Profesor Gjekmarkaj iu përgjigjet kritikëve të Bashës: Ju nuk keni kellqe të komentoni vendimin ultimativ të SHBA për Berishën. Rama do çmontohet si Nikola Gruevski

Deputeti i Partisë Demokratike, Agron Gjekmarkaj ka komentuar deklaratat që ambasadorja e SHBA-ve, Yuri Kim dha pas takimit me kreun e PD, Lulzim Basha.

Sipas tij mesazhet që dha diplomatja amerikane ishin të forta, të pazakonte dhe shpresëdhënëse për Partinë Demokratike, ndërsa thekson se ishin një lajm i keq për kryeministrin Edi Rama, pushtetin e të cilit e krahasoi me atë të ish-kryeministrit maqedonas, Nikola Gruevski.

Teksa i referohet vendimit të Bashës, që përjashtoi Sali Berishën nga grupi parlamentar, Gjekmarkaj shprehet se nuk kishte një tjetër shteg nga ku mund të kalonte PD dhe Kryetari i saj.

“SHBA nëpërmjet zërit të \onjës Kim deklaruan mbështetje për PD dhe vendimet e Bashes madje dhe gatishmëri për të festuar fitoren e PD në zgjedhje. PD, trupa drejtuese e kryesisht  anëtarësia e  saj duhet të përballen me të vërteten e cila është e dhimbshme por dhe e vetme!

Nuk ka dy të vërteta për një çështje. Nuk kishte një tjetër shteg nga ku mund të kalonte PD dhe kryetari i saj. Ambasada e SHBA ktheu mbrapsht çdo aludim për dëmtim të demokracisë në PD me ndërhyrjet e saj duke e konsideruar atë fyes”, thotë Gjekmarkaj.

Një përgjigje, deputeti demokrat kishte edhe për kritikët e Bashës:

“Mblidhen e flasin duke mos zënë me gojë vendimin ultimativ të SHBA për Sali Berishen të cilin nuk ka kellqe askush ta komentojë. Sido që na është dukur i gabuar dhe i padrejtë ai është vendimi i tyre të cilin ne nuk e negociojnë dot! Ai mund të refuzohet vetëm me koston e shndërrimit të PD në një parti antiamerikanë!”

Postimi i plotë

Dje e sapo kthyer nga Uashingtoni Ambasadorja Juri Kim trokiti në derën e Lulzim Bashes. Mesazhet e saj ishin të forta, të pazakonta , mbresëlënëse dhe shpresëdhënëse për PD e cila po kalon ditë të vështira dhe emocionale. SHBA nëpërmjet zërit të Zonjës Kim deklaruan mbështetje për PD dhe vendimet e Bashes madje dhe gatishmëri për të festuar fitoren e PD në zgjedhje. PD, trupa drejtuese e kryesisht  anëtarësia e  saj duhet të përballen me të vërteten e cila është e dhimbshme por dhe e vetme! Nuk ka dy të vërteta për një çështje. Nuk kishte një tjetër shteg nga ku mund të kalonte PD dhe Kryetari i saj. Ambasada e SHBA ktheu mbrapsht çdo aludim për dëmtim të demokracisë në PD me ndërhyrjet e saj duke e konsideruar atë fyes.

PD sot i është rikthyer fuqishëm aleancës historike e strategjike me SHBA jetike kjo për cilësinë e demokracisë në këtë parti dhe në vend, por mbi të gjitha jetike për të çmontuar kapjen e shtetit në çdo qelizë nga pushteti mafioz i Edi Rames.

Deklaratat e mbështetjes totale që PD mori dje nga Yuri Kim janë lajmi më i keq për Edi Ramen dhe urdinë e tij që i shkon nga pas në këto tetë vjet. Ne e dimë si u çmontua neodiktatura e Gruevskit në mandatin e saj të tretë me mbështetjen e ndërkombëtareve, të cilët i lëshuan në dorë dhjetëra “bomba” Zoran Zaevit me të cilat e shkërmoqi çdo tullë  autoritarizmi që dukej aq solid nga jashtë.

Mos harroni që Edi Rama bëri masaker zgjedhore ! Mos harroni që 85 mijë vota dolën të pavlefshme dhe pos kësaj diferenca e tij në vota me Opozitën është vetëm 37 mijë. Ky është një pushtet ilegjitim i cili i ka rrënjët në kënetën e krimit dhe të trafikut. Mos mendoni që demokracitë perendimore e tolerojnë pafund korruptimin e demokracisë në vendin tonë anëtar i NATO-s.

Gjëndja e krijuar në PD është pasojë e vendimit të marrë nga SHBA dhe spostimi i fokusit mbi probleme të tjera është artific që nuk i përgjigjet realitetit!

Çdo lëvizje sado e mbeshtjellë me zhargon tjetër në thelb ofron konflikt me SHBA-të. Shumë prej atyre që po kritikojnë Bashen të cilët kanë patur karriere të gjatë më shumë seç duhet në PD, për zgjedhjen e tij të kushtëzuar dikur himnizonin çdo qëndrim a deklaratë të Ambasadës në funksion të raportit antagonist që kishin me Bashen.

Sot e injorojnë si realitet a thua se nuk ka ndodhur apo nuk ekziston qëndrimi i tyre! Në çdo debat nuk e zënë me gojë vendimin Amerikan dhe cila ishte zgjidhje për të ndërsa gjykojnë vendimin e Bashes duke u kapur tek forma dhe jo thelbi.

Mblidhen e flasin duke mos zënë me gojë vendimin ultimativ të SHBA për Sali Berishen të cilin nuk ka kellqe askush ta komentojë. Sido që na është dukur i gabuar dhe i padrejtë ai është vendimi i tyre të cilin ne nuk e negociojnë dot! Ai mund të refuzohet vetëm me koston e shndërrimit të PD në një parti antiamerikanë!

Çdo forme tjetër është hipokrizi dhe benzinë në zemërimin e Sali Berishes.

Personalisht persa me takon i jam bashkuar vonë formalisht PD paçka se prej vitesh kam mbështetur kauzat e saj opozitare dhe të së djathtës në përgjithësi, por do preferoja ta shihja përsëri veten jashtë saj nëse ajo perceptohet si antiamerikane nga vetë SHBA-të, sepse nuk mjafton ajo çka mendojmë ne për veten.

Ky nuk është nënshtrim as servilizem por interes madhor i PD dhe vendit tonë në optiken time. Përtej kësaj ndjesie jam i bindur që shumë shpejt PD do të kalojë këtë traumë dhe në sintoni me aleatet strategjikë SHBA në krye do ti japë këtij vendi ndryshimin duke e çliruar nga tirania e zgjedhjeve të vjedhura , banaliteti i korrupsionit dhe mecenati i krimit!

Dëshmia e ruses që vuajti në burgjet e Enver Hoxhës: Gjatë marrjes në pyetje, dy hetuesit, Fatos Trebeshina dhe Fejzo Aloçi, më…

17:46 Politika

Nga vettingu, zgjedhjet, presidenti dhe bordet: PS-PD po “flasin” për gjithçka

17:36 Politika

Kërkoi njohjen e Kosovës në OKB, Serbia revoltohet me Ramën

14:23 Politika

Përplasja e fortë me Bashën, reagon Agron Shehaj: Ja e vërteta e debatit dhe çfarë kërkova

14:03 Politika

Grupi i PD: S'pranojmë mbledhje online të Komisioneve Parlamentare, zbardhen porositë e Bashës për deputetët

13:19 Politika

Ndryshimet kushtetuese, Xhafaj: Nevojë për analizë të detajuar dhe gjithëpërfshirëse para zgjatjes së afatit për vetingun

13:06 Politika

Sa i sigurt është Whatsapp dhe a mund t’i lexojnë mesazhet tona?

12:46 Politika

Gazetari i nxjerr videon profesor Gjekmarkajt: Nuk e ka mbushur ende muajin si deputet dhe shikoni si sillet me median

12:18 Politika

A rrezikon të shpallet e ardhmja politike e ekstremit të djathtë që po themelon Berisha një 'organizatë terroriste'

11:55 Politika

Edi Paloka i përgjigjet Yuri Kim: Berisha është e ardhmja jonë, ai rrëzoi komunizmin dhe solli demokracinë

11:44 Politika