Te fundit
Mësuesi që u bë kryetar bashkie, si përfundoi në gjyq Qerim Ismailaj?
1 Nëntor 2021, 17:49Politika
TEMA
Kreu i Bashkisë së Mallakstrës, Qerim Ismailaj është marrë i pandehur nga SPAK me akuzën se fshehu një dënim në Greqi në vitin 2000. Vendimi nga prokuroria e posaçme u njoftua ditën e sotme. Por si nisi historia? Në datë 8 janar të vitit të kaluar Partia Demokratike i kërkoi prokurorisë verifikime për kryebashkiakun e Mallakastrës duke deklaruar se disponon fakte se ai rezulton i dënuar në Greqi.
“Sipas ligjit të dekriminalizimit, Qerim Ismailaj nuk mund të ushtrojë asnjë funksion publik” deklaroi atëherë sekretari i PD-së, Gazmend Bardhi duke e konsideruar Ismailajn subjekt ndalimi sipas ligjit të dekriminalizimit.
Prokuroria i ktheu përgjigje KQZ-së duke deklaruar se kryetari aktual i Bashkisë Mallakastër, Qerim Ismailaj, rezulton i dënuar në Greqi me vendim të formës së prerë të vitit 2000 për një ngjarje të ndodhur në 1999.
Kjo gjykatë e ka shpallur fajtor dhe e ka dënuar në mungesë me 3 vite burgim Ismailajn për veprën penale të “Konfliktit”/ “Përleshjes”, parashikuar nga neni 313 i Kodit Penal të Republikës së Greqisë që në Shqipëri i korrespondon veprës penale “dëmtime të tjera me dashje”, parashikuar nga neni 90/1 të Kodit Penal, e cila parashikon dënim vetëm me gjobë.
KQZ fillimisht dhe KAS më pas vlerësuan se Ismailaj nuk ishte në kushtet e ndalimit të ushtrimit të detyrës. Tashmë qytetari i parë i Mallakastrës do të gjykohet për shkak se fshehu në formularin e dekriminalizimit dënimin në Greqi.
Ismailaj pretendon se nuk ka pasur dijeni për dënimin, ndërsa shprehej se po të kishte dijeni do i kishte deklaruar sepse kjo sipas tij nuk do e kishte penguar të kandidonte për kryebashkiak. Ai theksonte se në periudhën kur pretendohet se ka dalë ky vendim ka qenë duke punuar si mësues në një shkollë në Corrush.
Në formularin e dekriminalizimit Qerim Ismailaj shkruan se ka jetuar në Mitilini të Greqisë gjatë periudhës 1998-1999. Sipas Ismailaj, ai është kthyer në Shqipëri, ku ka nisur punë si mësues në shkollën 8-vjeçare në Çorrush të Mallakastrës. Më vonë ka punuar si sekretar i Këshillit të Qarkut në Fier. Ai ka qenë edhe kryetari i Komunës Kutë në Mallakastër.(ABC)
2 komente në “Mësuesi që u bë kryetar bashkie, si përfundoi në gjyq Qerim Ismailaj?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
PD-JA E ka pasur si Paraktike Spiunimin Shantazhimin per Perfitime e ct…
PA PASUR asnje Njohje me Z.Ismailaj,”Denimi” i tije ne Greqi nuk eshte nje Denim -Krime -Veper Penale….
sepse ne Greqi,kush ka qene dhe eshte Shqipetaret jane gjithmone te Shantazhuar nga Punedhenesi dhe per mos then edhe te Poshteruar aty ky Banojne vetem dhe vetem se jane “AlLLVANOS”…larte dhe Allvanos,poshte degjon gjithandej..nje Tereme Poshterues,dhe paragjykues qe bene qe te ndihen te fyer Shqipetaret, kush me shume dhe kush me pake..
1-Nje Kusheririn time,Greket e Rrahen ne nje Billardo shume vite me pare vetem dhe vetem se ai Kishte marre Guximin te Hynte ne te,dhe pas kesaj e Arreston Policia dhe pasi Mbushen Qelite Plote i dergonin ne Kakavi…Mos valle edhe ai duhhet Te merret ne Shqyrtim nga SPURDHAKU-Shqipetare?????????
2-Turpe dhe vetem Turpe,kur shikojme se SPAKU, “Po bene Detyren ” me nivel te larte “Pergjegjesie”:::PO Heton,per nje Zenje midis nje Shqipetari ne Greqi,qe mbase z.Ismailaj nuk ka qene Fare i Pranishem,por dikushe ka dhen Emrin e tije, ne Shperblim qe te mos Denohej nga Autoritetet Greke…
@@Z.Ismailaj nuk ka Kryer Krim-SI Vrasje-Vjedhje-Dhunim…pra eshte nje Proces Civil..dhe si i tille nuk eshte Pengese per Kryerjen e Detyres si Kryebashkiak..
Kush nga Demokratet e Ballshit..Kutes apo Zorrushit e SPIUNOJ z.Ismailaj???Turpe..dhe vetem Turpe..lol
Spaku te mare te pandehur hajdutet si monika kryemadhin ilir meten ervin babalen ylli manjanin peco vasilin per byzylyket.