Te fundit
Fija e fundit e kashtës së Berishës
6 Qershor 2023, 11:15Blog
TEMA
Nga Ergys Mërtiri
Megjithëse ka më shumë se një vit pa kryetar, dhe kjo u pa qartë që e çoi PD-në në degradim, një grup deputetësh të saj po kërkojnë ta shtyjnë edhe një vit tjetër deri në zgjedhjen e kryetarit të ri. Mund të duket për të qeshur, por kjo është e vërtetetë. Në funksion të këtij qëllimi, ata shpikin lloj-lloj budallëqesh të markuara me emra mistikë si “triumvirat”, “regjencë” apo “federalizëm”. Budallëku është një mënyrë për të maskuar shejtallëkun dhe vobektësinë politike, ndërsa termat nga fjalori politik i dështimeve historike, janë një mënyrë për të maskuar budallëkun e nevojshëm. Njëra maskë mbulon tjetrën, të dyja mbulojnë fytyrën.
Nëpërmjet akrobacive të tilla të trasha ata po kërkojnë “të fitojnë kohë” deri në zgjedhjen e kryetarit të ri, ndonëse në fakt, me këtë oposion ata vetëm po tentojnë ti dhurojnë kohë Berishës të marrë veten nga katastrofa, për të vazhduar pengmarrjen e opozitës dhe për rrjedhojë edhe agoninë e saj pa mbarim.
Pse e bëjnë këtë?
Duke qenë pa peshë politike, shumica prej tyre, të frustruar nga sulmet e foltores, janë përpjekur të luajnë me dy porta duke u kacavjerrë me një dorë në njërin kamp e një dorë në tjetrin. Në këtë mënyrë ata kanë shpresuar se, në rastin që njëra degë thyhet, ata do mund të hidhen plotësisht në degën tjetër. Mirëpo, siç është e kuptueshme të ndodhë, në këtë mënyrë ata vetëm i kanë humbur të dyja mundësitë. Ata nuk kanë mbështetje tashmë as në PD-në zyrtare as në foltore.
Ka vetëm një skenar që mund t’iu japë atyre një rol për të mbetur në politikë. Ata shpresojnë se tashë që u pa qartë se Berisha nuk mund të ketë një të ardhme, ai do tërhiqet nga kreu i grupit të vet, duke zgjedhur një kryetar kukull, nëpërmjet të cilit do të mund të bashkojë dy pjesët dhe të kontrollojë gjithçka nga paskuintave. Roli i tyre është pikërisht që të shtyjnë përpara një proces të tillë bashkimi me hile, ku me bashkim kuptohet kapja e njërës palë nga tjetra.
Në fakt, Berisha tashmë e ka humbur mundësinë për të pasur aksion politik. Në një vit e gjysëm ai u përpoq me shpirt ndër dhëmbë të prodhojë iluzionin se do ringrejë opozitën për të rrëzuar qeverinë. Ia doli, në fakt, vetëm të mbajë ndezur përçarjen e brendshme, si e vetmja mundësi që ai të mbesë gjallë. Megjithë median e vet që funskionon si togë pushkatimi ndaj rivalëve të brendshëm, megjithë përkrahjen e fuqishme të medias së oligarkisë, megjithë armatën e analistëve, portaleve apo memexhinjve që u rekrutuan fuqishën në krah të tij në këtë stinë “të begatë” mercenarizmi, premtimi i tij për përmbysje revolucionare doli një fiasko qesharake. Por ndërkohë ai ia doli të kapë një pjesë të mirë të partisë duke përfituar nga mungesa e lidershipit dhe nga përçarja e brendshme që ai vetë gatoi në kampin kundërshtar.
Në këto kushte ai arriti të imponohet duke e eskpozuar veten si e vetmja opozitë kundër Ramës, për ti detyruar votuesit të jenë në krah të tij, të kushtëzuar nga mungesa e alternativave opozitare. E megjithatë dështoi në mënyën më spektakolare që një opozitë ka dështuar ndonjëherë, çfarë ia ka rrëzuar tashmë të gjitha alibitë.
Sigurisht, gjithçka ka qenë e ditur dhe me plan. Berisha ka qenë i qartë që nuk do të mund ta ngrejë dot popullin në mosbindje civile, dhe se rezultati i zgjedhjeve do të ishte i keq. Por ai do kish shtënë ndërkohë në dorë partinë për të mos e lëshuar më kurrë.
Ky plan u pengua nga rezistenca e grupit të PD-së zyrtare që nuk u dorëzua përballë presioneve të vazhdueshme prej më shumë se një viti. E vetmja shpresë e Berishës është tashmë përçarja brenda kampit kundërshtar. Shpresa e tij e fundit është që PD-ja zyrtare të mbesë edhe nja një vit pa kryetar, në mënyrë që ai ta brejë pak e nga pak për ta shtënë në dorë plotësisht. Kjo në fakt është vetëm fija e fundit e kashtës.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ore teveqel ju qe flisni per Berishen keni dale pas Arlind qorrit ne Tirane! Ai pa vule pa sigel pa emer ne flete te votimit doli i dyti kurse ju te katertit po normal qe do flisni se nuk ju ka ngel nje fije turp!
O Dash, is i dyti si fundit njesoj jane, asgje nuk fitojne... Budallalleku nuk ka brire, po ti paske ama...
Sigël,emër në fletë votimi? Kur ka pasur ndonjëherë nevojë Sali Berisha për këto!??A nuk doli në zgjedhjet e 6 marsit pa sigël dhe fitoi në Shkodër! Mjaft gënjyet veten, Sali Berisha nuk fiton dot më kurrë zgjedhjet në Shqipëri ! Të paktën deri në vdekjen e tij biologjike,se më pas po u shënjtërua nga "Kisha Barbare e Bathores ",edhe mund të ndodhë ndonjë " mrekulli"!( Ka thënë se ata,lindin e vdesin me emrin e tij në gojë- domethënë njëfarë procesi shenjtërimi do ndodhë!). Shikoni çfarë po bën. Po denoncon " vjedhjen e zgjedhjeve" ! Fiks si më 2001, kur nisur nga Dushku i qeverisë Nano,nga përçarja e PS me lindje të LSI dhe nga ndërkombëtarët që e përkrahën,ja prishi mëndjen Nanos ti jepte fillimisht presidentin e më pas t'i lëshonte pushtetin. Sot nuk ka më Dushk( këmbëngulja për manipulim votash do e bëjë edhe më qesharak Saliun),nuk ka më ndarje të ndonjë grupi nga PS (ndarja i ngjau PD),nuk ka më ndërkombëtarë( ka vetëm vetëm Richard bythën Grenel dhe Alfred bythën Lela,edhe Evi Kokalari e braktisi),nuk ka më Nano kumarxhiu ( Rama do t'a shohë të pjekur Sali malokun jo ti japë pushtetin), dhe Saliu është 80 vjeç. Si do e merrni pushtetin ?! Vazhdoni të vuani ju, tani e tutje jeni subjekt tallje dhe humori...
Bravo z. Mertiri. I ke rene pikes.
Kryetar kukull qe do Berisha eshte b...q Gazmend Bardhi.
Ky Mertiri,ky kokepalari, ky qe i ka shpall lufte sapunit ka ohe qe merr rroge te kunati.
Analizat e Z.Mertirit jane shume te sakta.Per ne Z.Ergys Mertiri duhet te jete deputet i partise Drmokratike.
si nuk u la njehere ky psianjos po letyre ngeli