VIDEO: Dëmtuan stolat dhe hodhën flakadanë në fushë, policia arreston tifozët

Derbi i kryeqytetit mes Partizanit dhe Tiranës, përveç spektaklit në fushë, dhuroi emocione të forta edhe në tribunat e stadiumit Air Albania. Tifozeritë e të dyjave skuadrave ishin gjithë kohës shumë të përfshira në ndeshje, ndërsa herë pas here e tepruan duke qenë se nga tribunat vërshuan stola të thyer, por edhe flakadanë.

Në fund, madje pati edhe një tentativë për t’u përplasur në mesin e fushës, por u shmang falë ndërhyrjes së forcave të rendit. Ndërkohë, pas identifikimit të tifozëve problematikë, policia ka nisur edhe procedimet ndërsa ka ndaluar pesë tifozë.

Njoftimi i Policisë:
Tiranë

Ushtruan veprime të dhunshme gjatë dhe pas ndeshjes Tirana-Partizani, vihen në pranga 4 shtetas, procedohet penalisht 1 tjetër.
Specialistët për Hetimin e Krimeve në Komisariatin e Policisë Nr. 1, në vijim të veprimeve hetimore për situatën e krijuar gjatë dhe pas ndeshjes Tirana-Partizani të zhvilluar mbrëmjen e djeshme në stadiumin “Air Albania”, bënë identifikimin, shoqërimin dhe arrestimin e shtetasve, të cilët gjatë ndeshjes hodhën flakadanë në fushë dhe pas përfundimit të saj ushtruan veprime të dhunshme, duke dëmtuar stolat e stadiumit.
Nga shërbimet e Policisë u arrestuan në flagrancë shtetasit:
– A. P., 24 vjeç, për veprat penale “Goditje për shkak të detyrës”, “Veprime të dhunshme në aktivitetet sportive” dhe “Deklaratat e rreme përpara oficerit të Policisë Gjyqësore”. Ky shtetas, gjatë intervistimit nga shërbimet e Policisë, fillimisht ka pohuar se nuk ka qenë i pranishëm në stadium gjatë zhvillimit të ndeshjes, por pas këqyrjes së pamjeve filmike, ka rezultuar se ka qenë pjesmarrës dhe pasi ka hyrë në fushën ku zhvillohej ndeshja, ka goditur punonjësin e shërbimit të sigurisë;
– S. P., 19 vjeç, S. P., 28 vjeç dhe L. P., 18 vjeç, për veprën penale “Veprime të dhunshme në aktivitetet sportive”.
Gjithashtu, u procedua penalisht shtetasi Xh. Z., 25 vjeç, për veprën penale “Mosbindja ndaj urdhrit të punonjësit të policisë së rendit publik”, pasi nuk i është bindur urdhrit të punonjësit të Policisë për shoqërim.
Nga shërbimet e Policisë janë shoqëruar edhe disa shtetas të tjerë si të dyshuar se kanë kryer veprime të dhunshme gjatë aktivitetit sportiv, konkretisht: I. V.; D. I.; E. K.; H. T.; E. T.; E. L.; A. T.; M. M.; E. T.; A. M.; M. S.; R. Z.; G. A.; E. V., E. E. dhe K. Sh., të cilët pas marrjes së deklarimeve u lanë të lirë.
Këta shtetas, gjatë ndeshjes Tirana-Partizani, kanë hedhur lëndë piroteknike në fushën ku zhvillohej ndeshja dhe pas përfundimit të saj, kanë dëmtuar stolat.
Vijojnë veprimet hetimore për dokumentimin e plotë të këtij rasti, identifikimin dhe shoqërimin e personave të tjerë që kanë ushtruar veprime të dhunshme gjatë aktivitetit sportiv.
Materialet i kaluan Prokurorisë për veprime të mëtejshme.

Humbja në derbi vendos në dyshim qëndrimin e Dajës te Partizani

13:23 Sport

Tirana fiton sërish derbin e kryeqytetit përballë Partizanit

21:58 Sport

“Klering” me futbollistët, Inter hetohet për shkëmbimet e lojtarëve pa pagesë

19:11 Sport

5 milionë dollarë për sportin e të rinjve

18:57 Sport

Spektakël pa fitues në Shkodër, Kukësi zbret nga podiumi Vllazninë

18:47 Sport

Goditi me shkelma lojtarin, Kastrioti largon trajnerin Ndreu

17:00 Sport

Egnatia, nderi i Rrogozhinës: Historia, lavdia dhe prespektiva

15:07 Sport

Renditja e FIFA-s, Shqipëria e Kosova ruajnë pozicionet

14:16 Sport

VIDEO: Super goli i Nedim Bajramit kundër Milanit

21:49 Sport

Publikimi i pagave, zbulohet skandali me rrogat e futbollistëve të Superiores

19:32 Sport