Te fundit
Atdheu i sëmurë i doktor Saliut
4 Maj 2022, 17:56Blog
TEMA
Nga Reldar Dedaj
Prej tre dekadash çdo shqiptar ka dy atdhe, ai i kohës së Berishës dhe tjetri, i joni, secili nga tridhjetë e ca vjeç. Njëri është ngrehaluc, tjetri është i mpirë, njëri është i dhunshëm, tjetri është i butë, njëri është i zhurmshëm, tjetri është i heshtur. Njëri është halabak, katil, i frikshëm dhe i dhjerë, tjetri është i mefshtë, i tulatur, moskokëçarës dhe snob.
Atdheu i doktorit nuk duhej të ishte kështu, por fatkeqësisht është zhytur në mashtrim, në një erozion të paparë moral, si kurrë më parë, atdheu i tij është bërë gjenerator i gënjeshtrës dhe mashtrimit, pasi të gjithë gënjejnë dhe të gjithë janë viktima të gënjeshtrës; të gjithë mashtrojnë dhe njëkohësisht janë viktima të mashtrimit.
Janë të përshtatshëm për karrierë, sepse, duke qenë pa vlera, bëhen poltronë, militant partiakë, shërbëtorë pa dinjitet. Zënë pozita vendimmarrëse dhe marrin pushtet. Ka qenë gjithmonë në natyrën e gënjeshtarëve dhe mashtruesve që të synojnë ngjitjen e shpejtë në hierarkinë politike. Tani nuk të lënë vend askund; janë gjithandej të pranishëm, janë bërë shumicë dhe i mbrojnë interesat e tyre, në instucione të shtetit, në media, gjithkund.
Shqipëria, në veçanti Partia Demokratike, arriti të shkëputej më në fund nga atdheu i doktorit, por tashmë askush nuk e çan kokën për vlerën e kësaj pavarësie, sepse ajo është zhgënjyese deri në pendesë. Ata që e mbrojtën me zell divorcin me të, ishin pushtetarë të tij, por pushteti i tyre u shndërrua në hedonizëm dhe përfitim. Vetë ata, me sjelljen e tyre arriviste, krijuan modelin më të shëmtuar të politikanit. Rruga nga ata tek banditët në Shqipëri u bë tepër e shkurtër.
Atdheu i doktorit është një Shqipëri e pastabilizuar, me qeverisje të keqe dhe me institucione të paqëndrueshme, me kriminalitet dhe korrupsion të frikshëm, me parti politike që flirtojnë me krimin e organizuar, një atdhe me qytetarë të zhgënjyer dhe me kriza të mëdha sociale dhe politike.
Atdheu i doktorit instaloi nëpër institucione grupe të interesit, klane, banda, herë me emra të partive politike, herë pa to. Nëpër institucionet e shtetit vërshoi edhe një provincë rurale, me këmbët me bajga, që deri para pak kohësh e bënin nevojën pas gardhit. Por që të gjithë kishin emërues të përbashkët zhvatjen, nepotizmin, korrupsionin dhe krimin e organizuar. Në interes të këtyre bandave bëmë edhe ligjet.
Ne nuk harrojmë…
Atdheu i doktorit bëri edhe një numër mediash dhe i fuqizoi ato me donacione dhe privatizime të objekteve shtetërore. Të gjitha përfunduan në lakej të zgjebosur, që u vardisen partive në pushtet dhe bizneseve të lidhura me to, përpiqen të promovojnë ditë e natë pronarët e tyre, interesat e tyre politike dhe ekonomike. Analistët e këtyre mediave janë bërë kallauzë që dinë gjithçka dhe nuk dinë asgjë. Vrasin pamëshirshëm lirinë e mendimit, profesionalizmin, dijen dhe kulturën. Dhe qytetarinë. Promovojnë mediokritet, kurrë pa ia ndalë. Edhe eurozion moral.
Atdheu i doktorit gjendet pa shpresë, i dergjur në shtratin e vdekjes dhe sado ta zbukurojë me shalët e Florianës, me telenovelat e Sandrit të Klanit dhe t’i japë sa të dojë energji nga RedBulli i Gimçes së Ritvanit dhe në daç ta fshehë tek manekinat e bukura të TEG-ut, prapseprap nuk ka shpresë. Le ta marrë sa të dojë Armina me Xenin dhe ta shëtisë nëpër pasarelat e Parisit apo Milanos, përsëri atdheu i doktorit i plakur dhe i shëmtuar do të duket.
Ndërkaq, nëse mendoni se, kohët e fundit, keni bërë depërtim të rëndësishëm në Shqipëri, se keni fituar hapësirë dhe keni krijuar ambient ideologjik më shumë se çdo herë tjetër, përsëri e keni gabim. Nga pikëpamja e votave, PD është aty ku ka qenë, as më pak as më shumë e devotshme. Votat e marra në këto zgjedhje nga koalicioni “Shtëpia e Lirisë” nuk kanë ndryshuar asgjë për demokratët, përveç se kanë shtuar hamendësimet, dilemat, gënjeshtrat, retorikën dhe propagandën.
Pra, ju, doktor, nëse pandehni se e këni bërë tashmë Shqipërinë atdheun tuaj, mos e harroni kundërshtimin tonë, sot dhe për tërë jetën.
11 Komente
Lini një Përgjigje
Më të lexuarat
24 oret e fundit
Javen e fundit
Blog Tema
hallall e verteta dhemb.
Bravo,shkrim brilant.Meriton noten 10 me yll. Shprehje shume te goditura,si ajo e atyre ruraleve qe vijn me kembet me balga dhe qe dhjesin pas gadhit.....Apo zbukurimi i atdheut te Berishes me shalet e Florjan Garbes. etj etj..Shkelqyeshem.Respekt.
Varet sa me paguajne, por Jo me pak se 700!
Excellent bouche B . Me le pa fjale pene te arte suksese
Atdheu i daktorr mutit eshte Haleja e Kombit
Shme e vertete per atdheun e Doktorit, por jo e verteta per Doktorin. E verteta per Doktorin eshte shume me e thelle. Ai do kish dale ne pension dhe do e linte atdheun te ecte ne rrugen e atdheut te "dyte", por nuk mundet. Ai do deshironte te dilte ne pension dhe te gezonte pleqerine. Ai nu ka mundesi te dije se sa e "kendeshme" eshte qe nipi ose mbesa te te " mesojne" per kete atdhe te dyte. Jo se nuk do, por nuk e lene! Doktori nuk eshte budalla, por ashtu ja do puna. Puna ja do jo per vehte, por pikerisht per mbesat dhe niperit e vet. Per djalin dhe nusen e djalit, ai nuk mund te terhiqet dot. Ai gaboi kur ishte i ri dhe u be spiun i serbit. Me kote thone se ai eshte dhendur i serbit. Kjo eshte e vertetet, por ai u be spiun jo sepse ishte dhender, por ne brendesine e tij gjaku serb i therriste. I mesuar me inferioritetn ndaj serbit, ai u lith qe i ri , por gaboi. Tashme qe eshte bere plake dhe eshte bere i zgjuar, nuk mundet te ndryshoje dot te kaluaren. Ai eshte i detyruar te ece ne rrugen e felliqur dhe tere mencurine e tij prej nje plaku plot me eksperience ne rrugen e tij plot "gunga", po e perqendron ne mbijetesen e tij dhe nuk kupton se ka ardhur koha te dale ne pension. Une e di qe ate nuk e lene, sepse spiunet nuk kane moshe. Ata punojne deri ne vdekje, por Sali Berisha duhet qe te thote mjaft. Mjafte me! Duke bere kete ai do lironte edhe energjite e familjes se tij te gezojne jeten normale. Ai nuk eshte me i zoti te vendose, megjithese eshte plak i mencur. I mencur por ne rrugen e djallit, eshte bere djall edhe per femijet e vet, qe nuk do gjejne vend te qetesohen ne kete bote modeste. Saliu i perket hapsirave te galaksise!
shum sakt. ky ishte dhurata ne formen e nje halabaku qe i'u ngjit padrejteshisht dhjetori 90 dhe ne akoma i marim ere qe ka kjo lloj krijese. me siguri qe ne nuk duhet te kemi shume vlera dhe vyrtyte si popull perderisa e mbajm dhe kultivojm akoma lloin e tij.
Ne deren e shuedhit( ose idioteve) trokit sa te duash, askushh nuk te degjon. Nje gabim ke... ne muterzimin e karakterit te shqiptarit nuk ka faj vetem Doktori.... besoj ta dish ose ndjesh. ... nese nuk e di apo ndjen, ke probleme me syte.
doktori ka per Atdhe, Atdheun e gruas se tij, per te miren e ta cilit ka punuar gjithe jeten
NJE SHKRIM I PA LEXUAR ME PARE ,DY SHQIPERI E MAMUNEVE DHE E NJERZVE PUNTORE TE VUAJTUR ,DERMUAR NGA ANARSHIA E ANARSHISTIT SB KRY KRIMINEL.
Titulli duhej te ishte " I semuri i pasherueshem i Atdheut tone" , sepse ai nuk e quan "Atdhe" ate vend qe po e mban peng qe prej 30 vjetesh , qe e ka djegur ,vjedhur,shitur,vrare .