Te fundit
Pogradeci, një potencial turistik i parealizuar
13 Gusht 2021, 17:49Blog
TEMA
Nga Eduard Zaloshnja
Fale lidhjeve familjare, kam kaluar pushime verore ne Pogradec gjate shume dekadave. Deri ne fund te viteve ’70 te shekullit te shkuar, plazhi i Pogradecit ishte nje plazh i vogel lokal, me shtepi te vjetra peshkataresh e bahce mollkash fare prane buzes se liqenit. Pervec banoreve vendas, gjeje ne ate plazh te vogel edhe disa familje nga Tirana e Elbasani, qe flinin ne shtepite e mikpritesve te tyre pogradecare.
Ne fillim te viteve ’80, nje hotel i ri turizmi u ndertua, plazhi u zgjerua (duke prishur shtepite e vjetra) dhe nje lulishte e gjate 1 km u ngrit pergjate gjithe plazhit te dikurshem. Nderkohe, parku i Drilones (3 km ne lindje te Pogradecit) u perfundua. Rrjedhimisht, edhe numri i pushuesve u rrit gjate behareve te viteve ‘80.
Vitet ’90 ishin te trazuara per Pogradecin (si per gjithe Shqiperine), por pas vitit 2000, Pogradeci ka shenuar nje hap te ndjeshem cilesor. Pedonalja mes lulishtes dhe liqenit eshte rregulluar e zgjatur (duke arritur pothuaj 2 km). Rruga automobilitike pergjate liqenit (qe ne vere sherben vetem per kembesoret pas ores 18 ne zonen aktuale te plazhit) eshte rregulluar nga hyrja e qytetit deri pothuaj ne Tushemisht (ne kufi me Maqedonine).Rruga panoramike Lin-Pogradec eshte perfunduar krejtesisht. Hotele e pallate te reja (por te ulta) jane ndertuar jo me afer se 100 metra nga bregu i liqenit. Gjithashtu, restorante e bare te reja jane hapur pergjate gjithe rruges kryesore, nderkohe qe jane hequr te gjitha kioskat e rremujshme te viteve ’90.
Gjithcka ne rregull, atehere? Sipas kamarierit Niko, qe me sjell kafen cdo mengjes buze liqenit te fresket, jo. Sipas tij, Pogradeci ka kapacitet per te ardhura nga turizmi 3-fish me te medha se aktualisht.
Kuptohet qe kamarieri Niko nuk ka kohe te me shpiegoje sesi ai ka arritur tek kjo shifer me llogaritjet e veta, por nga bisedat qe kam zhvilluar me kryebashkiake nder vite, si dhe me arkitekte e urbaniste qe kane lidhje familjare apo nostalgjike me zonen, shifra e kamarierit Niko nuk duket te jete larg nga potenciali real i Pogradecit per turizem.
Duke qene plazh buze nje liqeni malor, plazhi i Pogradecit ofron mundesine e berjes se pushimeve verore diku ku temperatura eshte mesatarisht 5 grade celsius me e ulet se sa ne plazhet bregdetare, qe zhuriten nga vapa mesdhetare. (Ndonje dite kur liqeni kreshperohet nga ererat e forta veriore, mund te kalohet me nje vizite ne parkun e Drilonit, ne Shen Naum, ne Korce, ne Struge ose ne Ohr).
Diten verore mund ta fillosh me nje kafe buze liqenit te fresket te Pogradecit (ndoshta me nje xhakovente hedhur krhaheve), pastaj mund ta vazhdosh duke u nxire ne diell e duke notuar ne liqen, dhe pastaj ta mbyllesh me nje gote ne mbremjen e fresket (ndoshta prape me nje xhakovente hedhur kraheve).
Keto mundesi qe ofron Pogradeci, sidoqofte, nuk jane shfrytezuar plotesisht per zhvillimin e turizmit.
Ndertimi i “Lungogjolit” te premtuar nga Rama (ne analogji me Lungomaren e Vlores), do te rriste shume fluksin e turisteve ne Pogradec (e per rrjedhoje, nevojen per hotele e lokale shtese pergjate gjithe bregut te liqenit).
Zona e Turizmit te Vjeter dhe Oktapodit ne derdhjen e lumit Gorica ne liqen ka mbetur si germadhe, fale kontradiktave 30-vjecare te trashegimtareve te tokes ne ate zone elitare te Pogradecit. Nje nderhyrje modeste shtet-privat ne ate zone mund te prodhonte nje resort modern, qe mund te sillte miliona euro xhiro ne ekonomine e Pogradecit dhe vendit.
Me tutje, ish-vilat e udheheqjes komuniste dhe kavalishencat e ish-kuadrove/ushtarakeve komuniste kane zene dhjetra mijra metra katrore ne pjesen me te bukur e te gjelberuar te plazhit te Pogradecit. Ato kane mbetur per 30 vjet si fantazma qe u kujtojne qytetareve kohen kur nuk lejoheshin te kalonin ne ate zone… Nje bashkepunim modest shtet-privat mund t’i kthente ato ne resorte moderne me xhiro milona euroshe.
Per te mos folur pastaj per zonen e plazhit te pazhvilluar nga Pogradeci deri ne Tushemisht, qe ka mundesi te shumta turizmi elitar.
Kuptohet qe te gjitha keto investime kane nevoje per nje masterplan te miremenduar zhvillimi (qe ndoshta duhet te marre parasysh edhe transportin e shpejte te turisteve te huaj nga aeroporti i Ohrit). Potenciali ekziston – vetem duhet menduar qysh sot sesi te shfrytezohet ne te ardhmen….
5 komente në “Pogradeci, një potencial turistik i parealizuar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ne Malin e Thate qe ndan liqenin e Ohrit/Pogradecit nga ai i Prespes se Madhe, mund te ndertohej nje resort skish dhe vilash alpine, si edhe te organizoheshin aktivitete si shetitje ne natyre, hedhje me parashute etj. Ne maje te malit duke pare njekohesisht dy liqenet si dhe malet e larta te zones se Korces, Kolonjes, Bitoles dhe Krusheves. Pogradeci mund te lidhej me anije turistike me Strugen dhe Ohrin duke u dhene mundesine turisteve te shijojne te tre qytetet brenda nje pakete turustike.
Po ku i gjenu ju gjithe ata turista ´elitaré kujtoni vertete se vetem ju keni keto bukurija?! Po shkoni pak shikoni edhe mendoni : kerkuan vendin e Lasgushit i cili eshte e vetmja gje qe te bene me shku ne Pogradec! Nuk di kush me te treguar asgje! Po ato zoja me propozuan me shku tek heroj i popullit x se ja kam harruar edhe emrin! Kujtoni ju se vi prej evropes perate heroj qe kamos e keni mbushur shqiperine?! …
Duhet ma shume gjera se bukuria qe ka fale Zoti! Edhe nje pseufoplazh! Dicka per turizmin e natyres , per shpendet e faunes aty ?! Askkund ! Nje turizm me anije apo shetije te organizuar ne liqen askkund ose aq amatoreske sa trembesh se mos po mbtesh midis liqenit ne meshire te fatit! Nje piste cikloturistike rreth liqeni ?! Hala jo , nje sherbim me qendren per ato pa vetura?! Jo. Duhet hala shume pune , po pritja neper lokale bile ishte permiresuar!
Po me nder fekalet qe derdhen ne liqen? Sa vite ka qe nuk jane pastruar kanalet e ujravet te zeza? Po plazhi publik ku eshte? Tere plazhi i zene nga matrapaze qe biznesin e zhvillojne ne trotuar, ne lulishte, ne rere, ruajna zot edhe ne liqen, me bekimin e Bashkise.
sherbimi ne pogradec peetej deshires se mire qe mund te kene eshte i dobet ,cilesia ushqimore eshte e dobet ,cdo gje ne te zeze ,trecereku i hoteleve skane terminal karte per pagesa ,qyteti nuk eshte shume i paster ,plazhi eshte pis dhe ka nevoje per rregullim periodik,hapsira per plazh publik eshte potbuaj inekzistente prane qytetit…….mendoj qe ka shume pune per te bere ai qytet ,se te thuash je destinacion turistik nuk eshte aq e lehte ,duhet infrastrukture e mirefillte dhe aty pothuaj nuk ekziston .Ata qe shkojne jane ose per cmimet ose per klimen …..gjithsesi serisht raporti cilesi/sherbim dhe cmim nuk eshte i duhuri ……
Po dale mo njeres se nuk eshte kaq zi sa e beni ju.E mira nuk ka fund.Mua po me cudit SOKOLI qe thote se ujrat e zeza derdhen ne liqen.Une e di se ka shume vjet qe u realizua kolektori per trajtimin e ujrave te zeza,dhe kur shohim pamje nga Golemi ne Durres dhe ne Vlore,themi se Pogradeci ka realizuar nje gje fort te rendesishme.Pas se gjithash rralle ose aspak permendet nga shtypi se qyteti i Pogradecit ka shume vite qe ka siguruar ujin e pijshem 24 ore.nderkohe qe qytete te tjera te Shqiperise vuajne edhe ne stinen e dimrit.