Te fundit
Përjashtohet nga drejtësia gjyqtari i “skandaleve”: Si u denoncua Piro Sota nga Saimir Tahiri dhe Bledi Çuçi
11 Shtator 2021, 20:50Kronika
TEMA
Komisioni i Pavarur i Kualifikimit, KPK vendosi të enjten më 9 shtator të ndëpresë rivlerësimin për gjyqtarin e Fierit, Piro Sota për shkak të dorëheqjes së tij. Gjithashtu, është vendosur sanksioni që i heq të drejtën për rikthimin e tij në sistemin e drejtësisë gjatë 15-viteve të ardhshme.
Në vendimin e arsyetuar të KPK sqarohet se procesi i vetingut për Sotën kishte filluar në qershor të vitit 2020. Një vit më vonë subjekti ka depozituar pranë Këshillit të Lartë Gjyqësor, KLGj dorëheqjen nga detyra.
Me vendimin e datës 22 korrik, KlGj ka vendosur deklarimin e mbarimit të statusit të magjistratit të gjyqtarit Piro Sota, për shkak të dorëheqjes së tij. Komisioni ka konfirmuar se vendimi i KLGj-së nuk është ankimuar, si dhe Sota ka shprehur vullnetin për të mos e ushtruar të drejtën për t’u dëgjuar në seancë dëgjimore.
Të enjten, trupi gjykues i kryesuar nga Firdes Shuli, me relatore Xhensila Pine dhe anëtar Olsi Komicin, vendosi të deklarojë ndërprerjen e procesit të rivlerësimit kalimtar për gjyqtarin e Fierit Piro Sota.
Po ashtu, është vendosur ndalimi i emërimit të tij si gjyqtar ose prokuror i çdo niveli, anëtar i Këshillit të Lartë Gjyqësor ose i Këshillit të Lartë të Prokurorisë, Inspektor i Lartë i Drejtësisë ose Prokuror i Përgjithshme, për një periudhë 15-vjeçare.
Vendimet skandaloze
ndalojë është bërë palë me krimin që së fundmit godet më shumë se kurrë në familje. Vrasja e 23-vjeçares Sabrina Bengaj, mbrëmë nga ish-bashkëshorti i sij Elton Meta ka iniciuar një proces hetimi nga Inspektoriati i Lartë i Drejtësisë për prokurorin Çlirim Sina dhe gjyqtarin Piro Sota, të cilët i hapën derën e burgut Elton Metës. Ky i fundit, i arrestuar dhe i izoluar si një rrezik potencial për vrasje.
Piro Sota ka vendosur për lirimin e Elton Metën nga burgu në 26 korrik 2021, por ndryshe nga prokurori Çlirim Sina, i cili nuk është denoncuar më parë për vendimmarrje për të dyshimta, “toga e zezë” është një emër i njohur.
Në 31 janar të këtij vitit, gjyqtari Sota liroi nga burgu tre të akuzuar për vrasjen e 57-vjeçarit Pelivan Sinanrrapaj, pra: Ferdinand Merkaj, Fitim Zekaj e Festim Alimerkaj. Por menjëherë pas publikimit të skandalit në media, të tre u rikthyen në burg.
Por edhe më herët ka pasur raste të ngjashme!
Viti 2014- Piro Sota u denoncua nga Saimir Tahiri, në atë kohë ministër i Brendshëm, për lirim nga burgu të të arrestuarave që Policia kishte prangosur përvjedhje.
Viti 2015- Hoqi nga lista e personave në kërkim Thoma ose Armand Shkurtin, i dënuar me 12 vite burg për “Shfrytëzimi i prostitucioni”.
Shtator 2018- Liroi nga burgu me kusht Ermal Hoxhën, nipin e diktatorin Enver Hoxha, i dënuar me 6.8 vite burg për trafik droge në dosjen ‘Xibraka’.
Tetor 2019- Liroi nga burgu anëtarin e Bandës së Durrësit, Sardian Sulejmanin, i dënuar me 25 vite burg për vrasjen e Avni Gashit në tetor 2005 në Tiranë. Gjyqtari i fali 5 vite burg, pasi u prek nga kërkesa të arrestuarit se kishte të atin sëmurë.
Ndërkohë që një ditë para vrasjes, KPK vendosi të ndëpresë rivlerësimin për gjyqtarin e Fierit, Piro Sota për shkak të dorëheqjes së tij duke i hequr të drejtën për rikthimin e tij në sistemin e drejtësisë gjatë 15-viteve të ardhshme. Megjithatë lëvizja e fundit duket se nuk do ta shpëtojë dot nga kontrolli pasi ILD ka nisur që të hapë dosjet që gjyqtari ka kaluar në duar. Shkeljet do të ndëshkohen!
Lini një Përgjigje
Më të lexuarat
24 oret e fundit
Javen e fundit
Blog Tema
