Te fundit
“Mistrecët” e dalë kohe, shfaqen në Shkup
29 Prill 2026, 13:30Blog
TEMA
Nga Aleksandër Çipa
Nëse thirrjet albanofobe të një grupi me emër “ Komiti” l, të tifozëve në ndeshjen Vardar-Tikvesh, do të ishte një rastësi e vetme, nuk do të merrej fare në vlerësim. Madje as tingëllimi kanibalesk i shprehjes:
“Shqiptari i vdekur, shqiptari i mirë, o hej!”!
Por kur vëren se kemi të bëjmë me pamje koresh antishqiptare, të organizuar dhe të strukturuar, në kundërshti dhe shkelje flagrante të ligjit themelor të një republike të mbajtur si “ këpucë e konsumuar” falë “ këpucarëve”, atëhere problemi është endogjen.
Në Shkup, jo vetëm nëpër stadiume, por edhe në sjellje dhe gjeste politike, shumëshfaqen provokacione dhe incidente antishqiptare.
Aktet fyese dhe substancialisht raciste antishqiptare, në Maqedoninë e Veriut, janë regres serioz që mbart risk për bashkëjetesën në Ballkanin Perëndimor, jo vetëm e thjesht në republikën “e arnuar”, kandidate për në BE.(!)
Një muaj më parë, kësi thirrjesh u dëgjuan rishtazi në një stadium dhe Ministria e Brendshme e RMV, veprën penale e “ ndëshkoi” me gjoba si në shkelje qarkullimi apo “hedhje mbeturinash jashtë koshit”!
Kjo ministri as sot, pas një muaji, nuk zbulon se cilët janë të identifikuarit e atyre thirrjeve dhe korreve barbare antishqiptare.
Në gushtin e vitit 2025 rishtazi ndodhi e njëjta skenë në Kumanovë, madje në prani të kryeministrit Mickovski dhe vartësit të tij, Toshkovski.
Këtyre episodeve aq provokative ndaj shqiptarëve u shtohet së fundi edhe gjesti thellësisht provokativ i ministrit të Mbrojtjes së RMV, Vlado Misajlovski.
Ky ministër, zhvillon një ceremoni përkujtimore përpara memorialit të Batalionit të Forcave Speciale në nderim të katër pjesëtarëve të ushtrisë së vrarë në Vejcë në vitin 2001. Përulet dhe pantomimon para pllakës që i etiketon si “terroristë” shqiptarët e përfshirë në këtë konflikt, të shënuar 25 vite më parë, varësisht se ka pasur viktima nga të dyja palët.
Gjesti zyrtar, pllaka e shkruar dhe sidomos reagimet e maqedonasve janë mjaftueshmërisht kundër Marrëveshjes së Ohrit, e cila ka shënuar një dakordësi ekzistenciale për Maqedoninë e Veriut, mes maqedonasve dhe shqiptarëve. Teksti i memorialit, para të cilit ministri i Mbrojtjes, maqedonasi Misalojvski, guxon e bën veprim politik antishqiptar, ndër të tjerash ka edhe përmbajtjen:”…Ranë në luftë kundër terroristëve shqiptarë më 28.04.2001 në rajonin e fshatit Vejcë”. (Bëhet fjalë për luftën e UÇK)
Këto episode dhe shumë e shumë të tjerë në përditshmëri, dëshmojnë qartazi se molepsja raciste antishqiptare e maqedonasve provincialë, dhe jo vetëm, është një problem bashkëjetese dhe standarti. Dhe meqenëse është i tillë, pra prapambetje në standard bashkëjetese, institucionalizmi shqiptar, sidomos ai politik dhe ndërshtetëror, do të duhej të kishte dhe të ketë një qasje dhe reagim kryekëput të ndryshëm nga gjer më sot.
Kur themi se Maqedonia e Veriut ekziston pikërisht prej shqiptarëve, kjo është e vlefshme sa graviteti fizik për këtë republikë.
Maqedonasit nuk janë ndërgjegjësuar për këtë dhe meritojnë të marrin prova dinjitoze.
Faktori shqiptar në jetën institucionale te MV duhet të dëshmojë kapacitet dhe të demonstrojë dinjitet…!
Memoriale të tilla nëpër MV duhet te zhduken me ligj dhe me forcën e një task force ligjore.
Të drejtat kushtetuese të shqiptarëve janë barazi shtetasish dhe meganjësie etnike shtetformuese.
Diplomacia shqiptare, në RMV, Shqipëri dhe Kosovë do të duhej ta kishin kryer një raport faktmbledhës me kohë në partneritet institucional me Komisionerët ndërkombëtarë dhe sidomos me Brukselin zyrtar.
Maqedonasit janë të pamjaftueshëm për të rikthyer edhe historinë e vjetër të Ballkanit me urrejtje, edhe mundësinë e tyre raciste antishqiptare e sidomos diferencuese të tyre.
Leksionin për demokracinë dhe sidomos dinjitetin, tashmë shqiptarët kanë arsye t’ua japin pa hezitim këtyre fqinjëve, sidomos bashkëjetuesve shtetërorë të tyre në RM.
Është në dinjitet të shqiptarëve të mos u lënë asnjë grimë mundësie si maqedonasve, ashtu edhe sivëllezërve të tyre nëpër provinca të rajonit, për të përsëritur dhe manifestuar akte racizmi apo albanofobie.
Është kohë tjetër dhe kanë “ndërruar pasqyrat”, për të parë çfarë nuk përkon me këtë kohë për rajonin.
Maqedonasit kanë arsye më shumë se kushdo ndër popujt e këtyre trojeve ta përvetësojnë vargun aksiomatik të Pushkinit:” Tek e shkuara nuk ka më kthim!”.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
E the por kujt po ja thua....
Pra zoti Çipa, edhe ju po thoni atë që tha ministri I jashtëm i Shqipërisë, Hoxha: - Po ata mut shqiptarë atje, çfarë bëjnë? Apo ju pëlqen të jenë në qeveri me atë Mishkonjckin?
Shqiptarët e Maqedonisë e kanë pak atë që po u bëhet...meritojnë më shumë. Nuk ndërtohet jeta,as identiteti shqiptar duke lëpirë çdo bëthë maqedonasi për pushtet.
Faleminderit ,shumë i nderuari Aleksandër Çipa ,për këtë shkrim dinjitoz dhe atdhetarë.Pozita e shqiptarëbe në Maqedonin e Veriut po kthehet ngadal,heshtas por sigurt si në kohën e Milosevicit.Kryemimidtri i tashëm i Maqedonis e kishte porollë zgjedhore ,Maqedonia maqedonëve’ ,Dealbanizacia na makedonija’ …Dhe këta kërkrsa parazgjedhore ,kanë filluar që ditën e parë të pushtetit të Mickovskit dhe po bëhen realitet çfo ditë e më shumë.Është momenti i fundit për reagim i faktorit shqiptarë. Këtë do ta bënte çdo lidership që ka minimumin e ndergjegjjes humane dhe kombëtare.
Të lumtë Z. Çipa, shkrim shumë dinjitoz!!!
Shqiptarët duhet të shkëputen nga bytha e maqedonasve dhe të punojnë për të krijuar Iliridën e tyre brenda Maqedonisë. Asnjëherë nuk e kam kuptuar Ali Ahmetin kur u ngjitej si muti pas këpucës qeverive maqedonase, edhe kur ato i kishin votat e tyre dhe nuk kishin nevojë për të. Për sa kohë që do të sillen ashtu, për aq kohë do të përbuzen nga maqedonasit. Aty problemi nuk është "Vlen" apo "BDI"! Kush është më i mirë dhe më patriot, me llafe, se tjetri. Shqiptarët duhet të krijojnë pavarësi nga Shkupi politik. Të tregojnë krenari dhe dinjitet. Nuk na doni 1 herë, nuk ju duam 10 herë. Tirana dhe Prishtina duhet tu kërkojnë partive shqiptare në Maqedoni të bojkotojnë zgjedhjet atje dhe të formojnë një Iliridë në hije. Kur nuk ke respekt për veten, i huaji të shkel me këmbë.