Ekzekutimi i rapsodit dhe mikut të tij, zbulohen armët e groposura nga vëllezërit Përdoda

Gjykata e Lezhës ka lënë në fuqi masën e sigurisë “arrest me burg” për Edmond Përdodën, i akuzuar si një nga të dyshuarit e vrasjes së kryer në bashkëpunim të rapsodit Kol Murrani dhe mikut të tij Preng Simoni dy vjet më parë në Lezhë.

Përpara trupës gjykuese, Përdoda pranoi krimin e rëndë të vrasjes së dyfishtë, ku ka ndihmuar vëllain e tij dhe ka fshehura provat e krimit.

Policia ka gjetur edhe armët e krimit, dy kallashnikovë, që dyshohet se u përdorën për vrasjen e Murranit dhe Simonit.

Armët u gjetën të groposura në Lalm Lukaj dhe u zbuluan pas një përgjimi ambiental mes Edmond Përdodës dhe një familjari të tij.

Ndaj 39-vjeçarit pritet të ketë edhe një seancë për masë sigurie të dytë për akuzën e armëmbajtjes pa leje.

Edmond Përdoda ishte shpallur në kërkim për veprat penale “Vrasja në rrethana të tjera cilësuese”, kryer në bashkëpunim dhe “Armëmbajtja pa leje”.

Më herët për vrasjen e dyfishtë, është arrestuar edhe vëllai i Edmondit, Aleksandër Përdoda, si dhe një person i tretë me iniciale A.Ll.

Në 27 prill 2020, në fshatin Lalm i Ri, Lezhë, u vranë me armë zjarri Kol Murrani dhe Preng Simoni, ku autorë të ngjarjes ishin vëllezërit Aleksandër Përdoda (aktualisht në burg, i dërguar për gjykim për vrasje në rrethana cilësuese) dhe Edmond Përdoda, i cili u arrestuar tre ditë më parë nga RENEA.

Murrani dhe Simoni shkuan për të vizituar banesat e tyre të vjetra në fshatin Lalm Lukaj, por u përballën me dy vëllezërit e armatosur, të cilët dyshohet se kishin mbjellë kanabis në tokat e dy viktimave, duke pretenduar se ishin pronat e tyre.

Rapsodi i njohur Murrani dhe miku i tij u ekzekutuan me breshëri arme kallashnikovi pas debatit me vëllezërit Përdoda.

Trupat e viktimave u gjetën në pyll nga djali i Preng Simonit, që kishte dalë të kërkonte babanë me të cilin kishte humbur çdo kontakt prej orësh të tëra.

Goditja e aktivitetit të paligjshëm të lojërave të fatit, prangosen 4 qytetarë

11:32 Kronika

Përdorte të dhëna kartash bankare të vjedhura, vihet në pranga 33-vjeçarja

09:10 Kronika

Aksion i befasishëm në burgun e Rrogozhinës dhe Reçit, ja çfarë u gjet

21:49 Kronika

Adoleshentët po sulmojnë për para, studenti denoncon: M’u hodhën sipër e më rrëmbyen kuletën

21:17 Kronika

E shkuara e 47-vjeçarit të ekzekutuar në Shkodër: Nga vrasja e vëllait, te atentati i dështuar për hakmarrje

20:43 Kronika

Zbardhen detajet e para nga ekzekutimi i punonjësit të ujësjellësit në Shkodër

20:13 Kronika

Prokurorja Silvana Lule përmbysi barrën e provës për konfliktin e interesit

20:05 Kronika

U shtir si punonjës fondacioni dhe mashtroi 65-vjeçarin për t’i marrë kredi, arrestohet 23-vjeçari i shpallur në kërkim

09:39 Kronika

I dehur në timonin e autobusit me pasagjerë, kryente manovra të rrezikshme në rrugë. Arrestohet e gjobitet 57-vjeçari në Durrës

08:52 Kronika

Ishte shpallur në kërkim për largim nga banesa, policia e gjen të vdekur në mes të rrugës

21:10 Kronika