Te fundit
Vrasja e efektivit në Lezhë, ministri Çuçi: Saimir Hoxha do të shpallet “Dëshmor i Atdheut”
28 Shtator 2021, 20:19Kronika
TEMA
Ministri i Brendshëm, Blendi Çuçi ka reaguar sërish për ngjarjen e rëndë të ndodhur sot në Lezhë, ku humbi jetën një efektiv policie.
Çuçi në fjalën e tij u shpreh se Komisioni Qendror i Statusit “Dëshmor i Atdheut” ka nisur procedurat për shpalljen e oficerit Saimir Hoxha, “Dëshmor i Atdheut” duke i garantuar familjes së tij të gjithë vëmendjen dhe mbështetjen e dhënë me ligj të posaçëm.
Fjala e plotë e ministri Blendi Çuçi:
Jam në ketë komunikim, në një orë të pazakontë, pasi siç jeni në dijeni, paraditen e sotme në Ishull Lezhë, ra në krye të detyrës oficeri i Policisë së Shtetit, Saimir Hoxha. Nënkomisar Saimir Hoxha ishte pjesë e grupit të kontrollit të territorit, për evidentimin dhe asgjësimin e lëndëve narkotike.
Autori i ngjarjes, Aldi Rama, një i ri i dënuar më herët në fushën e narkotikëve, u neutralizua pas disa orësh rrethim nga forcat speciale të policisë.
Grupi i posaçëm hetimor, nën drejtimin e Prokurorisë po vijon hetimet intensive për zbardhjen dhe dokumentimin e gjithë detajeve të kësaj ngjarje të rëndë, që ka prekur dhe shokuar mbarë opinionin publik.
Përfitoj nga kjo dalje publike, t’u shpreh edhe njëherë ngushëllimet më të thella familjes së të ndjerit, miqve dhe kolegëve të tij.
Komisioni Qendror i Statusit “Dëshmor i Atdheut” ka nisur procedurat për shpalljen e oficerit Saimir Hoxha, “Dëshmor i Atdheut” duke i garantuar familjes së tij të gjithë vëmendjen dhe mbështetjen e dhënë me ligj të posaçëm.
Po kështu me këtë rast, inkurajoj fort gjithë trupën e Policisë së Shtetit dhe i shpreh mbështetjen time të pakufishme, dhe në emër të qeverisë shqiptare, për të vijuar me vendosmëri betejën e përditshme me krimin, i çfarëdolloji qoftë ai.
Dua të shpreh vetëm respekt e mirënjohje për të rënin në krye të detyrës, me premtimin se nuk do të ndalim asnjë moment të vëmë para drejtësisë këdo që guxon të ngrejë dorën e krimit mbi Policinë.
Ngjarje si kjo e sotmja, vërtet krijojnë dhimbje dhe indinjatë në zemrën e çdo shqiptari, por kurrsesi nuk na zmbrapsin apo dekurajojnë në luftën kundër paligjshmërisë. As mua si Ministër i Brendshëm dhe as trupën e Policisë së Shtetit.
2 komente në “Vrasja e efektivit në Lezhë, ministri Çuçi: Saimir Hoxha do të shpallet “Dëshmor i Atdheut””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ti duhesh shkarkuar sepse po merrni e qafe njerzit
povriten njerzit per ca ferra e kjo eshte skandaloze .
Dhe si do ta titulloni : Heroj i qe luftoj mes fertrash dhe ra deshmore per Kanabis.
Shtet idiotesh ,qesharak .
Ti lidhesh pension familjes po .Por me hero kjo eshte utopi
Pse kaq nxitim per ta shpallur deshmor.. ende pa u hetuar nga organet perkatese… me gjithe keqardhjen per humbjen e jetes, dua te them qe policet jane mbikqyresit dhe taksidaret e parcelave te droges… mbase kjo perplasje ka pase te beje me ndonje mosmarrveshje pazaresh… e kthyet shtetin ne pike te hallit..policia eshte vendstreha e beniamineve te politikes qe e shesin ligjin ne mes te dites sikur shesin lule dielli..ndaj ky lloj stani jete bulmet prodhon..