Te fundit
LaCivita erdhi që në vitin 1993, por në formë çokollate
15 Prill 2025, 16:01Blog
Nga Frrok Çupi
Chris LaCivita tani, viti 2025, është ky version që shkon e vjen në Tiranë si ‘strateg dhe këshilltar amerikan për PD’. Tani ky vjen t’i japë në dorë fitoren Berishës në zgjedhjet e Majit. Si një dekoratë nga qielli.
Me mjekër, me sy thellë në zgavër, gjithnjë pa humor dhe dyshues, ende pa shpallur sa do të paguhet nga kryetari i PD dhe gjithnjë i thartuar se si do t’i marrë ato para.
Po ky ‘strateg’ i huaj, ka zbritur në Tiranë në fundin e vitit 1992, sapo Sali Berisha kishte marrë pushtetin.
Është i njëjti version, me pak ndryshime. ‘LaCivita’ i vitit 1992 ishte qytetar i huaj, por jo amerikan. Ai ishte francez dhe quhej ‘Nicolas Arsidi’. Edhe ai konsiderohej ‘strateg’ në marrëdhëniet publike dhe ndërkombëtare. Edhe ai, francezi Arsidi, njësoj si amerikani LaCivita, kishte lidhje me presidentin e Republikës. Nicolas Arsidi ishte këshilltar i Presidentit francez Zhiskar d’Esteng, ndërsa LaCivita- njeriu bombë i fushatës së Donald Trump.
Edhe një element tjetër po aq i përbashkët, por edhe me diferencë: Të dy këta ‘magjistarë’ u paguan fort nga paratë publike të popullit shqiptar, që të dy u paguan për një shërbim ndaj të njëjtit person, Sali Berisha. Por ndërsa pagesa për francezin Arsidi u bë publike (1,2 milionë dollarë), pagesa e LaCivita po mbahet e fshehtë.
Ndërsa SPAK sot nuk po heton as bën transparencë, në vitin 1993 prokurori Kokoshi, edhe pse i lidhur me Berishën, mbylli në burg drejtorin dhe zëvendës- drejtorin e të vetmes bankë në Shqipëri (Banka Tregtare Shqiptare). Sigurisht, këta dolën të pa fajshëm, por u kapën si kolateral që mund ta çonte rrjedhën në burgosjen edhe të presidentit Berisha.
Çështja e burgimeve qe një tragjedi më vete, që i mori edhe jetën Guvernatorit të Bankës Kombëtare Shqiptare.
Por cilat janë elementë të tjerë të përbashkët Arsidi- LaCivita?
Si njëri, edhe tjetri, ‘magjistarë të huaj’, do t’i zbardhnin fytyrën presidentit Berisha në këmbim të një pagese të lartë. Nicolas Arsidi mori nga Banka Tregtare Kombëtare një milionë e dyqind mijë dollarë. Ishte koha kur 1 dollarë peshonte shumë në varfërinë e popullit. Ato ditë u deklarua se Thesari i shtetit kishte gjendje vetëm 6 milionë dollarë. Ndërsa kryeministri i qeverisë së Stabilitetit vuri alarmin se ‘vendi ka vetëm gjashtë ditë bukë’.
Shuma 1. 2 milionë dollarë i jepej francezit Arsidi vetëm për një nder akorduar presidentit Berisha.
Cili është nderi? E dini?
Një dekoratë për Berishën. Kushtoi 1.2 milionë dollarë…, disa të burgosur të pa fajshëm dhe një Guvernator të vdekur. U burgosën bankierët Agron Saliu dhe Agim Tartari. Guvernatori Ilir Hoti, ithtar i Berishës, pas burgut u dërgua në të njëjtin spital në Itali ku vdiqën disa eksponentë të PD ‘ithtarë të Berishës’.
Dekorata u manifestua si fitore ‘për njeriun e lirisë’.
Në Hotel Dajti u mblodh gjithë kupola e shtetit: Kryetari i Parlamentit, Arbnori; kryeministri, Meksi dhe aleati kryesor i Berishës, Gjinushi. Dekorata u dorëzua nga Arsidi dhe kushtoi 1. 2 milionë dollarë.
Arsidi erdhi privatisht në Shqipëri, as u paraqit në ambasadën Franceze (siç edhe LaCivita nuk ka shkelur në ambasadën amerikane). Arsidi tha se vinte nga një ‘klub kortezie’ në Francë, nga ku kishte marrë edhe dekoratën ‘e fisnikërisë së lartë’ për Berishën.
Dekorata franceze që mbajti në qafë Berisha ‘me lavdi’, pas pak ditësh doli se ishte medalje që francezët i quajnë (medaille de chocolat) ose që në gjuhën shqipe do të thotë ‘medalje limonade, pa vlerë’.
Për një dekoratë ‘çokolatë’ shqiptarët e varfër paguan një milionë e dyqind mijë dollarë. Për një çokolatë.
Arsidi nuk u shfaq më, ashtu siç do të ndodhë me LaCivita nesër. Siç nuk u shfaq më as Damir Fazliç, as Bin Laden, as Yasin Kadi, as grupimet Al-Haramain, Taibah International, dhe Revival Islamic Society…
Nga ky momenti i dështimit me ‘dekoratës çokolatë’, presidenti Berisha nisi reprezaljet me burgje dhe kulisa, me qëllim që të mbulonte turpin.
Por pastaj u arratis edhe ndjenja e turpit. Sali Berisha, me komplekse të thellë inferioriteti fyen popullin e tij me ‘shpëtimtarët’ që vijnë nga ‘ku ta dish’ dhe zbresin në tokë të zbrazët.
Do të shkojë edhe LaCivita, ca si shumë dollarë dhe asgjë.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Per te qene me i besueshem , analisti duhet te na thote kur i ka kuptuar keto prapesira te Berishes. Jo per ndonje gje por po flitet per vitin 1992, ndersa Frroku mori nje post shume te larte nga Berisha pas rikthimit ne pushtet ne vitin 2006. Lind nje pyetje e theshte, pse Frroku duke i ditur gjithe keto bema te Berishes pranoi te behej nje zyrtar i larte ne qeverine e Berishes 12 vjet me vone dhe jo vetem kaq por dilte studio me studio duke mbrojtur Berishen. Kujt ti besojme , Frrokut si zyrtar i larte kur Berisha eshte ne pushtet, apo Frrokut anti-Berishe kur Berisha eshte ne opozite.
Edhe Alienet te therrese Sulltan Saliu, nuk kane per ti bere derman !
Sot e vetmja rruge per te fituar Berisha eshte qe te prodhoje nje eksod te dyte ku te gjithe qytetarine ta detyroje te lrgohet nga vendi si ne vitet 90 e vendin e tyre te rivijne perseri talibanet e te zaptojne qytetet,spitalet ti rikthjene ne ambulatore per diten e naten per strehe,te zaprojne godina e troje me nje ndryshim se nese ne 90 ishte ne sherbim te inteligjences Amerikane dhe e drejtuar prej saj me qender Beogradin ,tash le ti kerkoje ndihme aleatit te Trampit ,V.Putinit ku mund te rrezoje qeverine per 24 ore nepermjet intenerarit Beograd-Prishtine -Tirane.Vetem ky skenar e rrisjell Berishen ne pushtet. Erion Veliaj akuzohet se gruaja e tij ka blere te brendeshme duke e mbajtur nen arrest kjo e stisur nga gardistet e tij vetem per ndikim ne zgjedhje ,por por harron qe ata qe ne 90 -ten ecnin me kater kembe sot fale ndryshimeve kane filluar dhe ecin me dy kembe duke e ndjere vehten me prane njerezimit .Kjo eshte arresyeja se perse Beri po bene tentativat e fundit te jetes se tij per te pare edhe nje here dafllak,por harron qe tashme edhe takati dhe ndjenjat kane vdekur njehere e pergjithmone.
Të hetoj prokuroria sa paguan se si i paguan të gjitha. Por të hetoj prokuroria edhe për giro d'Italia sa miliona euro do paguhen deri tani për të bllokuar rrugët kryesore??
Kjo që thua më ngjan me kohën kur spanjollë e portugeze takuan indianët e Amerikës veri dhe jug. Ku në këmbim të floririt dhuronin pasqyrka. Gjithë ai autoritet si shtet për 40 vjet u shkrime si indianët e dikurshëm.