Te fundit
“Më shumë para, ose ecni në këmbë”, kërcënimi për qytetarët e Tiranës pas përgjysmimit të urbanëve, pse argumenti i çmimit të naftës nuk qendron
19 Tetor 2021, 15:20Sociale
TEMA
Krahas çmimit të bukës,ushqimeve të ndryshme, karburantit dhe por edhe rrezikut përballë rritjes së çmimit për energjinë elektrike, shqiptarët tashmë do të duhet të përballen edhe me shtrenjtimin e kostos së transportit.
Fiks në ditën e fillimit të vitit të ri akademik, ku Tirana përmbytet nga studentët, një pjesë e madhe e tyre përdorues të autobusëve urbanë, Shoqata e Transportit Qytetas njoftoi se kanë përgjysmuar flotën e autobusëve në rrugët e kryeqytetit me argumentin se kishin kosto të larta për shkak të shtrenjtimit të naftës.
Lënia e qytetarëve në rrugë duket se po përdoret prej tyre edhe si formë presioni ndaj institucioneve përgjegjëse, ndërsa nuk dihet se rrit kostin rritja e numrit të përdoruesve të shërbimit urban në Tiranë duke filluar nga dita e djeshme.
Në një prononcim për ABC, shoqata në fjalë u shpreh se kërkojnë indeksim të çmimit të karburantit duke kërcënuar se nëse nuk merren masa, atëherë në nëntor do të operojnë më 20% të kapacitetit.
Të vetmit që e pësojnë në këtë rast janë dhjetra mijëra qyetarë të Tiranës që duhet të përballen me një arrogancë të përditshme sa herë iu duhet të shkojnë në punë apo gjetkë.
Argumenti i pronarëve të urbanëve kësaj radhe është i njëjtë: Është rritur çmimi i naftës!
Çmimi i biletës së urbanit në Tiranë u shtrenjtua nga 30 lekë në 40 lekë në dhjetor të vitit 2015. Ky vit konsiderohet si një periudhë kur çmimi i naftës kapi rekorde.
Viti nisi me një çmim rreth 180 lekë për litër dhe u mbyll me mesatarisht 170-175 lekë litër. Pra, një çmim i ngjashëm me ditët e sotme. Por nëse me çmimin e naftës në 2015, shtrenjtimi i biletës nga 30 lekë në 40 lekë plotësonte nevojat e kompanive të transportit qytetas, duket se i njëjti çmim në 2021 nuk i plotësoin më.
Pavarësisht shtrenjtimit të biletës në 2015, urbanët në Tiranë nuk rritën shërbimin ndaj qytetarëve, ku qytetarët vijuan të futeshin si sardele në autobus; në shumicën e rasteve pa kondicionerë; me orare pa orar, me shoferë të kapur tapë në timon nga policia, etj.
Duket se edhe kësaj radhe qytetarët e Tiranës janën nën kërcënimin e kompanive të transportit qytetas, të cilët në mungesë të autoritetit të institucioneve përgjegjëse gjejnë hallkën më të dobët për t’i zhvatur edhe më tepër para, klientin e tyre, qytetarin.
5 komente në ““Më shumë para, ose ecni në këmbë”, kërcënimi për qytetarët e Tiranës pas përgjysmimit të urbanëve, pse argumenti i çmimit të naftës nuk qendron”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me ata autobuze plera pa orare qe hecin si ja do qefi shoferit mos te rente halli me mire tja heqi liçencen bashkia dhe ti administroje vete linjat.
Nuk jam dakort me ket shkrim!? Duket sikur eshte shkruar nga nje zyrtar bashkiak, qe e shikon sherbimin quetes me syte e kryetarit te vet. As kryetari aktual dhe asnje i meparshem nuk kane dashur te kuptojne shqetesimet e trasportit qutetas!
E lexova konferencen e shtypit te Shktq dhe argumenti i tyre nuk ishte i plote. Veç rritjes se çmimit te karburantit, ajo qe i detyron keto subjekte te falimentojne eshte situata e veshtire financiare e krijur nga investimrt e keyera prej tyre para pandemise dhe ne vecanti mungesa e te ardhurave gjat ketyre viteve dhe akumilimi i borxheve te prapambetura per banka, karburant dhe punonjes!
Ne se qeverisja aktuale nuk merr masa per reduktimin e tatimeve dhe taksave ne keto biznese, ato jane te detyruara te falimentojne! Rritja e tarifes se sherbimit nuk eshte zgjidhje sepse qutetaret nuk do frekuentojne sherbimin ne te njeten nives si deri tani me tarifen aktuale!
Duhet centralizim i te gjitha sherbimeve te qytetareve nga bashkite e qyteteve. Duke filluar nga urbanet, plerat , riparimi rrugeve etj etj. Privati deshton se ne Shqiperi nuk ushtrohet kontroll periodik nga institucionet per aresye se gjithmone tenderat e famshem u jepen dores se tyre,…..dhe ne fund eshte qytetari qe i vuan te gjitha mungesat
Nese duan te fitojne le te investojne shum pak dhe nxjerr jasht loje armaten e madhe te fatorinove pijanec dhe te pa arsimuar…
Por ata kane shtuar kontrolloret e biletave te cilet ne cdo stacion te kontrollojne per bileta…turp turp turp..
Nuk durohet me lali Eri…mbeti thjesht nje llafazan i neveritshem….
Politika e Djallit ne Aksion
Pandemi ,
ngritje cmimesh ,
mbi Stratosfere .
Kanibalet e Politikes kan dal jashte Kontrolli .
—
Eshte momenti me rremby “armet tona” qe jane Reagimet e Fuqishme ne rrjetet sociale
Stop ! Kanibalit – Politike !