Te fundit
VIDEO/ Inerte ndërtimi në fshatin Ibë, policia nuk vepron
20 Tetor 2021, 13:13Sociale
TEMA
Një firmë ndërtimi është shkaktarja kryesore e krimit mjedisor që po ndodh në fshatin Ibë. Ky skandal po ndodh nën syrin e policisë dhe inspektorëve të mjedsit në dritën me diell.
Firma e ndërtimit ngarkon inerte në kantierin e saj të ndërtimit dhe me makina që nuk ndalen në asnjë moment, I shkarkon ato në Fshatin Ibë. Inertet që shikoni në video i përkasin kantierit pranë Liqenit të Thatë në Selitë (kopshtit zoologjik) njohur ndryshe si Farka.
Video amatore tregon qartë ngarkimin e inerteve në kantier dhe rrugën që ato bëjnë mes trafikut, futen në unazën e madhe dhe marrin rrugën për në Ibë një zonë turistike në të cilën firma e ndertimit shkarkon inertet e tij në mënyrë të jashtëligjshme. Prej kohësh firma e ndertimit depoziton si të dojë dhe ku të dojë pa pengesa nga shteti.
Nuk dihet se si e siguron këtë mbrojtje nga policia bashkiake dhe ajo rrugore firma e ndertimit por nje gjë është e sigurt, se kjo vepër penale po ndodh para syrit të banorëve të Tiranës dhe atyre të fshatit Ibë, ankesat e te cilëve nuk i dëgjon askush.
Megjithëse kjo vepër penale e ndotjes së ambientit dënohet nga kodi Penal 2 deri në 10 vjet, deri tani kjo kompani ka mbetur e paprekshme.
Ky skandal i dokumentuar me video është nje thirrje për organet e rendit, të cilat në këtë rast duket se janë bërë pale me këtë krim mjedisor të pandërshkuar. Nëse nuk veprohet firma e ndertimit do e kthejë shumë shpejt fshatin Ibë në një mal me plehra, i cili do mbulojë jo vetëm natyrën, por dhe banorët që kanë mbetur pa mbrojtje.
Lini një Përgjigje
Më të lexuarat
24 oret e fundit
Javen e fundit
Blog Tema
