Berisha ka falsifikuar firmat e delegatëve? Dyshimet që nga kyçja në kasafortën e Palokës, tek alibia e sekretit të të dhënave personale

Nga Adriatik Doçi

Lufta politike mes Sali Berishës dhe Lulzim Bashës mund të zhvendoset në gjykata dhe prokurori. Kryetari i PD-së, Lulzim Basha, përmes Sekretarit të Përgjithshëm, Gazmend Bardhi, ka ngritur dyshime mbi autenticitetin e firmave të 4 200 delegatëve që Sali Berisha pretendon se ka mbledhur, me qëllim për të mbledhjen e Kuvendit Kombëtar, për të shkarkuar Bashës dhe për të rimarrë vetë drejtimin e partisë.

Dyshimet e para për mundësinë e falsifikimit të firmave nisën pasi Sali Berisha, gjatë një konference shtypi ditën e djeshme, e vuri theksin tek ruaja e identitetit të delegatëve që kanë firmosur, me alibinë e mbrojtjes së të dhënave personale.

“Do ruhet privatësia e të dhënave të formularët, se ka jo vetëm gjeneralitete, por edhe numrin e kartës së anëtarësisë dhe të identitetit”, tha Berisha. Mesazhi ishte shumë i qartë: Delegatët duhet të mbeten sekret me çdo kusht. Për të mos zbuluar identitetin e delegatëve, çka do të ekspozonte çdo manipulim të mundshëm, Berisha urdhëroi që formalët të kyçeshin “Në kasafortën e zyrës së kryetarit të Këshillit kombëtar të PD”, pra të Edi Palokës, i besuar i ‘Foltores’.

Në asnjë pikë të statutit të PD-së nuk parashikohet që kreu i Këshillit Kombëtar administron firmat për mbledhjen e Kuvendit. Kjo procedurë është sajuar nga Berisha.

Berisha shmangu sekretariatin e Partisë Demokratike për të administruar firmat, pasi sekretariati kontrollohet nga Lulzim Basha, të cilin jo vetëm nuk ia ka më besën, por Basha mund t’i çojë firmat në prokurori nëse disa nga delegatët në formularët e Berishës, mohojnë që të kenë firmosur.

Duke e ditur se kjo pikë mund t’i kthehet në bumerang, Sali Berisha u ndal më gjatë, duke shpikur një procedurë në kokën e tij, pa asnjë bazë në statut. Berisha u shpreh se “Verifikimi i mandateve sipas rregullit të çdo kuvendi bëhet dhe fiksojeni mirë, bëhet vetëm nga Kuvendi sepse vetëm Kuvendi ka të drejtën që të verifikojë mandatin e zonjës apo zotërisë së ka firmosur formularin. Unë e ftoj në foltore, madje që të mësojë, pengun kryetar e ftoj të vijë dhe në verifikimin e mandateve. Të vijë ose të sjellë grupin e tij. Dhe të shikojë se kush ka firmosur për mbajtjen e Kuvendit”.

Në këtë linjë, Berisha kërkon të mbledhë edhe Kuvendin Kombëtar, duke shmangur Bashën, i cili sipas statutit të PD-së, duhet të caktojë një komision për drejtimin e mbledhjes së Kuvendit të PD-së. Pra, Sali Berisha, sot vetëm një anëtar i PD-së, kërkon të diktojë një proces mbledhje dhe votimi në PD, duke nxjerrë jashtë loje kryetarin e partisë Lulzim Basha dhe lidershipin e tij, i zgjedhur disa muaj më parë.

Statuti i PD-së

Statuti i Partisë Demokratike nuk parashikon asgjë mbi rrugën që duhet të ndjekin firmat e ¼ të delegatëve, të cilët kërkojnë mbledhjen e Këshillit Kombëtar të PD-së. Pika 2 e nenit 43 të statutit të PD-së parashikon që “Kuvendi mund të mblidhet edhe kur e kërkojnë 1/4 e anëtarëve të PDSH-së ose 1/4 e anëtarëve të Kuvendit Kombëtar”.

Më tej thuhet se “Punimet e Kuvendit drejtohen nga një Komision i përbërë nga 5 anëtarë, i cili zgjidhet në fillim të Punimeve të tij, me propozimin e Kryetarit të Partisë”, pra me propozim të Bashës. Nuk ka asnjë parashikim tjetër për organin ku duhet të dorëzohen firmat dhe verifikimin e tyre.

Por, statuti i PD-së, në nenin 47 parashikon që Sekretari i Përgjithshëm është përgjegjës për organizimin e partisë, si dhe për funksionimin e përditshëm të saj. Ai organizon dhe ndjek zbatimin e akteve të nxjerra nga organet qendrore të partisë në degët e PDSH-së.

Pretendimi i Bashës

Lulzim Basha, përmes Sekretarit të Përgjithshëm Gazmend Bardhi, pretendon se firmat e delegatëve dorëzohen në sekretariatin e PD, pasi është i vetmi institucion që ka kapacitetet për të verifikuar mandate dhe që ka listën e anëtarësisë. Sekretariati, pasi verifikon firmat dhe del në përfundimin se janë reale, ia kalon Kryesisë. Nga ana tjetër, Kryesia e PD-së administron firmat dhe merr në shqyrtim objektin e mbledhjes së Kuvendit të PD-së. Nëse objekti i mbledhjes së Kuvendit është në përputhje me statutin e PD-së, njofton mbledhjen e Kuvendit të partisë.

Çështja drejt gjykatës

Procedua e ndjekur nga Sali Berisha për administrimin e firmave të 4 200 delegatëve të pretenduar nuk ka asnjë bazë statusore dhe është një shpikje e tij. Por, nga ana tjetër, edhe procedura pretenduar nga Lulzim Basha nuk është e shkruar në statut. Në këto kushte, zgjidhjen mund ta japë vetëm gjykata. Nëse gjykata vihet në lëvizje, zgjidhja e çështje do të zgjatej disa vite. Nga ana tjetër, nuk përjashtohet as mundësia e hyrjes në veprim të prokurorisë nëse listat mund të rrjedhin dhe nëse delegatë që kanë emrin në formular, mohojnë firmën.(Shqiptarja.com)

Gazment Bardhi “plas bombën”: Suel Çela punon për Sali Berishën! Flamur Noka është në dijeni

16:45 Politika

Gaz Bardhi zbulon emrin: Ky është ish-deputeti i PD-së që punoi për djalin e “Qifes”

15:54 Politika

“Jam rritur me fotografinë e Berishës në shtëpi”, Bardhi: Pse do i dorëzojmë karriget “Qifes” ne?

15:36 Politika

Bardhi-Nokës: Tregohuni seriozë, mjaft me histori me pengje! Këtë tollovi e ka krijuar marrëdhënia e Berishës me Amerikën

15:17 Politika

Bardhi: Berisha është vërtitur për 2 muaj dhe nuk ka depozituar asnjë firmë, po tallet me demokratët

14:52 Politika

Noka sulmon Bashën: “Pengkryetari” është ministri i 20 i qeverisë Rama! Strazimiri: Firmat verifikohen më datë 11 dhjetor

14:29 Politika

Integrimi në BE/ Ambasadori gjerman dhe ambasadorja franceze: Po punojmë që konferenca e parë ndërqeveritare të mbahet brenda presidencës sllovene

12:59 Politika

KQZ vendos për Tom Doshin

12:46 Politika

Basha mesazh Berishës pas dorëzimit të firmave: Boll harxhove kohë me betejë personale! Bashkëpunoi me Ramën për puç në PD

12:36 Politika

Ish-nënkryetari i bashkisë Durrës flet pas shkarkimit: Sako merr direktiva çdo dy ditë nga Vangjush Dako

12:23 Politika