Te fundit
Serbët e Malit të Zi: Djali shqiptar me kaçurrela që u vetëshpall hero serb po na pengon të hyjmë në koalicion
7 Shkurt 2022, 18:10Rajoni
TEMA
Pas rënies së qeverisë Krivokapiç në Mal të Zi, Dritan Abazoviç shihet si një nga kandidatët e mundshëm për kryeministër. Por për partitë serbe, ai që deri tani ishte aleat, tani shihet si rivali kryesor. Milan Knezevic i Frontit Demokratik në Malin e Zi, në një prononcim për Tv Prva, tha se Abazoviç po pengon hyrjen e serbëve në koalicionin e ri.
“Dritan Abazoviç u vetëshpall hero serb, se do ta mbronte gjuhën serbe… Është ai djali me kaçurrela që u paraqit si hero kombëtar në mediat serbe.
Tani do të doja që mediat ta vërejnë se ky djali kaçurrel nuk po lejon në qeverinë e re përfaqësues politikë me origjinë serbe, sepse ai beson se ne si serbë nga Mali i Zi do ta shkatërrojmë integritetin dhe sovranitetin e saj”, tha Knezeviç, siç raporton B92.
Ndërkohë, presidenti Gjukanoviç thotë në një intervistë për DË thotë se partia e tij, PDS, i ka ofruar mbështetje qeverisë pakicë edhe pas zgjedhjeve të vitit të kaluar, duke besuar se “do të jetë shumë e rrezikshme për Malin e Zi, nëse koalicioni qeverisës bëhet kaq i varur nga nacionalizmi serbomadh”.
Gjukanoviç shprehet më tej se qeveria e deritanishme përbëhej nga tre koalicione, “njëra prej të cilave është koalicion i profilizuar qartë i Serbisë së Madhe. Ne kemi menduar, se nëse një qeveri e tillë përcakton politikën shtetërore, kjo do të ishte shumë e rrezikshme për Malin e Zi”.
2 komente në “Serbët e Malit të Zi: Djali shqiptar me kaçurrela që u vetëshpall hero serb po na pengon të hyjmë në koalicion”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mendoi qe Driton Abazoviq te foroi qeverin dhe te mos perffshij serb ne te sepse ata jane per shkaterrimin edhe pushtimin e MAlit te ZI .dhe largimin nga NATO e BE .Ndersa Abazoviq eshte per Mal te zi te pavarur sovran dhe demokratik ne NATO dhe BE .
E shanin shume komentues kur nuk pranoi aleance me partine e gjukanovicit. Tradhetar e quajten. Por ai u fut ne koalicion, diktoi pikepamjet e veta dhe u be faktor. Tani synon qeverine dhe percakton zhvillimin e vendit. Bravo!