Te fundit
Sabiha Kasimati dhe përplasja në zyrën e Enverit, që i kushtoi jetën: Po vret intelektualët, me kë do e bësh Shqipërinë me teneqexhinjtë?
15 Shtator 2021, 11:30Dossier
TEMA
Nga Uran Butka
Sabiha Kasimati, një nga gratë e shquara intelektuale, shkencëtarja e parë shqiptare, u pushkatua vetëm pse ishte e tillë. Ajo vjen jo rastësisht nga një familje e njohur intelektuale libohovite. I ati i saj, Abdurrahman Kasimati, i kishte kryer studimet universitare për mjekësi në Turqi, ku punoi si mjek dhe jetoi me gjithë familje deri në vitin 1927.
Në këtë vit u kthye në Shqipëri, ku fillimisht u vendos në Korçë, mandej në Elbasan, tek shërbeu si mjek dhe gëzoi respektin dhe mirënjohjen e qytetarëve, por edhe vlerësimin e miqësinë e personaliteteve të këtij qyteti: Aqif Pashë Elbasanit, Lef Nosit, Visarion Xhuvanit, Ethem Haxhiademit, Sotir Paparistos, Aleksandër Xhuvanit e të tjerë.
Sabiha Kasimati lindi në Edërne (Adrianopojë) të Turqisë më 15.09.1912. Atje kaloi fëmijërinë, e ushqyer nga prindërit me dashuri për Shqipërinë, por edhe për kulturën europiane.
Kur u kthye familja në atdhe, ajo u vendos tek i vëllai në qytetin e Korçës, ku filloi studimet në Liceun Francez të këtij qyteti. Ajo qe e para femër që e mbaroi këtë shkollë perëndimore, në vitin 1930. Qysh nxënëse, ajo zotëronte disa gjuhë të Perëndimit dhe të Lindjes, në mënyrë të shkëlqyer frëngjishten, aq sa habiste edhe profesorët francezë të Liceut.
Mbas mbarimit të Liceut të Korçës, ajo punoi disa kohë si mësuese në shkollën normale femërore të Korçës, duke dhënë lëndët e Edukatës morale dhe të gjuhës frënge. Më vonë u transferua si pedagoge në shkollën shqiptaro-amerikane në Kavajë, ku jepte biologji.
Në vitin 1936 mundi të plotësonte dëshirën e zjarrtë për studime të larta. Shteti shqiptar i akordoi bursë studimi në Universitetin e Torinos, në Fakultetin e Shkencave Biologjike, të cilin e përfundoi me sukses me notat 30’/30’, me lavdërim (trenta su trenta con lode). Në verën e vitit 1941 mbrojti edhe doktoraturën. Katedra i ofroi vendin e asistentes në ihtiologjinë fluviale, por ajo nuk pranoi dhe u kthye në atdhe. Në Shqipëri punoi me entuziazmin e një vajze të re e të kulturuar, por edhe me vullnetin e një shkencëtareje të re që kërkonte t’i shërbente vendit të saj në nevojë. U emërua pedagoge në Institutin Femëror “Nëna Mbretneshë” në Tiranë. Mbas disa vjetësh pune me pasion, u detyrua të shkonte në Itali për kurë shëndetësore në një sanatorium të Torinos. Pas shërimit, aty nga viti 1945, u kthye në atdhe.
Nisi punën në Institutin e Shkencave, siç quhej atëherë bërthama e parë shkencore, që drejtohej nga prof. Selaudin Toto, i cili më pas u pushkatua nga regjimi.
Dr. Namik Kasimati, nipi i Sabihasë, kujton: “Sabihaja si ihtiologe përfundoi në vitin 1948 një studim shkencor mbi peshqit në ujërat shqiptare. E entuziazmuar, shkoi në Durrës dhe i tha shoqes së saj, Durie Hulusi: ‘Jam e gëzuar që mbarova një studim mbi peshqit që do t’i shërbejë jo vetëm Shqipërisë, por edhe shteteve të tjerë që janë në kufi me Shqipërinë’”.
Dr. Sabiha Kasimati ishte emëruar shefe e sektorit të zoologjisë, por u mor vetëm me ihtologji. Atë fushë e kishte hulumtuar që nga koha e studimeve universitare, ndaj kur u kthye, hulumtoi, gjurmoi e studioi gjithë faunën ihtiologjike detare dhe liqenore të ujërave shqiptare dhe përfundoi monografinë “Peshqit e Shqipërisë”.
Sabihaja ishte një intelektuale e kompletuar, që kishte studiuar në Perëndim, një filozofe dhe biologe që e njihte mirë thelbin dhe shfaqjen e panatyrshme e çnjerëzore të sistemit totalitar komunist, i cili po vendosej në Shqipëri. Ajo u dëshpërua thellësisht nga goditjet e rënda që po u jepeshin intelektualëve të vendit, veçanërisht atyre që kishin studiuar në Perëndim, mjaft nga të cilët ishin kolegët e saj.
Gjyqet ushtarake dënonin me pushkatime dhe burgime të rënda elitën shqiptare. Ajo u trondit veçanërisht nga pushkatimi i drejtorit të saj, shkencëtarit Selaudin Toto, si edhe i intelektualëve opozitarë Gjergj Kokoshi, Suad Asllani, Sulo Klosi, Shefqet Beja, prof. Stanislav Zuberit etj., veçanërisht nga dënimi i shkrimtares së parë shqiptare, Musine Kokalari. Kështu, Sabihaja filloi të shprehte pakënaqësinë për regjimin dhe për Enver Hoxhën, shokun e saj të klasës në Liceun e Korçës.
Këto pakënaqësi të saj, si edhe prejardhja nga një familje e madhe, tërësisht intelektuale dhe demokratike, bënë që emri i Sabihasë të futej në listat e zeza të Sigurimit të Shtetit si “kundërshtare e regjimit”.
Dr. Namik Kasimati rrëfen: “Duke qenë se Sabihaja kishte mbaruar Liceun Francez bashkë me Enver Hoxhën dhe e njihte mirë, i kërkoi një takim.
Sabihaja: Kam ardhur të të them se ti po vret gjithë intelektualët. Dua të të pyes se me cilët ke ndërmend ta ndërtosh Shqipërinë, me teneqexhinjtë apo me këpucarët?
Enveri: Boll lexove iluministët francezë, të këshilloj të lexosh Marksin dhe Leninin.
Pas dy ditësh, Nako Spiru, të cilin Sabihaja e kishte shok, e thirri Sabihanë për një kafe dhe në bisedë e sipër i tha: “Sabiha, duhet ta qepësh gojën, jo me karficë, por me babushkë”.
Këto biseda Sabihaja ia kallëzoi të vëllait, Dr. Hivzi Kasimatit, babait tim, që banonte në Korçë dhe me të cilin Sabihaja takohej shpesh. (Dr. Namik Kasimati, kujtime).
Sabihaja ishte e çiltër, e shkujdesur dhe nuk mendonte se i ishte qepur pas vdekja. Ajo kishte kurajën t’ia përplaste të vërtetën në sy Enver Hoxhës, por, nga ana tjetër, të takonte pa droje edhe shoqet, shokët e miqtë që ishin goditur pa të drejtë nga diktatura. Një herë ajo shkoi në kampin e internimit në Jubë, ku punonin si të burgosur shokët e saj Tika Tezha, Felatun Vila etj. Mirëpo Tika i tha: “Sabi, mos shkel më këtu, sepse je në rrezik. Ne e dimë se ç’ka hequr kurrizi ynë që të detyroheshim të depononim kundër teje, në mënyrë që edhe ti të hyje në burg”.
Rifillimi i terrorit masiv në vitin 1951 mori edhe kokën e Sabihasë. Vendimi për të realizuar këtë masakër u mor jo në sallën e gjyqit, por në Byronë Politike e PPSH, saktësisht në mbledhjen e datës 20.02.1951, me pretekstin e hedhjes së një sasie të vogël dinamiti në oborrin e Ambasadës Sovjetike, që theu vetëm disa xhama në mbrëmjen e datës 19.02.1951, ora 19:15.
Urgjentisht u mblodh kupola e partisë-shtet dhe me propozim të ministrit të Brendshëm, Mehmet Shehut, u vendos të merreshin masa të jashtëzakonshme represive “pa marrë parasysh ligjet në fuqi”. (Të gjithë anëtarët e Byrosë, përfshirë edhe E. Hoxhën: Jemi dakord me këto masa. (Procesverbali i mbledhjes së Byrosë Politike, 20 shkurt 1951).
Arrestimet që u bënë menjëherë, sipas vendimit të Byrosë Politike më datën 20-23 shkurt 1951, ishin të paligjshme, sepse u kryen pa ndonjë urdhërarrest të prokurorit dhe pa ndonjë vendim gjykate. (Vetëm më vonë u plotësuan urdhërarrestimet dhe procesverbalet e “gjykimit”)
Arrestimet u bënë mbi listat e vdekjes, të parapërgatitura nga Sigurimi i Shtetit në Ministrinë e Brendshme.(Arkivi i Ministrisë së Brendshme)
Sabihaja u arrestua më 20.02.1951, me pretekstin e “bombës” në Ambasadën Sovjetike.
Ajo bënte pjesë në listën e Sektorit të Dytë të Drejtorisë së Sigurimit të Shtetit, të përpiluar nga kapiten Rasim Dedja. Përbri emrit të saj ishte vënë një kryq, që do të thoshte se ajo do të pushkatohej. Përpilues i listave të zeza, rrëfen: “Vlerësimi për personat që do të pushkatoheshin dhe që janë pushkatuar në fakt, është bërë direkt nga udhëheqja e Ministrisë, që në atë kohë ka qenë Mehmet Shehu me zëvendësministrin e tij – Kadri Hazbiu, që mbulonte Sigurimin e Shtetit”.
Mehmet Shehu ishte ministër i Brendshëm, direkt i interesuar për ngjarjen. Ai propozoi në mbledhjen e Byrosë Politike që të pushkatoheshin pa gjyq 10-15 persona dhe byroja ia miratoi njëzëri, bashkë me komandantin (E. Hoxhën), pra, i kishte duart e lira. Pa miratimin e diktatorit nuk bëhej asgjë.
Enver Hoxha i miratoi të gjitha veprimet dhe emrat e viktimave, që ishin përzgjedhur, duke u vënë nga një kryq përpara. Por Enveri shtoi nga ana e tij emrat e Sabiha Kasimatit, Reiz Selfos, Manush Peshkëpisë, Qemal Kasoruhos, të cilët ishin nga treva e Gjirokastrës dhe ai i njihte personalisht. Bie fjala, emri i Reiz Selfos nuk ishte në asnjë nga listat.
Dikur Reiz Selfo kishte pasur kurajën t’ia përplaste të vërtetën në fytyrë E. Hoxhës, i cili u hakmor ndaj tij, ashtu siç u hakmor ndaj Sabiha Kasimatit, e cila i kishte thënë ish-shokut të klasës: “Kam ardhur të të them se ti po vret gjithë intelektualët. Dua të të pyes se me cilët ke ndërmend ta ndërtosh Shqipërinë, me teneqexhinjtë apo me këpucarët?”.
Kryqet i kishin vënë udhëheqësit e lartë të partisë e shtetit. Për pushkatimin e saj dhe njëzet e dy intelektualëve të tjerë kishte vendosur Byroja Politike e KQ të PPSH, me vendimin e datës 20 shkurt 1951. Nuk ka shembull në të gjitha vendet e Lindjes komuniste, që të vendoste për të vrarë njerëz Byroja Politike e Partisë, madje, pa gjyq dhe duke shkelur edhe ligjet e asaj kohe!
Akuza e prokurorit ushtarak Siri Çarçani mban datën 25.2.1951 dhe përmban absurditete: “Janë vënë në shërbim të spiunazheve të huaja imperialiste; janë bërë anëtarë të një organizate terroriste. Kanë propaganduar rrëzimin me dhunë të pushtetit popullor dhe kanë hedhur parulla pro shpërthimit të një lufte të re nga ana e imperialistëve amerikano–anglezë e satelitëve të tyre”. (Arkivi MB, dosja e bombës në Ambasadën Sovjetike)
Është një akuzë kolektive për terrorizëm, e pambështetur në asnjë provë. Të akuzuarit, nuk kishin asnjë lidhje apo bashkëpunim me njëri-tjetrin; nuk ishin pjesëtarë të ndonjë organizate politike apo terroriste të cilësuar; asnjërit nuk i përmendet në akuzë pjesëmarrja në hedhjen e bombës në Ambasadën Sovjetike – për shkak të së cilës ata u arrestuan!
Siç dihet botërisht, ata persona që hodhën dinamitin, si Qazim Laçi, Hysen Lulla etj., anëtarë të organizatës “Bashkimi Kombëtar”, u arrestuan po ato ditë, u mbajtën fshehtas në hetuesi për tetë muaj dhe u dënuan për hedhjen e dinamitit në Ambasadën Sovjetike me vdekje dhe burgime të rënda. Pra ishin të tjerë ata që e hodhën dinamitin si një akt antisovjetik, antistalinist.
Siri Çarçani dëshmon: “Për dijeninë time, Gjykata e Lartë Ushtarake nuk ka zhvilluar gjyq ndaj këtyre të pandehurve”. Po ashtu, drejtori i Sigurimit të Shtetit, Rasim Dedja, dëshmon: “Për pushkatimin e këtyre personave nuk është bërë gjyq dhe këtë e them, sepse nga zyrat e Ministrisë së Brendshme ata janë çuar direkt në vendin e pushkatimit” (Procesverbal i mbajtur nga Prokuroria e Përgjithshme, v.1992)
Meqenëse ekzekutimi pa gjyq bëri bujë, brenda dhe jashtë Shqipërisë, Gjykata e Lartë Ushtarake në bashkëpunim me Sigurimin e Shtetit, pasi ishin pushkatuar 22 të arrestuarit, nisën procedurat e përpilimit të procesverbaleve të rreme, fiktive, sikur gjyqi ishte zhvilluar. Ekzistojnë dy procesverbale gjyqësore të falsifikuara të Gjykatës së Lartë. Njëri mban datën 26.2.1951:
“Gjykata Ushtarake, me kryetar nënkolonel Shuaip Panariti, anëtar kapiteni i parë Vangjel Kocani dhe kapiten i parë Nonda Papuli, e sekretar Hidaji Bejo, e ka filluar shqyrtimin e çështjes më 26.02.1951 dhe është shprehur për dënimin e të gjithë të akuzuarve me vdekje – me pushkatim, duke u bazuar në ligjin 372, datë 12.2.1946. Ky vendim gjykate është i formës së prerë dhe i ekzekutueshëm menjëherë”. Në fund ka firmosur kryetari i Gjykatës së Lartë Ushtarake, Shuaip Panariti dhe anëtari Vangjel Kocani; nuk është firmosur nga anëtari tjetër Nonda Papuli dhe sekretari Hidaji Bejo. (Procesverbali i datës 26.02.1941):
Anëtari i trupit gjykues të Gjykatës së Lartë Ushtarake dhe nënkryetar i saj, Vangjel Kocani, dëshmon: “E kujtoj mirë se në vitin 1951 ka ndodhur një ngjarje në Tiranë dhe konkretisht u fol se ishte hedhur një bombë në Ambasadën Sovjetike… Pas ca ditësh të kësaj ngjarjeje, apo me kalimin e një jave, unë jam thirrur nga kryetari i Gjykatës së Lartë Ushtarake, Shuaip Panariti, dhe më tha se ti e di që është hedhur një bombë në Ambasadën Sovjetike, Sigurimi ka arrestuar dhe një pjesë nga të arrestuarit, 22 veta, janë pushkatuar pa u bërë gjyq, prandaj duhet që të firmosim një vendim gjyqësor penal formal, pasi gjyq nuk mund të bëjmë, se Sigurimi i ka pushkatuar pa gjyq personat… Shuaipi më tha se vendimi i Gjykatës është formal, nuk ka asnjë pasojë dhe duhet ta bëjmë këtë pasi është urdhër i udhëheqjes së shtetit dhe në atë kohë Kryeministër ishte Enver Hoxha.
Shuaipi më tha: “Ti Vangjel mos u shqetëso, derisa vendimi është formal dhe ne në fakt nuk gjykojmë njeri”. Më porositi që për këtë vendim penal fiktiv “duhet të mbyllësh gojën e të mos i thuhet asnjë njeriu se është sekret i madh shtetëror”.
Pas kësaj, kemi shkuar me Shuaipin në zyrat e Ministrisë së Brendshme. Shuaipi më paraqiti vendimin gjyqësor të daktilografuar dhe unë e kam firmosur. Kur ma dha vendimin për ta firmosur, Shuaipi nuk më ka treguar ndonjë dosje hetimore, nuk kam parë asnjë lloj materiali hetimor”.(Procesverbal i mbajtur në Prokurorinë e Përgjithshme, v.1992)
Sekretari i Gjykatës së Lartë, Hydai Bejo, dëshmon: “Nuk e firmosa kur ma sollën vendimin, sepse nuk mora vesh, u bë apo nuk u bë gjyq. S’mund të hidhja firmë, pa qenë në gjykim. Po ashtu, refuzoi të firmoste edhe Nonda Papuli. S’kishim si të bënim ndryshe”. (Dëshmi e Hydai Bejos, sipas procesverbalit):
Por nuk mungojnë vetëm firmat e anëtarëve të trupit gjykues, mungojnë edhe të dhënat e tjera që shënohen zakonisht në procesverbalet, gjithashtu datat janë ngatërruar, pra, gjithçka është kundërthënëse, hartuar në nxitim e sipër. Njëri procesverbal i falsifikuar mban datën 27.2.1951, kur të akuzuarit nuk ekzistonin më, ata ishin vrarë në mesnatën e datës 26.2.1951 dhe ishin varrosur. Madje, njëri prej tyre, Jonuz Kaceli, ishte vrarë nga torturat në birucat e Sigurimit të Shtetit dhe e kishin hedhur nga dritarja, duke thënë se kishte bërë vetëvrasje!
Të gjitha këto manovrime e shkelje juridike, nuk e mbuluan dhe nuk e fshehën dot masakrën e kryer pa gjyq dhe pa asnjë fajësi të provuar.
Sabihaja nuk e pranoi akuzën për akte terroriste, për pjesëmarrje në organizata terroriste, për vënie në shërbim të agjenturave të huaja, por pranoi me burrëri se, si intelektuale, ishte kundër pushtetit totalitar dhe ideologjisë së tij komuniste: “Kam qenë kundër pushtetit popullor, sepse nuk pajtohet me ideologjinë time. Unë nuk kam qenë kurrë e mendimit se me akte revolucionare të arrihej në socializëm. Jam lidhur me një grup shokësh, të cilët edhe ata kanë qenë armiq të Partisë Komuniste…”.
E vranë pa gjyq intelektualen, pedagogen, shkencëtaren, demokraten e shquar, martiren Sabiha Kasimati! Në mesnatën e datës 26 shkurt 1951, të lidhur me tela me gjemba, bashkë me 21 burra nga e gjithë Shqipëria, i pushkatuan dhe i hodhën në një gropë të përbashkët, pranë Urës së Beshirit. Fshatarët kanë dëgjuar britmat e saj, deri sa dha shpirt. Eshtrat e saj sot prehen në varrezat e Dëshmorëve të Kombit, në një varr të përbashkët me 22 martirët e pushkatuar atë natë të përgjakshme.
Xha Kadriu nga Mëniku, që zbuloi varrin, rrëfen: “Më vonë, kur ai vend ku u pushkatuan filloi të shpyllëzohej, një traktoristi që po punonte aty, i ra të fikët, tek pa që traktori tërhiqte zvarrë një kufomë gruaje, të cilën e mbuluan përsëri. Ishte trupi i patretur ende i Sabiha Kasimatit!”.
27 komente në “Sabiha Kasimati dhe përplasja në zyrën e Enverit, që i kushtoi jetën: Po vret intelektualët, me kë do e bësh Shqipërinë me teneqexhinjtë?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O Uran “historiani”!
Leri keto pune se jane te renda, nuk jane per ty qe historine e kupton vetem pe te kete emrin e kobshem Sali.
Hidh ne leter bemat e Salinjve, se per ballistet e kane shkruar te tjere burra, dhe ti nuk u vjen as tek maja e thoit.
“Shiko fytyren qe te leçitesh zemren” thone kolonjaret.
Dhe ashtu bër Enver Terroristi vrave të gjith patrijote dhe njerzit e diture ju veq shifni kë na la mbrapa Sali Berishen ilir hajduti Fatoae Nanone dhe Edi Otomani
Meqense që nga Ismail Qemali nuk po u pëlqen asnje udhëheqës dhe asnjë organizim shtetëror tani këti problemi i erdhi fundi.Së shpejti do ta keni Vuçiq të parë të federatës krahinë e së cilës do jet Shqipëria.
Kur ishte enveri kishim Titon dhe veglat a tij. Tashti kemi ato qe mbeten nga fshesa. Te miret i vrane.
Taulant, pse nuk i duron dot keto fakte? Te trondit me shume lajmi se vrasja e te pafajshmeve. Sa te jesh gjalle do ta prishin gjumin. Keshtu ndodh kur je pjese e krimit.
boooooo cfaare trrorizmi kane bere kta shfarosje te [email protected]
Historia e kesaj zonje te madhe, tregon dobesite antinjerezore te atij sistemi diktatorial, te cilat e cuan ne falimentim perfundimisht ne 1990.
Stampa me e rendomte qe perdorin diletantet ne shkrimin e pretenduar historik,,eshte shoqerimi i personazhit te tyre me figura te rendesishme te kohes..
Keshtu Urani e shoqeron te jatin e Sabihase(Abdurrahmani ishte kthyer nga Turqia ne 1927) ne Elbasan,me Aqif pashe Elbasanin.
Po Aqif pashe Elbasani kish vdekur ne 1926.
E shoqeron Abdurrahmanin me Ethem Haxhiademin..Por Ethem Haxhiademi ishte student ne Austri ne kete periudhe.
E shoqeron me Sotir Papariston,,Por Sotir Paparisto ishte afersisht 10 vjec ne kete kohe,dhe nje burre mjek me goxha shkolle nuk shoqerohet me kalamanet,.Neqoftese e ngaterron me Sotir Papakriston,drejtorin e famshem te Lyceut te Korces,,ky ishte ne Korce dhe jo ne Elbasan ne kete periudhe.
Keto verejtje ja kam bere edhe disa shkruesve skraparllinj me banim ne Tirane-Durres,qe figurat e tyre te dashura te Skraparit i shoqerojne o me Muco Kapinoven,,o me Riza Ceroven,,o me Zylyftarin per te perfunduar me Karamanin.(Megjithese mund te mos jene njohur kurre) Ketyre diletanteve fshatareske te Skraparit ju vjen idhet dhe me quajne mua antikomunist ,ballist,fashhist,..Me siguri Urani do me quaje komunist. Une jam i nje mendje me Historianin Paskal Milo,qe ja tha ne sy Uran Butkes,mungesen totale te kultures historike.
Jo kushdo mund te shkruaje historine.
Urani nxjer fakte!!!!!!!!!!?
Urani eshte benjamin i halese Sali Ram Berisha, dhe paraqet fakte qe atij i pëlqejnë.
Ky nuk eshte stili i shkrimit te “patronazhistit” origjinal.
Si shkodran mu me’duket paradoksale qe studentet e para univeristare para luftes se dyte boterore ishin ka Gjinokastra (Sabiha Kasimati, Liri Gega, Musine Kokalari, Qibrie Ciu dhe motra e saj, etj. Ne fushen e artit nga Shkodra ka stuju kangtarja Maria Kraja dhe nga Korca Tefta Koco Tashko.
E cuditshme qe nje qytet aq konservator qe sot akoma ruan polifonine e lashte te kete derguar vajza per studime universitare ne Perendim (France, Itali etj.) thujse nji shekul ma pare.
Nga statistikat e Qeverise Zogut, Gjirokastra kishte 3-4 here me shume intelektuale se cdo qytet tjeter.
Cdo Qeveri ne cdo kohe ne keto 80 vjet, ka pasur mbi 4-5 Ministra nga Gjirokastra, KM Meksi, Nano,
Gjirokastritet jane te zgjuar si cifutet ne Bote.
Nardi-polifonia eshtepjese e kultures se popullit tone dhe nuk ka te beje me aresimimin e femijeve te shtresave te pasura te asaj kohe. Personalisht nuk me ka pelqyer kurre polifonia, por faktet jane ato qe jane dhe kjo menyre e te kenduarit eshte po aq e rendesishme sa edhe kenget e malesise, kenget permetare apo ato te Camerise.
Si aso kohe sulmoni te verteten dhe kedo qe e sjell.
Te paftyre, kriminel e te poshter, c’pune ka saliu me krimet e atyre viteve. Apo ju dhemb e verteta dhe perpiqeni te fshiheni pas gishtit.
Kembezen nuk e terhoqi enveri, ate e bene baballaret dhe gjysherit tuaj “Taulant” e “Xxxxx”.
Nuk e njihja Zonjen dhe emrat e viktimave te tjera te pafajshme. Ku ti njihja?
Nderime dhe perulje ndaj atyre njerezve te ndritur e te ndershem qe kundershtuan dreqin e kuq me yllin sllav ne ball.
Atë bënë, të zgjuarit dhe inteligjentët i hoqën qafe si mesjetarë talibanë dhe vendin e ndërtuan me klasën punëtore dhe me pjesën mediokre…Inteligjentët nuk vihen kollaj në rresht, ndaj do të ishin opozitë, ndërsa mediokrit “urra”, “urra” i ke si dje, si sot…e i mbushi plot zyrat…
Sabihe Kasimati eshte 4 vjet me e vogel se Enver Hoxha, nuk kane qene kurre ne shkolle bashke.
Sabiheja mbasi mbaroi shkollen, erdhi , e sistemuan ne pune shkencore.
Pastaj pse u kruajt , ajo e di vete.
Me gjyq, pa gjyq, keto jane perralla te atyre qe kane firmosur Proces-Verbalin, dhe atyre qe ju intereson te thone qe u pushkatuan pa gjyq.
Edhe ne kohen e Partizaneve, behej gjyq, jo ne kohen e vitit 1951. Ata qe donin te zhduknin, kishin kohe per cdo formalitet.
Per mua, kjo cupa e ka kruajtur me kallamishte. Gjynah qe ishte e re, dhe u fut ne gracken e disa te tjereve qe e vune ne balle, dhe ajo ju duke vetja me imunitet.
Sa per keta legenat, qe ne vitin 1992, deklarojne se kane firmosur mbasi jane pushkatuar te denuarit, kane pasur frike se do venin ne burg, dhe thane ate qe donin te persekutuarit tashme ne pushtet.
E ça t bote dhe Dulla,kur intelektualet e shkollum apo edhe pa shkoll,u bon kolaborator t fashizmit e nazizmit ..
Shko n Franc dhe pyeti se ça u bo me ata qe bashkpunun me hitlerianet…shko…ja ku e ke..francen demokratike..
I varen n litar dhe i pren koken n gijotin..kte i ben …edhe kurvat qe u pallun me ushtart gjerman u degjenerun ,u qethen qerose,tu u zvarrit rrugve jo pse ishin kurva se kurv esht komplet kombi francez por ,pse u pallun me nazizmin..pse i ben qejfin hitlerve…
Prandaj,ka ç ka Dulla,per ate qe i boni trathtarve,mir ja boni.
Si franca..
Pse,m kot kishte kalu rinin n franc ai ?!
“Shkodrani” prej Puke!
Asnji komentues nuk e bene fajtor kriminelin Sali Ram Berisha per kete gocen, Kasimati, a si e pati emrin.
Kasimati u gjykua dhe u denua me denim kapital ne gjysmen e dyte te shekullit 20, kurse krimineli Sali Ram Berisha, ne vitet e fundit te shekullit te 20 dhe ne vitet e dhjetvjeçarit te dyte te shekulli 21, vrau, (Remzi Hoxha, Kosta Trebicka, 26 burra, gra e femije ne Gerdec, 4 burra ne bulevard,), preu, deboi nga vendi, (Zef Brozi) pa llogaritur Gramoz Pashkon, Sokol Olldashin, njesoj, bile shume here me keq se Enver Hoxha, i cili, te pakten te bente nje gjyq dhe te denonte ne baze te ligjeve te miratuara, dhe jo pabesisht, ne menyre tinzare, siç veproi maloku Sali Ram Berisha.
Dhe qe te mos ndodhin kete makabritete, duhet shkruar historia, qe njerzit dhe veçanerisht udheheqesit e popujve te mesojne prej saj dhe te mos perserisin gabimet e kaluara.
Por historia eshte nje gjelle qe servjret e ftohte, jo me urrejtje apo tifozeri per udheheqesin, kushdoqofte ai.
Ja pse karikatura e historianit, Uran Butka, kurre nuk do meret seriozisht nga pjesa e emancipuar e shoqerise sone, por vetem nga “intelektualet” e “Kristalit”, “Vitrines” me banim ne metropolin kozmopolit me emrin BATHORE.
Pukjanet jane njerez trima e te beses. Do ta kisha per nder te kisha ndonji rrenje prej andej. Megjithate ketu nuk flitet per krimet e saliut.
Le te flasim edhe per ato se asaj listes tende mund ti shtoj shum e shum me teper.
Po, duhet te shkruhet historia dhe te denohet kush eshte gjalle (saliu) dhe ca te tjere.
Ngjarja,pa justifikuar shtremberimet dhe shume fakte eshte e vertete.Nen ze eshte folur nga njerez te vecante por pa e ditur plotesisht te verteten.Ne proces verbalet per ate dosje flitej edhe per mungesen e firmes nga Ministri Drejtesise te asaj kohe,Manol Konomi.Ky grup eshte denuar dhe egzekutuar pa gjyq.Ata jane te vetmit persona qe pasardhesit e tyre ,pas 1990-tes,kane bere gjyq dhe kane fituar pafajsine.Ne mendimin tim jane te vetmit te persekutuar,pasi te gjithe te tjeret quhen te persekutuar me vendime politike (ligje) te nxierra ne kohen e pluralizmit.Sa per dikent qe thote se si ka mundesi qe nga Gjirokastra ka pasur kaq shume intelektuale po u them se ne 1916-ten ne takimin e zhvilluar ne Shkoder per gjuhen shqipe, Gjirokastra perfaqesonte dyfishin e intelektualeve te Korces,katerfishin e intelektualeve te Shkodres,Vlores,Elbasanit,Beratit .Per te tjerat nuk behej fjale.Kush ka mundesi ta gjej ne arkivat e kohes.
Me te vertet intelektualet Gjirokastrite ishin nder me te ndriturit. Ne kohen e partis, kam patur fatin te lexoj nga biblioteka e njerit prej tyre dhe jam ndjer me se i lumtur. Ishte si nji rreze drite ne burgun e erret ku na futi partia. Ishte ashtu se biblioteka e familjes sime ishte grabitur nga sigurimi. Ishte fatkeqesi shum e rralle qe nga ai popull patriot. i zgjuar e paqesor te lindte nje perpindesh si enveri. Nuk ka pyll pa derra!
Ata qe kane tru edhe sot i luftojne mbase edhe me eger!
Sabihaja ishte lesbike. Ne shkolle ne Korce rrinte vetem me djem dhe vishej si burre alla Marlene Ditriech qe e thoshte vete qe ish bi. Per vitet 30 te shekullit te kaluar ish ca si shume per nje vend si Shqiperia.
Lexoni kujtimet e Diti Bicakut
https://iw.al/standard/2021/03/03/tronditese-i-vune-ne-nje-grope-22-intelektuale-te-pushkatuar-deshmitar-okular-diti-bicaku-tirana-e-nates-se-26-shkurtit-1951/
E arrestuan dhe ditin dhe e futen ne qeli me sabihane. Diti e kish pas mesuese sabihane.
Pastaj ditin e lane deri ne fund me sabihane ne qeli.
Pse? Kush qe diti? Clidhje kish me sabihane? Nuk ish familje e saj?
Ose ish dashnorja dhe si e tille e futen si provokatore, informante, spiune ne qeli me burrin e vet????
Fakti eshte diti u lerua pas asaj nate te perbashket ne qeli. Sabihaja u pushkatua.
Nuk thuhen te gjitha.
Ti tregoje urania.
Te marrim dhe ne vesh pse…
Se kush jane pukjanët, une e di me mire se ti pasi kam jetuar dhe punuar atje.
Respekte per Puken, vendin e njerëzve te ndershëm e puntore.
E them edhe nje here, historia duhet te na tregoje per rrugët e prishura qe nuk mund te kalohet, qofte kjo rruge e kriminelit Sali Ram Berisha, qofte e Enver Hoxhës.
Ne kete rast, pseudohistoriani Uran Butka, nuk i trajton rastet e kriminelit Berisha por vetëm te Enverit, dhe kjo vetëm per te treguar se SHBA e ka gabim me qenin Berishe.
Kështu i dashur “Shkodran” prej Shkodre
“A te duhen budallenj
Ca gomere e ca kopuk
Hajdut kacak e batakcinje
Shko e merri mu ne Puke”
Ish ministri i drejtësisë në atë kohë Manol Konomi dha dorëheqjen pas pushkatimit pa gjyq të 23 njerëzve të pafajshëm! Krimineli Enver vrau edhe të gjithë shokët e tij, jo më kundërshtarët ideologjikë. Krimet e komunizmit janë të pafundme sa në Shqipëri, aq edhe në Rusi nga Stalini apo në Kinë nga Mao. Ka disa këtu që duan që të harrohen ato krime dhe të merremi vetëm me krimet e Salës! Harrojnë të shkretët që edhe Sala ka dalë nga magjia e Enverit!
Po ky urani fshatar nga butka ku e fut vehten ke teneqexhinjte apo ke intelektualet.
Barbare prej butke. Kane vrare e prere shqiptare orthodokse sa u desh qejfi.
Jo teneqexhinj po ma zi, kriminele. Se dhe ky eshte profesion