Te fundit
Delvina ime u dogj!
14 Gusht 2025, 14:40Blog
Nga Rudina Xhunga
Rudina, u dogj Delvina e bukur, më thotë Vera, kur e telefonoj ta pyes si është. Vera Çeço ka 50 vjet që mbledh bimë nëpër male. Zonja e bimëve magjike e quajta në emisionin që xhirova për të në Delvinë. Nuk kam parë kurrë zjarr të tillë, thotë. Kurrë. Dhe ti e di që nuk kam lënë mal pa u ngjitur. Nisi në Syrin e Kaltër. Atje ka lagështi toka, nuk merr dot zjarr. Pastaj nisi një erë papritur dhe për dy orë u dogjëm. Delvina e bukur u dogj, thotë Vera në lot. Po ti, i them, si je ti? Bimët e tua. Magazina e madhe plot thasë me çajra.
– Jo, për fat, thotë. Kemi hapur një pus në oborr dhe në tre kate ka sistem fikës zjarri. Dje ndenjëm në punë, merr ujë e lag vendin. Edhe sot. Ndaj shpëtuam. Po të tjerët jo. Njerëz që tërhiqnin bagëtinë e ec e qaj, me flaket pas, si në fotot kur lanë Çamërinë, moj Rudina.
Një dorë e zezë e ka bërë. Nuk ka rënë kurrë zjarr këtu. Këto male i njoh mirë. U dogjën ullinj 100-vjeçarë. Si thua ti, jetuan ato 100 vite? Njerëzit hidhnin ujë, por nuk ia dilnin dot. Zjarrfikësit ishin aty, por ku të futesh? Nuk futesh dot në ato shtëpi, moj bijë, që janë bërë parcela-parcela. Nuk di si i futën makinat, si u hodhën vetë, si nuk kishin frikë. Djem nënash janë. Pastaj shumica u përqendrua te nafta. Flaka po shkonte atje. Mori lagjet. Ato lagjet e bukura nuk janë më. Delvina u bë shkrumb. Delvina e bukur, u dogj – thotë Vera dhe nuk pranon që ishte vetëm flaka e gushtit të nxehtë. Erdhi nga Syri i Kaltër dhe qe dorë e zezë, thote ajo.
– Rudina, po ti ku je, – më thotë pastaj, sikur kujtohet. – Je në Tiranë? Të të çoj me postë çajrat e rinj, se i kam bërë gati.
Aty më kap mua ngashërima pastaj.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kush vuri zjarret u djegte me kuc e me mac e mos i ngelte fare ne dere. Duket qarte qe shumica e zjarreve ne te njejten kohe nga veriu ne jug jane te qellimshme.
Po a do digjej Delvina sikur ju gazetaret mos ti lepinit menderen Rames por ta vinit me shpatulla per muri gjithe keto vite per mungesen e investimit me pajisje per fikjen e zjarreve? A turperoheni ndopak sot? Ju jeni po aq fajtore sa Rama per kete situate ku eshte vendi.
O Zot mbaja doren te ligut dhe jepi denimin qe meritojne , perbindeshat e qelbur !
Kesaj i thone Delvina digjet e Rudina na prallis!
Po patronazhistwt çbenin? Ku ishin? Ke ruanin ata? Ruanin ripjelljet PS e PD nga populli?