Te fundit
Kadare mes Fermës dhe Harvardit
8 Maj 2026, 11:30Blog
Ag Apolloni
Umberto Eco, pak para se të vdiste, pati botuar disa ese ku trajtonte një tip njerëzish që janë në gjendje të shkojnë në çdo emision e format mediatik vetëm për të tërhequr vëmendje. S’ka rëndësi se çka thonë, s’ka rëndësi sa dinë, me rëndësi është që pastaj kur të dalin në rrugë, njerëzit të thonë: e njoh, e kam pa në televizor. Popullariteti i bën të lumtur.
Një person i tillë i lumtur është edhe Mimoza Ahmeti, një poete nga Shqipëria, që njihet si “më e mençura e Fermës”. Disa të mençur kanë thënë: nëse ndihesh më i mençuri në dhomë, ndërro dhomë! Po e ndërruam fjalën ‘dhomë’ me ‘fermë’, e kuptojmë se sa i mençur duhet të jetë dikush që ka hyrë aty dhe ndihet superior ndaj atyre që e rrethojnë. Mos ta tjerrim më tutje, se bëhet parodi.
Pikërisht, nga më e mençura e kësaj “dhome”, ku s’pritet të gjesh njerëz të dijes, vjen deklarata relativizuese: mendoj se Kadare nuk e meriton gjithë atë sukses që ka.
Ky është gjykim nga Ferma. Mund të pajtoheni me të, mund të mos pajtoheni. Ferma foli.
Tjetër gjykim ka Harvardi. Javën e kaluar, në Universitetin e Harvardit, u mbajt një diskutim me titullin “Arts & Humanities on the edge”, ku pata rastin ta takoj edhe kritikun e mirënjohur James Wood, i cili ka shkruar disa herë për veprat e Ismail Kadaresë. Pasi i tregova që ia kisha lexuar të gjitha shkrimet për Kadarenë, ai më tha: oh, ka qenë fantastik, gjithmonë kam besuar fuqishëm se ai njeri e meritonte çmimin Nobel.
Nejse! Kështu thonë këndej kah Harvardi. Ndryshe mendojnë andej kah Ferma.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Se sa i ditur është një njeri duket edhe nga zgjedhjet që bën. Po iu bashkua stanit të idiotëve do të thotë se atje ndjehet vetvetja, e rrethuar nga lloji i vet.
Shum idiot ka dhe Hrdkari ,si ky qe pretendon cemime Nobel ,nuk duhet te cuditeni ,si ferma qe e shemton kete zvarites te Laverit te gjirokastres
Ndryshe kah Harvardi, ndryshe kah Ardvarki! Nje urti popullore thot: Hoxha nuk mund ti shkruaj hajmali familjes se vet.
Bukur Ag! Urime mik i dashur! Televizioni ka lindur si kulture masive, ndersa aktualisht, pershkak te komercializmit, po e vret kulturen e mirefillte!
Ahmeti, nuk eshte vecse, nje shkaravine, qe dhe krijimet e saj, si te tilla, e bejne ate te mendoj se eshte moderne. Por me ne fund, ka bere nje zgjidhje te mencur, duke gjetur alter egot e saj, ne fermen e kafsheve, sidomos birazerin nga kosova.
Si shkrimtar Kadareja e meriton suksesin qe ka patjeter. Per ne qe e kemi lexuar Kadarene perpara viteve 90 gjithmone ka qene ushqim shpirteror sepse e shifnim si te vetmen dritare qe dikush shkruante me pakez drite per situaten ose na pelqente ta shifnim ashtu. Por duke e ditur dhe njofur mire ate qe quhej lidhja e shkrimtareve dhe si funksiononte ajo referuar sistemit komunist mund te them se Kafarese i mungoi kurajo qe te hiqte nga vetja çdo dyshim dhe kjo mungese e perbalti ate me apo pa te drejte.
Shkrim i goditur sakte. Mehmeti eshte vertete zhgarravine e shoqerise shqipetare……
Se mos lexonte Agai dje,që të mendoj ndonjë gjë të mençur sot!!!Edhe Moza në këtë kontekst duhet ta ketë thënë!
Mendoj se artikullshkruesi duhej ta kish bere me te kthjellet titullin: "Bagetite (dmth, Ferma) perballe njerezve (dmth, Harvardi). Dihet qe te paret nuk e kuptojne Kadarene dhe nuk ka si te mendojne mire per te.