Te fundit
Nga Këlliçi, Noka tek Spaho dhe Paloka: Deputetët e ‘Foltores’ që futën makina luksoze ‘pa doganë' në Shqipëri
20 Janar 2022, 17:27Politika
TEMA
Nga Adriatik Doçi
Dokumentet e siguruara nga Raport Tv tregojnë se deputetët e rreshtuar në krah të Sali Berishës, në luftën e tij për të marrë me forcë selinë e Partisë Demokratike dhe për të detyruar amerikanët t’i heqin damkën si i korruptuar, kanë futur makina luksoze në pikat kufitare, pa paguar detyrimet doganore, siç paguajnë të gjithë qytetarët shqiptarë. Shmangia e detyrimit doganor nuk është një veprimtari e paligjshme, pasi neni 17 i ligjit për statusin e deputetit parashikon që deputetit i lejohet që vetëm në një rast gjatë mandatit të tij të mos paguaj detyrim doganor për mjetet e punës, që lidhen me veprimtarinë e tij si deputet.
Por, ajo që bie në sy është fakti se që të gjithë deputetët e kanë shfrytëzuar këtë privilegj për të sjellë makina të shtrenjta nga Gjermania, Zvicra, Italia, Suedia, Anglia, Serbia, Bullgaria, Franca, SHBA, Kanada etj. Befasues është rasti i Belind Këlliçit, i cili sapo është bërë deputet, ka shfrytëzuar këtë privilegj, duke blerë një makinë BMW x5 në Kanada, ku është përjashtuar nga TVSH-ja me vlerë rreth 3.9 mijë USD. Krahas luftës në krah të Berishës, Këlliçi duket se ka menduar edhe për ta shfrytëzuar statusin e deputetit.
Po gjatë vitit 2021, ka blerë një makinë në Gjermani edhe deputeti Agron Duka. Makina tip Mercedes Benz është prodhuar pikërisht në vitin 2021, ndërsa vlera e TVSH-së së falur është 3 275 595 lekë. Në vitin 2018, deputeti Edmond Spaho, rezulton se ka futur në të njëjtën formë një makinë të re Opel Corsa, nga Gjermania, prodhim i vitit 2018. Më herët, Spaho ka blerë edhe një makinë tjetër në Gjermani, tip Mercedes Benz S400 hybrid, për 10 mijë euro.
Flamur Noka, përfaqësuesi më i zjarrtë i foltores, ka blerë në Gjermani një makinë ‘BMw’ me vlerë 40 mijë euro, gjatë mandatit 2013-2017, duke u përjashtuar nga TVSH-ja me vlerë 1 123 482 lekë. Mbështetësi tjetër i flaktë i ‘Foltores’, deputeti Edi Paloka, të cili Berisha i besoi edhe firmat e famshme të delegatëve, ka blerë një makinë në Gjermani me vlerë 28 616 euro, duke shfrytëzuar gjithashtu privilegjin e përjashtimit nga detyrimi doganor.
Deputeti Oerd Bylykbashi ka blerë një Mercedes Benz, importuar nga Gjermania, me vlerë 23 mijë euro. Ky privilegj është shfrytëzuar edhe nga ish deputetët Gent Strazimiri, Genc Pollo, Arben Imami dhe sidomos Astrit Veliaj, i cili ka blerë dy makinë me vlerë 111 mijë euro dhe 12 mijë euro.
Deputetët pranë Berishës që futën makinat pa doganë
Belind Këlliçi, makinë BMW x5 me nafte, e vitit 2017, importuar nga Kanadaja, vlera e TVSH së përjashtuar 397 219 lekë, viti 2021.
Agron Duka, makinë Mercedes Benz s500 4matic kubik 2999 cc, vit prodhimi 2021, hybrid+benzine, importuar nga Gjermania, vlera e TVSH së përjashtuar 3 275 595 lekë.
Luçiano Boçi, makinë e përdorur Range Rover Sport, vitit 2015. 2993CC, naftë, importuar nga Gjermania në vitin 2021, TVSH-ja e përjashtuar 371 948 lekë.
Edmond Spaho, makinë të re, Opel Corsa, e viti 2018, benzinë, importuar nga Gjermania në vitin 2018, TVSH-ja e përjashtuar 285 958 lekë.
Flamur Noka, makinë ‘BMW 7L’, me vlerë 40 mijë euro, importuar nga Gjermania gjatë mandatit 2013-2017, TVSH-ja e përjashtuar 1 123 482 lekë.
Edi Paloka, makinë (e përdorur) Mercedes Benz 220, vit prodhimi 2015, importuar nga Gjermania gjatë mandatit 2013-2017, me vlerë 28 616 euro.
Agron Duka, makinë Mercedes Benz GLK350, viti prodhimi 2009, 2987CC, naftë, importuar nga Gjermania, gjatë mandatit 2013-2017, blerë për 28 mijë euro.
Oerd Bylykbashi, makinë të përdorur Mercedes Benz 350CDI 4MATIC, importuar nga Gjermania, gjatë mandatit 2013-2017, blerë për 23 mijë euro.
Astrit Veliaj (ish deputet i PD-së), makinë Land Rover LG, e re, viti prodhimi 2017, sjellë nga Gjermania në vitin 2017, TVSH-ja e përjashtuar 2 997 665 lekë, blerë për 111 mijë euro. Benz R350, vit prodhimi 2007, sjellë nga SHBA, blerë për 12 mijë euro.
Genc Pollo (ish deputet i PD-së), makinë të re Ford Kuga Trend, vit prodhimi 2013, 1997 CC, naftë, importuar nga Gjermania, gjatë mandatit 2013-2017, me vlerë 22 mijë euro.
Gent Strazimi (ish deputet i PD-së), makinë të përdorur “LANCIA YPSILON”, vit prodhimi 2009, benzinë, importuar nga Zvicra, vlera e TVSH së përjashtuar 83 857 lekë.
Arben Imami (ish deputet i PD-së), makinë Volkswagen, Phaeton, vit prodhimi 2008, importuar nga Gjermania, gjatë mandatit 2013-2017, me vlerë 11 mijë euro.(Shqiptarja.com)
8 komente në “Nga Këlliçi, Noka tek Spaho dhe Paloka: Deputetët e ‘Foltores’ që futën makina luksoze ‘pa doganë’ në Shqipëri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ore Adriatik po si nuk te vjen turp qe merr neper goje baballaret e kombit,debilet qe fale “peradorise qe i prodhoi e sot kerkon ti çmontoje te ndryshkur” ,pa ata si mund e duhet te beje ky popull!Ndaj leri funderinat ne hallete e tyre se kane plot probleme,vila,makina lluksoze ,trualle pa numerin qe tere diten u zien koka e nuk bejne dot inventaret jo se nuk kane kohe por nuk dijne!Ndaj leri baballaret e kombit se ne 90 u doli garant “fabrika” e qe sot s’ka bir kurve qe ti zbrese nga kali!Lerini te qete ne hallet e tyre se u ka rene nje bare e rende mbi koke ku mendojne ç’do sekonde se si do zgjidhin hallet e ketij kodosh populli qe per vehte jeton si ne skllaveri e baballaret si sheike te koheve moderne.Rrofte demo-kra-cia !
Keta deputet plehra kane bere ligje per ti pire popullit edhe piken e fundit te gjakut.Edi Rama ne vend qe ti prishe keto ligje favorizuese per vehten e tyre do na dergoje letra pacavure per te na mare mendim .Le ti mare mendim popullit per privilegjet e ketyre plehrave dhe ta shikoj mendimin e popullit
Nje artikull pa llogjike. Ti mund te argumentosh qe privilegjet e deputeteve jane te pajustifikuara perkundrejt te varferise dhe te ardhurave buxhetore. Por eshte llogjike feminore te akuzosh deputetin pse perdition nga nje e drejte qe ia jep ligji. Mos beni artikuj partizan pa sens dhe redaksia mos botoje analiza te prolluara nga gazetari partizane.
Nje artikull pa llogjike. Ti mund te argumentosh qe privilegjet e deputeteve jane te pajustifikuara perkundrejt te varferise dhe te ardhurave buxhetore. Por eshte llogjike feminore te akuzosh deputetin pse perfition nga nje e drejte qe ia jep ligji. Mos beni artikuj partizan pa sens dhe redaksia mos botoje analiza te prolluara nga gazetari partizane se ul nivelin e vet.
Ju po flisni qe keta kane vjedhur tvsh, ndersa une them qe kane vjedhur edhe pjesen tjeter te vleres. Kalojini ne veting te zbuloni qe keta nuk bejne tjeter vec vjedhjeve. Ah… makinat i kontrolloni ne fund fare.
Ligji ju jep te drejte.Populli I ka shpirt e xhan.Edvini I do sa me te fuqishem.Merua pse leh kot?
Bravo Tiku te drejte ke, Po i ke provat direkt te SPAK … tani ca mendimi ke te na flasesh dhe per keto baballaret e kombit per keto dhjete vjetet e fundit … keta qe erdhen pa breke ne byth e ishin me qera e kredi neper banka e ua pagunin prinderit dasmat
kjo eshte me se e turpshme.Kur vjen fjala per perfitime prsonale DEPUTETET E POPULLIT te te dy kraheve bashkojne votat.kjo dhe benefitet e tjera tregon per ?????????qe tregojne per mireqenien popullit?????????