Te fundit
Anglia dhe Franca kërcënojnë me sanksione Netanyahun
20 Maj 2025, 12:26Bota
TEMA
Viktimat nuk kanë të ndalur në Rripin e Gazës. Sulmet izraelite gjatë mëngjesit të së martës kanë vrarë të paktën 60 persona në të gjithë Rripin e Gazës. Dy sulme në veri të Gazës goditën një familje dhe një shkollë të shndërruar në strehë, duke vrarë të paktën 22 persona, më shumë se gjysma e tyre gra dhe fëmijë, sipas Ministrisë së Shëndetësisë së Gazës.
Një sulm në qytetin qendror të Deir al-Balah vrau 13 persona, dhe një tjetër në kampin e refugjatëve Nuseirat, i cili është ndërtuar aty pranë, vrau 15 persona, sipas Spitalit të Martirëve Al-Aksa. Ndërkohë dy sulme në qytetin jugor të Khan Younis vranë 10 persona. Nga ana e Izraelit nuk pati asnjë koment të menjëhershëm nga ushtria izraelite, e cila thotë se synon vetëm militantët dhe fajëson Hamasin për vdekjet e civilëve sepse grupi vepron në zona me popullsi të dendur.
Sakaq, presioni ndërkombëtar është shtuar mbi Izraelin për shkak të ofensivës së tij të re ushtarake në Gaza. Udhëheqësit e Mbretërisë së Bashkuar, Francës dhe Kanadasë kërcënuan të ndërmarrin “veprime konkrete”, duke përfshirë sanksione të synuara, nëse Izraeli nuk e ndal ofensivën e tij të ripërtërirë ushtarake dhe vazhdon të bllokojë ndihmën që hyn në Gaza.
Krerët e shteteve dhe qeverive të Francës, Britanisë së Madhe dhe Kanadasë kërcënuan Izraelin me "masa konkrete" për shkak të ofensivës së tij ushtarake në Rripin e Gazës. Presidenti francez Emmanuel Macron, kryeministri britanik Keir Starmer dhe homologu i tij kanadez Mark Carney deklaruan së bashku se nuk do të qëndronin duarkryq përballë veprimeve "të shëmtuara" të qeverisë izraelite në Rripin e Gazës.
Ndërkohë, duke iu referuar sulmit të Hamasit më 7 tetor, kryeministri izraelit Benjamin Netanyahu ka hedhur poshtë ashpër kërcënimet nga Franca, Kanadaja dhe Britania e Madhe. Duke i bërë thirrje Izraelit që “të ndërpresë një luftë mbrojtëse për mbijetesën tonë përpara se terroristët e Hamasit të shkatërrohen në kufirin tonë dhe duke kërkuar një shtet palestinez”, këto shtete po i ofrojnë Hamasit “një shpërblim të madh për sulmin gjenocidal ndaj Izraelit më 7 tetor”, tha Netanyahu në X.
Në të njëjtën kohë, ata do ta “ftonin Hamasin të kryente mizori të mëtejshme”, shtoi ai. Izraeli gjithashtu ka bllokuar shpërndarjen e ndihmës humanitare që nga fillimi i marsit.
Sipas deklaratave të tij, Izraeli dëshiron të detyrojë Hamasin të bëjë lëshime, i cili ende mban peng 57 persona. Të dielën, zyra e Netanyahut njoftoi se Izraeli do të lejonte përsëri dërgesat e ndihmave. Dërgesat e para kanë mbërritur tashmë në Rripin e Gazës, por agjencia e Kombeve të Bashkuara thekson se ky plan izraelit është vetëm një “pikë ujë në oqean”.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
keqrdhje per kete Popullsi Martire qe po Viktimizohet nga nje Superfuqi Ushtarake me Mbrojtje te USA.s A thua "Vertet" Sulmi i Hamasit...do te Conte ne nje "Lufte"...me POpullsine Civile??Mos valle gjithcka ishte inskenuar nga sherbimi i fshehte Izraelite??Ka shume mundesi....Lufta e Tokes se djegur dhe Shkaterrimiet Masive..na bejne te dyshojme se Izraeli eshte ai qe edhe ka Inicuar sulmin perme Agjenteve te saj te infiltruar te Hamasi..Nuk ka se si Shpejgohet kjo Dhune barvare kunder Civileve..nuk kemi asnje Ushtare te Hamasit te Dorezuar..nuk kemi Lufte..akoma edhe Guerrile..kemi Vetem Viktima ne Femije dhe gra..ZOTI DENOFE Udheheqjen Izraelite dhe te gjithe ata qe e inicuan ate...lol
Viktima,e injorancës tënde,ose thjeshtë e dashurisë për vëllazërinë tënde shpirtërore!!viktimë ke parë ndonjë hamason që lufton me të njëjtën veshje që shoqëron pengjet izrailite kur ia dorëzon kryqit të kuq,ose qeverisë izrailite??jo për gjë por deri tashti nuk kemi parë asnjë të tillë!të gjithë sulmojnë dhe shkatërrojnë tanke izrailite(video të publikuara nga hamasonët)me militantë të veshur civilë!!vrasin ushtarë izrailit,të veshur me uniforma ambulancash!!vendosin raketahedhës në shkolla,spitale bile deri në xhami!!për mos lodhur trurin tënd viktimë,po e përfundoj me mallkimin tënd".ZOTI DENOFE ...... te gjithe ata qe e inicuan ate..."pra hamasonët që vranë,dogjën,përdhunuan,brënda 3 orëve 1200 persona nga foshnjat deri tek pleqt,dhe morën peng,vranë,përdhunuan dhe torturuan 200 të tjerë në këtë 1.5 vjetët e fundit!!vër trurin në punë dh emos e viktimizo kot së koti!!mundësitë i ke,lër dëshirat dhe largohu nga vëllezërit shpirtëror që su hakari për ty!!ata vëllezër shpirtërorë,janë në krah të armikut tënd!ata mbështesin sërbinë dhe e quajnë kosovën pjesë të saj!!mund të dalësh me teorinë "se nuk është populli ai që mbështet sërbinë,por drejtuesit e tij",e unë do të të përgjigjesha "se është populli ai që mbështet drejtuesit e tij,prandaj duhet dhe të paguaj,idiotësitë e tyre"!!