Ukraina kërkon ndërhyrjen e Agjencisë së Energjisë Atomike dhe NATO-s, jetët e evropianëve në rrezik

Ministri i Energjisë i Ukrainës, Herman Galushchenko, zhvilloi një bisedë telefonike “urgjente” me homologen e tij amerikane, Jennifer Granholm.

Kjo pas situatës në termocentralin bërthamor Zaporizhzhia. Zjarri në objekt shpërtheu në orët e para të mëngjesit të së premtes dhe është shuar duke mos lejuar shkaktimin e viktimave.

“Armiku nuk është i shqetësuar për sigurinë bërthamore dhe rrezatuese”,  tha Galushchenko.

Ai shtoi se Rusia ishte “indiferente ndaj jetëve njerëzore të ukrainasve, evropianëve dhe qytetarëve të tyre”.

“Ne jemi përpjekur t’ia përcjellim këtë mesazh Agjencisë Ndërkombëtare të Energjisë Atomike për disa ditë. Ne kërkuam ndërhyrjen e kësaj organizate ndërkombëtare dhe vendime të ashpra në lidhje me agresorin. Por ata nuk janë ende atje”, tha Galushchenko.

Nga ana tjetër, udhëheqësit botërorë kanë dënuar sulmin rus në centralin bërthamor.

Ata e kanë akuzuar Rusinë se po rrezikon sigurinë e një kontinenti të tërë.

Kryeministri i Mbretërisë së Bashkuar Boris Jonson tha se sulmi “i pamatur” i Rusisë mund të “kërcënojë drejtpërdrejt sigurinë e të gjithë Evropës”.

Presidenti i SHBA-ve, Joe Biden, i kërkoi Moskës të ndalojë aktivitetet e saj ushtarake rreth zonës, ndërsa kryeministri kanadez, Justin Trudeau, tha se “sulmet e tmerrshme” nga Rusia “duhet të pushojnë menjëherë”.

Trupat ruse arritën të marrin kontrollin e centralit bërthamor më të madh në Evropë, Zaporizhzhia, pas sulmit që bënë në orët e para të së premtes.

Lajmi është konfirmuar nga autoritetet ukrainase.

“Personeli operativ po monitoron gjendjen e njësive të energjisë”, tha një autoritet lokal në mediat sociale, cituar nga agjencia e lajmeve Reuters.

Personeli i stacionit vazhdon të punojë dhe të monitorojë gjendjen e njësive të energjisë, tha ai.

Misteri i madh: Ku shkoi forca e fuqishme ajrore ruse?

22:00 Politika

Lufta në Ukrainë: Vritet nga një snajper gjenerali rus Andrei Sukhovetskiy

20:30 Politika

Nje projdie… slava Ukraini – vendi ku rrëzohen mitet…

20:09 Politika

Radiografia e idhujtarëve shqiptarë të Vladimir Putinit

19:40 Politika

Moti rrezikon zgjedhjet e pjesshme lokale në 3 njësi të Shkodrës

19:32 Politika

FOTOT: Laboratori i epokës sovjetikës, ku Putin mban armë biologjike

18:53 Politika

“Rusët dhe ukrainasit janë një popull”, Putin: Ukrainasit janë kërcënuar dhe u është bërë lavazh truri

18:25 Politika

Ambasadori i Bashkimit Europian në Shqipëri, Luigi Soreca merr detyrën e re

18:01 Politika

Brenda rrethit të ngushtë të Vladimir Putin

17:24 Politika

Ja se si mund të rrëzohet Vladimir Putin!

16:29 Politika