Te fundit
Bjellorusia liron 123 të burgosur pas marrëveshjes me SHBA-në
13 Dhjetor 2025, 16:00Bota
TEMA
Bjellorusia ka liruar 123 të burgosur, mes tyre edhe aktivisten e njohur të opozitës Maria Kolesnikova dhe fituesin e Çmimit Nobel për Paqen, Ales Bialiatski, pas një marrëveshjeje me Shtetet e Bashkuara për heqjen e disa sanksioneve ndaj vendit.
Lirimet erdhën pas bisedimeve në Minsk mes autoriteteve bjelloruse dhe të dërguarit special të presidentit amerikan, Donald Trump për Bjellorusinë, John Coale. Si pjesë e marrëveshjes, SHBA-të kanë pranuar të heqë sanksionet mbi potasin, një përbërës kyç për prodhimin e plehrave kimike dhe një nga eksportet më të rëndësishme të vendit, shkruan BBC.
“Me normalizimin e marrëdhënieve mes dy vendeve, gjithnjë e më shumë sanksione do të hiqen”, deklaroi Coale.
Presidenti i Bjellorusisë, Alexander Lukashenko, konsiderohet një aleat i ngushtë i presidentit rus Vladimir Putin, ndërsa Bashkimi Europian nuk e njeh atë si president legjitim.
Maria Kolesnikova ndodhej në burg që prej vitit 2020, ku ka kaluar periudha të gjata në izolim. Motra e saj, Tatiana, e cila ka lobuar vazhdimisht për lirimin e saj, konfirmoi lajmin për BBC-në, pasi pati mundësi të fliste me të përmes një video-thirrjeje menjëherë pas lirimit.
Një pjesë e të liruarve pritet të mbërrijnë së shpejti në Vilnius, kryeqytetin e Lituanisë, ku një turmë njerëzish është mbledhur pranë ambasadës amerikane për të pritur zhvillimet.
Sanksionet perëndimore u ashpërsuan pas pushtimit të plotë të Ukrainës nga Rusia në vitin 2022, kur trupat ruse hynë në territorin ukrainas përmes Bjellorusisë dhe raketa u lëshuan nga territori i saj.
Coale u citua nga mediat shtetërore bjelloruse të ketë deklaruar se sanksionet ndaj potasit do të hiqen menjëherë.
I dërguari amerikan tha gjithashtu se kishte biseduar me Lukashenkon për Ukrainën dhe për ndihmën që Minsku mund të ofrojë në bisedimet me presidentin rus, Vladimir Putin.
Përpjekja për t’u angazhuar me Minskun është pjesë e një ndryshimi të madh në politikën amerikane, që e vendos atë në kundërshtim të hapur me Europën, ku qasja mbetet ajo e sanksionimit dhe izolimit.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
A e kupton dikush kete Absurditet kur Amerika i kerkon Lukacenkos ti liron te burgosurit kurse vet i debon emigrantet e integruar dhe te pa fajshem, ose eshte nji plan qe ky ta ndegjon Trumpin kurse Trumpi ta mbeshtet Putinin.