin e të atit, George W.Bush shtrëngoi duart me Berishën një vit para mbarimit të detyrës.

Tani, këto dy episode që Sali Berisha ka qejf t’i përdorë si fakte se Amerika e do atë, kanë një problem po aq të madh sa e vërteta historike e shtrembëruar prej tij.

Sot, 76-vjeçari Sali Berisha harron se Bushi i vjetër, ndryshe nga ai, ndenji vetëm katër vite në pushtet. E la politikën në moshën 69 vjeçare dhe ka ndërruar jetë prej tri vitesh.

Bushi i ri qëndroi si president i SHBA-ve tetë vite dhe e la skenën politike para 13 vitesh në moshën 63 vjeçare duke ia dorëzuar zyrën Barak Obamës.

Pyetja që shtrohet për Berishën është se si ka mundësi që këta burra shteti të SHBA-ve janë larguar nga politika dhe ti që i kishe idhuj apo miq, s’i more kurrë si shembull?

Duket se ky fiksimi i Berishës për t’u marrë me arkivat dhe me familjen Bush më tepër se gjithçka po zbulon dëshirën e errët të tij për një pushtet të përjetshëm…

Shkrihet PD në Korçë, largohen 51 kryetarë e sekretarë të grupseksioneve

11:37 Politika

Nard Ndoka: Më ndëshkuan në mënyrë tinzare dhe të pabesë. SHBA i ka shpallur luftë opozitës, ndaj Berisha s'duhet t'i pyesë

10:37 Politika

I shpallur 'non grata' nga SHBA, Berisha bëhet nostalgjik, publikon pamjet e vizitës së ish-Presidentit Bush në Vlorë 25 vite më parë

10:31 Politika

Lulzim Basha në provën e jetës

09:27 Politika

Relacioni sekret për Enverin: Kë të simpatizojë rinia, Agllahia Zoton, që lahet tërë ditën në det dhe pastaj…

09:17 Politika

Kush po i sjell paramilitarët në politikën shqiptare?!

17:14 Politika

Kërkoj ndjesë për Bregoviçin

16:05 Politika

Bregoviçi, pseudopatriotët dhe hipokrizia në mes

15:13 Politika

Vetëm Tit Vasili mund ta anullojë koncertin e Goran Bregoviçit në Korçë!

14:42 Politika

Gruan e Arkanit, Kosova e ruajti me polici! Shqipërinë po e kryqëzojnë për Bregoviçin që vjen nga Parisi

13:22 Politika