Te fundit
Kalendari dhe situata në grupin I, Shqipëria i ka të gjitha shanset për vendin e dytë
6 Shtator 2021, 09:51Sport
TEMA
Situata në Grupin I ku bën pjesë Shqipëria është bërë tepër interesante, pas triumfit ndaj Hungarisë.
Kombëtarja e drejtuar nga Edi Reja vazhdon të ëndërrojë te mrekullia që e ka emrin “Kupa e Botës”.
Në 5 sfidat e para ka arritur të sigurojë 3 fitore dhe 2 humbje, duke u renditur përkohësisht në vendin e 3-të me 9 pikë.
Shqipëria i ka të gjitha shanset, për të synuar vendin e dytë, në ndeshjen e ardhshme.
Të mërkurën kuqezinjtë do të zbresin sërish në fushë, për t’u përballur me San Marinon në “Elbasan Arena”, ndërkohë për sa i përket rivalëve të tjerë të grupit, Poloni-Angli, do të jetë dueli interesant, që pritet të vendosë disi edhe fatet e renditjes.
Në rast të një triumfi të “Tre Luanëve” në Poloni dhe fitores së Shqipërisë ndaj San Marinos, Kombëtarja kuqezi ngjitet automatikisht në vendin e dytë.
Më pas ndeshjet kualifikuese do të rikthehen sërish në muajin tetor, teksa në datën 9 tetor, Shqipëria do të jetë mysafire në Hungari, ndërkohë që Polonia do të ndeshet me San Marinon dhe Andorra me Anglinë.
Tre ditë më vonë, më 12 tetor, kuqezinjtë e Rejës do të presin Poloninë për të “marrë hak” pas asaj humbje në transfertë.
Në dy ndeshjet e fundit të grupit Shqipëria do të përballet në transfertë me Anglinë më 12 nëntor dhe me Andorrën në shtëpi më 15 nëntor.
Më poshtë mund të shihni kalendarin e plotë të ndeshjeve të Grupit I ku bën pjesë Shqipëria dhe renditjen.
4 komente në “Kalendari dhe situata në grupin I, Shqipëria i ka të gjitha shanset për vendin e dytë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te gjitha shanse I ka dhe Andorra per vendin e dytë. Mos flisni marrëzira. Me arrijë Shqipëria vendin e tretë do jetë çudi.
Nese me Andorren dhe San Marinon mund edhe t’i marri 6 piket, me Angline dhe me Polonin, eshte e pamundur, ndersa me Hungarine edhe mund te arrihet, te pakten nje barazim ne Budapest. Pra, Anglia dhe Polonia kane hallin se kush te dali i pari ndermjet tyre dhe nuk shohin se kush del i treti.
Po te fitojme me Angline,Polonine dhe Hungarine dalim vend te pare…
Sa here qe jane bere te tilla llogari, jane eleminuar. Mos beni keshtu, se do t’i mnerrni m’sysh.