Te fundit
Histeria në Tiranë, pas një horrori në Shkodër!
7 Maj 2024, 19:59Blog
TEMA
Nga Ylli Pata
Jemi tre ditë pas një ngjarje të tmerrshme në Shkodër. Ku Alma Arrazi dhe tre fëmijët e saj janë mbytur në ujrat e lumit Buna.
Sot analistët kanë bërë gati pretencën, pa pasur realisht të dhënat e një krimi të tmerrshëm që së pari duhet zbardhur. A i hodhi Alma Arrazi tre fëmijët e saj në lumë për t’i mbytur? Apo ishte dikush tjetër që kreu krimin? Kamerat deri tani nuk kanë nxjerrë një provë filmike për të ardhur në përfundim. Ndaj jemi ende në hipoteza, ku te gjithë flasin për dhunën. Po dhunën e kujt? Kush e realizoi dhe pse e vulosën analistët nga Tirana.
Në vitin 1995, isha reporter i Gazetës Shqiptare në Shkodër. Në një ditë të qetë pa lajme, bashkë me mentorin tim në gazetari, Musa Kurtulajn, takuam ekspertin mjeko-ligjor të policisë së Shkodrës. Një shkencëtar në kuptimin e plotë të fjalës. Ai na tha se kishte pasur në dorë një ngjarje të trishtë, shumë të trishtë.
Një nuse e re në Velipojë, kishte vrarë veten, sepse prindërit e të shoqit e kishin rënduar, lënduar dhe akuzuar. Ajo ishte shtatëzënë, ndërkohë që nuk kishte as tre muaj që ishte martuar. I shoqi, i ri fare si ajo ndodhej në Itali. Ja nxinë jetën, derisa një ditë gruaja bukuroshe vret veten me çifte me një fëmijë në bark.
Mjeku ligjor i policisë së Shkodrës ishte i tronditur dhe na e tha, ne mirëkuptim më shumë me Musain. Nuk vonova dhe shkrova një raportim të shkurtër me shkrim dore, dhe më pas e përcolla në poste telegrafin e Shkodrës kur njerëz të shumtë ndiqnin ç’do të thoja. Ku të paktën dy vetë ishin agjentë të SHIK-ut të Gazidedes.
Të nesërmen, redaktori im në Gazetën Shqiptare, e kishte bërë aperturë. “Vret veten nga thashethemet”. Shkrimi ishte bold. Bëri bujë!
Atë ditë, ndësa unë po ndiqja një leksion me profesoreshë Paulina Hoxhën në historinë antike, kryesekretarja Ingridi, hap derën e klasës dhe thotë: Ylli Patën e kërkon rektori!
Shkoj menjëherë në zyrën e Gjovalin Kolombit. Edhe pse një militant i PD-së, ishte një personazh mjaft babaxhan. Sa hyri më priti me romuze, si për të thënë se këtu nuk të ndodh gjë. “Ça shkruni mor aman, hajde hajde ulu këtu”, thotë rektori i qetë.
Në kolltukun ngjitur, ndodhej një tip gangsteri, i cili nuk vonoi shumë dhe tha: “Kam ardh me të vra”. Nuk e di ç’ndodhi me mua por i thashë: Ok të lumtë pushka, takohemi ku të duash. Dhe lamë një vend takimi, te Kisha e Madhe, vendi më i rëndësishëm i qytetit.
Sa dola nga rektori, poshtë ndërtesës së fakultetit priste Musa Kurtulaj e i madhi Paulin Selimi. Të dy të shqetësuar për fatin tim, por i pari i armatosur me argumente. Musai kishte folur me të atin e vajzës. Historia ishte krejt e thejshtë. Vajza nga Shtoji, ishte dashuruar me një djalë nga Velipoja dhe i kishin dhënë fjalën njëri tjetrit.
Dashuria e tyre kishte qenë jo vetëm e sinqertë por edhe konkrete. Pas tre muajsh u martuan, e nusja e re natyrshëm ishte shtazënë me djalin që donte. Por i shoqi nuk ndodhej aty për ta mbrojtur, e as opinioni nuk i erdhi në krah. Babai i vajzës, një intelektual, jo vetëm që më përgëzoi për botimin e lajmit, por shtoi se vajza jonë nuk u vetëvra, por u vra nga vjehërrit injorantë e fanatikë.
Ndërhyrja e babait të vajzës më shpëtoi realisht nga një ngjarje e tmerrshme që në atë kohë në Shkodër ndodhnin përditë.
E meqë ra fjala, vriteshin shpesh për gjakmarrje. Në çdo ngjarje, unë shkoja për ngushëllim në familje. Pastaj i thoja se jam gazetar. Shumë nuk donin të flisnin, por pjesa më e madhe donin të shpreheshin, sepse policia i fshihte faktet. Pastaj më rrëfenin dhe me jepnin dhe fotot e të ndjerit. Kishte kolegë që vidhnin fotot nga lajmërimet mortore. i quanin “njerëz pa din”.
Kurrë nuk kam marrë një foto nga lajmërimet, edhe pse nuk më kanë dhënë info familjarët, apo edhe mund të më kishin përzënë natyrisht me lezet. Sot pas shumë vitesh, takoi njerëz të familjeve të personave që profesioni më ka takuar, e flasim për atë standard që në Shqipërinë apo Shkodrën e 1994-1995 sot nuk takohet dot. Por flasin njerëz pa pikë lidhje. Pa zbuluar ende se kush e ka kryer hedhjen në lumin Buna të tre fëmijëve, Alma apo dikush tjetër? Kamerat nuk kanë kapur pamje tjetër veçse shëtitjen.
Alma piu kafe për herë të fundit me kunatën. Po krimi i tmerrshëm si ndodhi? Pa u zbardhur me detaje ai, askush s’mund të nxjerrë analiza. Sepse këtu është thelbi, jo kush dhunoi gruan apo burri kishte dashnore. Po kush i mbyti fëmijët!
12 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Psë nukë ja ke vue emrin se pse babi i Bajram Barit e ka ka vrarë nusen 15 vjeç me femi në bark... Muslimanët e shkodrës janë ekstemista barbar, primitive...
Nena sakrifikon jeten e saj per femijet,hidhet ne lume per ti shpetuar,kjo qe beri eshte e paimagjinueshme....
Aperture, bold ?! I nderuar gazetar, mund të shkruani shqip ju lutem?
Sallate!
Keto jane pasojat e nje shoqerie "moderne" qe prodhon femra kryenece dhe te pabindura, te cilat nuk e kane fare sensin e pergjegjesise dhe detyres ndaj familjes dhe femijeve por jane 100% te orientuara drejt rehatise personale. Pyetja qe i shtrojne vetvetes eshte, a ndihem mire une, a jam une a lumtur etj? Ma prishi qefin vjerra, apo burri? - oburra te mbireagoj ne menyre sa me fatale. Le te digjet cdo gje, ne djall te shkojne per triumfit e vicklave te mia. Martesa nuk eshte muaj mjalti, eshte lufte, stres, konflikt, brenge, ashtu si vet jeta. A mos valle burrat e kan me te lehte ne jete? Por keshtu eshte kur martesa humb identitetin e saj te krishtere. Martesa si e njofim ne sot eshte nje rit fetar, jo civili. Eshte nje sakriment, ska kuptim jashte kontekstit fetar. Ne te gjithe boten moderne shanci qe nje femije te vritet apo abuzohet nga nena eshte 2-3 here me i larte se nga babai. Simptomat e nje shoqerie egalitariane. Renia e patriarkise sjell kaos e anarki, dhe me te vjen vdekja, impulsi emocional dhe horrori.
Ça thu mor idiot! Nuk ke haber fare nga koha në të cilën jeton, je shpellar primitiv, kërkon kthimin prapa të kohës, të zhdukësh gjithë përparimet e mendjes dhe shoqërisë njerëzore, kërkon kthimin në Mesjetë! Copë trungu, të duket vetja i mençur dhe do të japësh mend ti, trumykur!
Po.tregon histori per vete ape per ate te gjoren dhe familjen?
Doni me per Belulin
Te ndertojme nje argument me njrrezor. Nena mund te jete vetembytur, por nuk ka mbytur vete tre femijet. Me apo pa kamera, kjo hitori tragjike nuk ka nje nene vrasese. Te lumte Ylli.
O Beni une kuptova shume gjera aty ,nejse ...problemet jane pafund sot,sepse shoqeria eshte ekstremisht e renduar psikologjikisht,keto jane pasojat pikerisht te atij brezi qe nuk pane nje shkolle me sy,nje shtepi kulture ,nje sport,nje organizim me shoqerine ,ne teater, sepse ju vu kazma biblotekave,artit,muzeumeve,shtepive te kultures, kritikave shoqerore nga njerez elitar.. keto jane pasojat e shkaterimit me vetdije te Sali kèrmès...malokut qe risolli hakmarjen, dhunen ,prostitucionin,. Ahhhh Enver Hoxha te ndritte ai shpirt atje ku je!!! Ti e dije mire me ke kishe te beje.
????????
Njeriu doli nga shtrati, e,u mbyt në “Bunë” “Tragjedia e Shkodrës, trupat e Nënës, dhe tre fëmijëve të mitur nxirren nga lumi Buna! Konfliktet midis palëve pergjatë martese, eshte i pritshëm. Shkaqet?! e shumta, studimet ende vazhdojnë . Ka plot të pa bindur ndaj regjistrit martesor. Ka plot bashkëshortë dhe familjar të tyre që pronësinë mbi fëmijët e kthejnë në betejë për jetë a vdekje. Kur puna vjen te divorci faktik, goditja bëhet asgjesuese. Shume fjalor ushtarak, agresiv, si i nxjerr nga ndonjë mësymje midis dy ushtrive armike, përdoret prej çiftit në shmangie të opsionit DIVORC “ nuk të dua më, dua të ndahem”. Bashkëshortet nuk i binden vendimit të tjetrit. Publiku shokohet nga mënyrat dhe mjetet e përdoruar. Ata specializohen si “kasapë” të njeri- tjetrit. Pritshmëria e një shoqërie të emancipuar, është, që të respektohet e drejta e një procesi gjyqësor të drejtë, të pa anshëm, korrekt dhe solemnë. Ata, ish bashkëshortet, të bëjnë paqe e si ‘çobanë’ të kujdesen për rritjen e fëmijve të tyre. Por ‘Buna’ na tregoi gropat e zeza te shoqërisë sonë. Do të ketë të tjerë “kasap” madje edhe të fëmijve të tyre. Uroj të mos jene tre. Shumë “kasap”, e pak “çobane” për fëmijët e tyre prodhon konflikti midis bashkëshortëve, në shoqerine shqiptare!? Mos thoni, ju lutem, që trashigimia jonë “otomane” e ka fajin ende...