Te fundit
Njëri duhej të kishte ikur në 25 prill, tjetri që 25 vjet më parë
21 Dhjetor 2021, 15:17Blog
TEMA
Nga Lorenc Vangjeli
Edhe e shtuna që lamë pas ishte një përplasje agjendash mes kryetarit të PD Lulzim Basha që mblodhi Kuvendin Kombëtar dhe ish-liderit Sali Berisha që bëri refendumin për tu njohur vendimet e Kuvendit Kombëtar të 11 Dhjetorit. Me këtë që po ndodh brenda forcës më të madhe opozitare, a kemi dy PD, një e tërhequr nga Berisha, një nga Basha?
Ajo që po ndodh me PD-në është rasti klasik i lojës së shifrave. Në këtë rast, dy janë shumë më pak se një. Pra, dy “PD” të reja, janë shumë më pak politikisht se PD e djeshme. Dhe nëse kujtohet cfarë të gjithë po duan ta shmangin, edhe ne ditët e saj më të mira, PD ka qenë minorancë në listat e KQZ-së përballë kundështarit të saj. Ky është një argument i thjeshtë që dy PD-të që po rajëvizohen janë thjesht shami për xhep kostumi të njërit apo tjetrit dhe aspak një kontribut i tyre për mundësinë që të sjellin demokratët në pushtet. Eshtë beteja egoiste e dy politikanëve egoistë, njëlloj të papërshtatshëm për të udhëhequr opozitën, por për arsye të ndryshme.
Ata mund të gëzojnë për pronësinë në parti, por duke e ndarë, ata e kanë vrarë pothuaj në mënyrë të pakthyeshme atë parti. Ka vetëm një udhë që mund të shmangë dezintegrimin e PD-së dhe spiralen e shkëmoqjes se saj: largimi i të dyve nga PD. Basha duhet të bëjë atë që nuk e bëri në mesnatën e 25 prillit, Berisha atë që duhet ta kishte bërë që 25 vjet më parë. Por që atëherë, në 1996-ën, ai ka marrë peng partinë dhe më të edhe Shqipërinë, sot duke e lënë Shqipërinë peng të vullnetit të Ramës, mjaftohet vetëm me partinë.
Çështja e dy Kuvendeve duket se do të përfundojë në Gjykatë, përveç anës juridike që ka rëndësinë e saj, po aspektin politik si e komentoni?
Eshtë një partiturë që të gjithë e kanë kënduar sipas veglës vetjake. Gjykata (vendimi përfundimtar mund të zgjasë edhe me shumë muaj), selia, vula, përfaqësimi zyrtar, sigla dhe flamuri, kanë vërtet një rëndësi të posaçme, por nuk është ky rasti. Çdo vendim i gjykatës nuk zgjidh asgjë në thelb. Eshtë kurë me aspirina për një sëmundje që i ka prekur trurin PD-së, është fizioterapi për shtyllën kurrizore që është prekur nga metastazat kancerogjene të urrejtjes brenda llojit.
Çdo vendim i gjykatës mund të kushtëzojë emrin e kryetarin në listë protokolli, por njëri do të ndruhet të hyjë në seli për shkak të kontestimit të militantëve, tjetri sepse do të zhgënjejë edhe militantin më të thjeshtë me “Non grata-n” për të ardhur në pushtet. Partia është shumë më shumë se kaq. Eshtë shumë më shumë se bravë dhe kyç dhe përputhje e çelësit të duhur me bravën reciproke. Partia është frymë dhe frymëzim dhe dy B-të e PD e kanë të pamundur ta bëjnë një gjë të tillë për partinë e tyre dhe aq më pak, për gjithë opozitën.
Duket se Berisha ka kapur bazën e PD-së jo vetëm në shifra pot edhe në “frymë” . A po faktorizohet ish- kryeministri Berisha, teksa ka paralajmëtuar se do të udhëheqë protestat e opozitës në vijim?
Berisha e paralajmëroi në kuvendin e stadiumit kokteilin që afron me protesta: kundër regjimit dhe me tone nacionaliste. Kundër Ramës dhe Vuçiç. Duke hequr një paralele mes tyre, ai do të synojë që protesta që dëshmon forcë, të jetë poli që tërheq të pavendosurit e PD-së. Në fakt, ky është edhe serbatori i PD-së berishiste, e cila si hap të rradhës, do te ketë nevojë për të thithur sa më shumë deputetë nga grupi parlamentar.
Kjo protestë do të transferohet e njëjtë në thelb dhe fare pak e ndryshme në formë edhe në parlament. Aty ku trekëndëshi i gojëtarëve, Rama, Berisha, Basha do të japin shfaqje orale për shqiptarët. Interesante është të shihet sesi do të sillet Rama me këtë lloj beteje, që e ka klasifikuar me kohë tek fitoret e tij, sidomos me rikthimin e Berishës në parlament. Me gjasë do tu drejtohet të dyve njëherësh duke ju thënë se duhet të ndajnë dualizmin mes tyre, me gjasë Berishës do ti përmendë non stop non grata-n, kurse Bashës do ti kujtojë frikën se mos shpallet non grata edhe tek oborri i PD-së.
Nga kjo situatë përçarje brenda PD-së, a i sjell komoditet Kryeministrit Edi Rama, apo dobësimi i fortë i opozitës zyrtare i vë përballlë Ramës një opozitar qytetar në vijim?
Raporti mes pozitës dhe opozitës është një ekuilibër dinamik që ndryshon në mënyrë reciproke. Një opozitë e dobët është një parakusht për një maxhorancë arrogante dhe anasjelltas. Në të dy rastet, një shërbesë e gabuar e politikës për shoqërinë. PD-ja sot është aseti më i madh i Ramës, i cili e di më mirë se kushdo, që opozita qytetare ndaj tij është shumë herë më e madhe se vetë PD-ja, por që për fatin e tij të mirë dhe për fatin e keq të shqiptarëve, është opozitë e papërfaqësuar, e zhurmshme vetëm në rrjete sociale dhe dhunshme vetëm me vetveten.
Pavarësisht dobësimit të Bashës si kryetar i PD-së, faktori ndërkombëtar deri tani është në mbështetje të tij. Por nëse Berisha marrë zyrtarisht PD-në, çfarë qëndrimesh pritet të ketë faktori ndërkombëtar duke marrë parasysh çështjen “non grata”?
Nuk ka direkt mbështetje ndërkombëtare për Bashën, por ka rreshtim në një front me të kundër Berishës. Së paku nga amerikanët në mënyrë direkte dhe më pak, edhe me dyzimet e evropianëve. Kushdo tjetër në vend të të dyve, do të kishte më shumë mbështetje se të dy të marrë së bashku. PD-ja me Berishën në krye do të ishte oferta më e keqe që mund t’i afrohej së nesërmes politike të vendit dhe ajo nuk do të justifikohej si përfundim, edhe pse ai mund të jetë përfundimisht mjeti i keq që shërbeu për një punë të mbarë: largimin e projektit humbës të PD-së së deritanishme.
9 komente në “Njëri duhej të kishte ikur në 25 prill, tjetri që 25 vjet më parë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
…kurse ky qe eshte kryeminister nuk duhej te vinte fare ne Shqiperi!
(Kjo tani e ben te plote titullin gjysmak te Fortmencurise tij Vangjellatus)
Shum mire eke
Luli ne Hollande
Sala ne Tropoj
Shqiperin e kan Lodhur Shum keta plera
Redaktori tre maloke e ndriten Shqiperin zogu,berisha dhe itreti i vrau bashkeluftetaret me panteren e zeze nexhmijen(RAMIZI)
Shum mire eke
Luli ne Hollande
Sala ne Tropoj
Shqiperin e kan Lodhur Shum keta plera ..
….
Zoti Vangjeli eshte nje analist i socialistes, megjithate, ne krahasim me shume te tjere te llogores se tij, ka nje si fare perpjekje per te qene, me aq sa c’mund te jete nje analist socialist, i paanshem, i vetedijshem se e drejta nuk mund te qendroje ne te njejten ane pergjithmone.
Mirepo, kete stihi anti-Berishiane, qe ka ngritur Edi Rama per t’i ardhur ne ndihme “kundershtarit” te tij te dobishem Lulzim Basha, edhe zoti Vangjeli ashtu si te gjithe analistet e socialistes e ka humbur edhe ate pak qiber te korrekteses profesionale qe mund ta kete pasur.
Argumenti kryesore, te cilit i meshojne analistet e Rames, ne mbrojtje te Bashes, eshte argumenti i ” ndarjes ne dysh” te Partise Demokratike.
Eshte nje hile shume e trashe, dhe jashtezakonisht fyese per intelektin; sepse, kjo nuk eshte e vertete. Nuk ka ndarje te PD-se ne dy pjese. Kemi nje grup deputetesh me Lulzim Bashen dhe ndoca zyrtare te tjere te PD-se, ne njeren ane, dhe te gjithe Partine me ane tjeter me Sali Berishen. Kjo eshte nje e vertete aq elementare, sa edhe nje femije kopeshti e di tashme.
E dine edhe analistet e socialistes; natyrisht qe e di edhe zoti Vangjeli. Mirepo, lind pyetja: kur e dine, pse bejne sikur nuk e dine, dhe flasin e flasin per ndarje me dysh te PD-se, per ndarjen ne dy gjysma etj etj ?!
Ja, kjo eshte pyetja qe duhet bere, per te bere me pas nje analize te vertete mbi cka po ndodh.
Lulzim Basha, te gjithe e kemi kuptuar tashme, qe do vetem seline, godinen fizike dmth, do SHQUP-in si ndertese. Po Rama me ushtrine e analisteve te tij, cfare duan ne kete mes?!
Nje mik me tha, se te vetedijshem sic jane qe Sali Berisha e ka marre tashme de fakto Partine Demokratike, keta duan vetem t’ia veshtiresojne dhe t’ia zorisin me cte munden, me cdo mjet a yckel qe mund te perdorin, politikisht, juridikisht, madje edhe forcerisht, ne kuptimin policorisht te fjales.
Kjo mund te jete si nje deshire plus, por jo arsyeja e vertete.
Gjithsesi, do te jete nje gje qe do te behet e ditur me kalimin e kohes.
Sa i perket mendimit te zotit Vangjeli, qe Berisha duhej te kishte ikur 25 vite me pare, kjo eshte nje e vertete socialiste e njohur tashme; sipas kesaj te vertete ai duhej te kishte ikur edhe 30 vite me pare, madje madje te mos kishte ardhur perfare, qe keshtu te mos kishte pse te ikte gjekundi!
25 vite me pare, i bie viti 1996 (mbase ka dashur te thote 1997), qe do te thote, 4 vite pas renies se regjimit komunist.
Aq te paduruar ishin ish-komunistet e konvertuar ne socialiste atebote, sa edhe pse kishin sunduar si zoter te padiskutueshem per gati gjysem shekulli ne Shqiperi, nuk mund te duronin dot pa pushtet, dhe keshtu kapen armet per ta rifituar edhe njehere pushtetin me gryken e pushkes, ashtu sic kishin bere gjysem shekulli me pare.
Po te kishte ikur vete Saliu, nuk do te shkonte puna deri tek gryka e pushkes. Keshtuqe, puna vajti tek gryka e pushkes!
Fajin e ka Saliu, sepse do te duhej te kishte ikur atehere…
O Llaneeee, paske mbetur ne gjume o i shkrete qe nga 2013! Ka qe atehere qe kryeminister eshte nje qe Borxhin Publik e ka realizuar 100%.
Zgjohu!
Ke shume te drejte
Rofsh o Llone
Ky Evangelis paguhet me zarfe per keto mencurira,nuk eshte pjese e listave!….