REPLIKAT/ Rama batuta me Këlliçin: Unë jam kalë race, të mbaj ty gjithë ditën në krah e bëj dhe ndonjë punë tjetër

Deputeti Belind Këlliçi, gjatë punës në Komisionin Hetimor për Inceneratorët, ka publikuar një dokument ku pretendon se kryebashkiaku Erion Veliaj ka dhënë mendim për dhënien e konçensionit të impiantit në kryeqytet për shfrytëzim për 30 vite.

Sipas deputetit demokrat, bashkëlidhur kësaj shkrese është dhe një tabelë me shpenzime, ku sipas Këlliçit, është plani i angazhimit financiar për sasinë minimale të mbetjeve të trajtuara në landfillin e Sharrës me një kosto prej 240 mln eurosh.

Gjatë këtij diskutimi, Këlliçi tha se nuk do që ta ngarkojë kryeministrin Rama me shumë shkresa dhe akte, ç’ka ka sjellë reagim me batuta nga kreu i qeverisë.

Rama thotë se është i aftë ta mbajë në “krah” deputetin, të kthejë përgjigje dhe të merret me punë të tjera në të njëjtëjn kohë.

Rama: Dëgjo si funksionon. Është kënaqësia ime që me këtë rast, për publikun të kuptosh si funksionon qeveria. Çfarë firmos kryeministri. Është në tavolinë pasi është bërë i gjithë diskutimi. Është rënë dakord, është thënë si do arrihet. U vendosën të gjitha këto, në momentin që fillon procesi, janë totalisht gjëra të tjera. Unë firmos, më vijnë të gjitha ato dosjet. Firma ime është zinxhiri i fundit. Unë nuk hyj në detaje të natyrës juridike, nuk janë të mia. Drama e madhe që bëhet këtu. Janë një grup njerëzish që nuk i kanë këto. Unë nuk kam arsye të ushqejë analfabetizmin juridik.

Këlliçi: Nga këto 4 muaj që ne kemi këtu në këtë komision duke shqyrtuar dokumentacione të ndryshme, më ishte krijuar ideja që ju nuk keni pasur vendimarrje personale. Por ju luanit politikën e madhe. Unë dua t’i kthehem vendimit që i keni dhënë 8 pikë bonus kësaj kompanie. Kjo është shkresa e 2017 e kryetarit të Bashkisë së Tiranës, tek faqja e dytë është 240 mln euro. Është e shkruar, plan ii angazhimit financiar për sasinë minimale të mbetjeve të trajtuara në landfillin e Sharrës.

Financimi vjen në euro nga Bashkia e Tiranës dhe qeveria. Zëvendëskryeministri e konsideroi si një transfertë, ndërkohë që në debatin që patëm, unë e konsideroj si një pagesë disponueshmërie dhe si një detyrim të shtetit shqiptar për të marrë një angazhim. Nëse nuk paguhet një detyrim i tillë, ka një penallti për pagesën e 1% nëse nuk respektohen pagesat. E ka futur Bashkinë e Tiranës në një angazhim pagesash për 30 vite.

Rama: Është një pyetje që duhet ta diskutonit me kryetarin e Bashkisë. Kjo faqja e dytë duhet verifikuar sa autoentike është. Por zëre se po e marrim të mirëqenë. Tani, edhe sikur të jetë ky rasti që ka një gjë të tillë, sëpari ka një diskordancë domethënëse, pasi nuk çohet kurrë një shkresë angazhimi në parim, me një shkresë tjetër nga prapa që ka shifra, ku në shkresën në parim, nuk thuhet asgjë. Në çdo shkresë, që e di çdo sekretari thuhet, në përgjigje të shkresës… ju bëj me dije se Bashkia e Tiranës shprehet parimisht dakord. Kjo nuk e përmban faqen. Kjo është një shkresë tjetër.

Po të them që kryetari i Bashkisë ka firmosur një shkresë në parim. Nuk ka asgjë. Kam firmosur unë plotë të tilla. Nuk ka këtu të thotë sipas shkresës së bashkisë. Shkresa është lidhur prapa, për arsye propaganda, nuk e di. Kjo shkresë nuk ka pikën e vlerës në aspektin kontraktual, me vlerë zero. Letra është në mars, kontrata nuk është në mars, por në gusht. Këtu nuk kemi asnjë lloj problemi. Ka një gjë, në këndvështrimin tim e rëndësishme është pasoja. Pasoja është pastrimi i Tiranës.

Këlliçi: Ajo shkresë që më bën përshtypje se ju dhanë faqen e parë. E ka pranuar Erion Veliaj dje. Ju thoni që ajo shkresë e marsit, nuk ka pasoja financiare. Por Ahmetaj tha në këtë komision që qeveria në asnjë moment nuk ka pasur kërkesë për mbështetje buxhetore. Ajo shkresa ka prodhuar një VKM me firmën tuaj. Me numër 320, 31/5/2018 për përdorimin e fondeve buxhetore për financimin e institucioneve të qeverive vendore. Vendosni përdorimin e fondeve të vitit 2018. Ajo tabelë e bashkëlidhur shkresës së Erion Veliajt, është identike me tabelën e parashikimeve financiare që ka dorëzuar kompania.

Rama: Çfarë date është shkresa e Erion Veliajt. 31/5/2018, është një vit pas. Është një vit e kusur prapa. Po fillove me këto, unë të mbaj ty në krah, bëj punët dhe të kthej dhe përgjigjet. Leji tani, unë jam racë kali tjetër. Të mbaj në krah, të jap përgjigje bëj dhe një punë tjetër.

Plan për të helmuar të penduarin e drejtësisë Luftar Reçi për 100 mijë euro, në burgun e Drenovës: Përfshiu Shullazin e Berishën si grup kriminal

17:47 Politika

Këlliçi publikon videon, Rama: Nuk i njoh Zoton dhe Gugallen, nuk shoh çdo njeri mbrapa

17:50 Politika

Firma e kryeministrit në draft-kontratë, Rama: Nuk kam parë asnjëherë fletore zyrtare dhe nuk më intereson fare

17:21 Politika

“U bë si Big Brother kjo seancë”, Rama: Kam ankth, hiqni dorë nga 430 milionshi i inceneratorëve

17:02 Politika

Ukraina shpall gjendjen e jashtëzakonshme, Putin paralajmëron lëshimin e raketave balistike

16:48 Politika

"Dy ministra në burg nuk është çështje krenarie, a duhet të jepni dorëheqjen?", Rama-Tabakut: Po ju a jeni krenar me Sali Berishën 'non grata'?

15:41 Politika

Damian Gjiknuri padit Orjola Pampurin për shpifje: Çmontimi dje i shpifjeve në Komision, detyroi Lulin të nxjerrë sot folësen e radhës për fabrikuar gënjeshtra

15:36 Politika

Rama i përmendi emrin, reagon Topalli: Zoti dëshmitar po të isha unë në opozitë, s’do kishte histori me inceneratorët

15:28 Politika 3 komente

VENDIMI: 17 vite burg për Francesco Becchettin, dënohet dhe mamaja dhe bashkëpunëtorët e tij

15:15 Politika

Rama-Tabakut: Jam krenar për Saimir Tahirin… Ju hodhët poshtë “Kreshnikun e madh”, Sali Berishën! Kujdes me Lulin

14:58 Politika