Te fundit
Muli ngushëllon Luçianon për sherrin në Elbasan
8 Maj 2025, 18:56Antena
TEMA
Dje në Elbasan, ndërkohë që po fliste ndihmësi i LaCivitës në mitingun e PD-së, shpërtheu një sherr masiv.
Një tufë të rinjsh iu turrën djalit të Luçiano Boçit duke i shkaktuar fraktura të rënda.
Arsyeja, sipas familjarëve, është politike dhe mesa duket ka të bëjë me preferencat brenda kandidatëve të PD-së në listat e hapura.
Muli, i shqetësuar nga kjo situatë, thirri me urgjencë Lelon se si të reagonte.
– I ka frymëzuar Tomorri, tha Lelo.
Ai tha që do t’i hajë të gjallë këta socialistët, dhe këta tanët e kanë marrë të mirëqenë për çdo kundërshtar – edhe ata brenda partisë. Na hapi punë tani!
– Mendoj se duhet të qetësosh Luçianon, tha Muli, se do shpërqendrohet nga Shkodra dhe do na krijojë boshllëqe dhe aty.
Luçiano çelësin e suksesit e ka pasur te rrahja, tha Muli.
Më 2021 doli mirë se rrahu Lucën dhe e mbrojti Doktori.
Tani ne prisnim të rrihej Toma në Shkodër, por nuk po ndodh gjë akoma.
Në vend të tij na u rrah djali i tij në Elbasan.
– Epo, këtu është problem, tha Lelo.
Tani ndjehet i humbur dhe në Elbasan dhe në Shkodër.
Dhe mund të mos përmbahet këto ditë e të bëjë ndonjë rrahje tjetër.
– Ishalla rreh Benet Becin, tha Muli. Se Tomën vështirë e ka.
Me Benetin na bën punë, se edhe është i butë, nuk të kthen dorë, dhe u japim zemër atyre tanëve.
– Nuk e di, por rrahja del me rrahje, tha Lelo.
Këto tre ditë që na kanë mbetur duhet të jemi vigjilentë.
Ose rreh Gazi, Zegjinenë, ose rreh Luçiano, Benetin, ose djali i Luçianos ha të gjallë Tomorrin.
Nuk ndahet pa gjak kjo punë.
Më të lexuarat
24 oret e fundit
Javen e fundit
Blog Tema
Lini një Përgjigje