Vazhdon skandali në Shijak! Dita e 4, qyteti është mbushur me plehra. Bashkia: “Na vonuan procedurat tona”, qytetarët paguajnë koston

Sot është dita e 4 që qyteti i Shijakut po jeton i përmbytur nga plehrat. Ato janë përhapur ngado dhe  po kërcënojnë seriozisht jetën e banorëve në këto ditë të nxehta Gushti. Koshat e qytetit janë mbushur plot, era e keqe mbizotëron në çdo lagje dhe helmet e shkaktuara nga plehrat kanë hyrë deri në shtëpitë e qytetarëve. Në qytet shihen me sy të lirë kafshë të ngordhura, dhe mbeturina urbane që janë jashtë koshave dhe po mbulojnë trotuaret. 

Alarmi që banorët e Shijakut kanë vënë ne media këto ditë nuk ka arritur të zgjidh problemin.  Bashkia e Shijakut  ka vendosur ta lërë qytetin në këtë gjëndje duke u bërë vetë shkaktare për përhapjen e sëmundjeve. Edhe më keq është situata pak më tutje, në lindje të qytetit, në Shilorje, ku është gjetur një zgjidhje në dëm të shëndetit të qytetarëve. Aty po digjen mbetje urbane duke nxjerrë re tymi helmues me erë kutërbuese. Kryetari i Bashkisë së Shijakut në një prononcim ditën e djeshme për Fax Neës mohon që ti ketë hedhur bashkia mbetjet në këtë zonë të jashtëligjshme megjithëse qytetarët  deklarojnë në intervista, se kanë parë makinat e Bashkisë që transportojnë  plehra aty. Ndërsa ka pohuar,  se “plehrat po qëndrojnë në kontenierët e qytetit”. Pra, Bashkia e Shijakut nuk e ka vështirë të pranojë hapur se zgjidhja që ka gjetur, është t’i lë plehrat prej ditësh në kosha.

Në një tjetër prononcim të postuar në FB në faqen zyrtare të Bashkisë Shijak kryetari Arbana thotë, se “Landfilli i Sharrës (në të cilin kjo bashki ka dërguar mbetjet deri tani), na ka lënë  10 ditë kohë dhe plehrat i pranoi falas gjatë kësaj kohe, por kjo marrëveshje mbaroi. Kontrata ka anët proceduriale që duhet ti zbatojmë, janë disa gjëra që kalojnë në këshill, etj për të finalizuar marëveshjen”. Në këtë mënyrë kryetari ja lë fajin procedurave të cilat sipas tij duan kohë.

Por burime nga Landfilli i Sharrës sqarojnë se “ka një vit që Bashkia e Shijakut ka kërkuar marrëveshje për mbetjet dhe po një vit ka që depoziton falas. Kërkesën për marrëveshje e përsëriti në Maj të këtij  viti pra rreth 4 muaj më pare, por pasi e finalizoi me kushtet e saj dhe mori kohën e nevojshme nuk e firmosi. Arsyet se pse janë të paqarta”.  Nga ana tjetër  të njëjtat burime thonë se Landfilli nuk mund të pranojë më mbetje pa tarifë dhe pa marrëveshje megjithëse deri tani i ka mbuluar vetë kostot financiare të këtij qyteti. Pas një viti depozitim falas bashkia e Shijakut ka vendosur që koston e mungesës së një zgjidhjeje tja kalojë qytetarëve duke ju lënë plehrat në derë.

Situata e Covid në vend, ish-ministri i Shëndetësisë: ‘Kambanat’ po bien, Shqipëria rrokulliset drejt një katastrofe të re

09:51 Sociale

Ministri i Jashtëm izraelit: Izraeli do të forcojë miqësinë me popullin fisnik shqiptar!

09:04 Sociale

Gati për të pritur afganët, por në "Qytetin Studenti" shfaqen të huaj të tjerë për strehim

21:20 Sociale

“Studenti i Javës”: Në këtë 15 vjetor, UET nderon 50 ish-studentë

19:16 Sociale

97% e të vaksinuarve shmangin vdekjen nga Covid

18:05 Sociale

Rastet e reja me koronavirus rriten sërish, 2 viktima të tjera në 24 orë

17:24 Sociale

Të planifikuara dy fluturime Kabul-Tiranë të dielën, por asgjë s’është e sigurtë

17:04 Sociale

Epidemologu Alimehmeti: Të nisë sa më shpejt vaksinimi me dozën e tretë në Shqipëri

14:13 Sociale

Ministrja Kushi: Po merren të gjitha masat për të mirëpritur nxënësit më 1 shtator për mësim plotësues

13:04 Sociale

Zjarret në vend/ Ministria e Mbrojtjes: Disa vatra aktive në veri, vijon djegia dhe në Himarë, terreni i vështirë

11:42 Sociale